തിരുവനന്തപുരം:ഒരിടവേളയ്ക്ക് ശേഷം സംസ്ഥാനത്തെ കോളജുകള്‍ ഇന്ന് തുറക്കും.കര്‍ശന കൊവിഡ് മാനദണ്ഡങ്ങള്‍ പാലിച്ചായിരിക്കും ക്ലാസുകള്‍.ഈ മാസം പതിനെട്ടിന് എല്ലാ ക്ലാസുകളും തുടങ്ങാന്‍ തീരുമാനിച്ചിരുന്നെങ്കിലും, കനത്ത മഴയെത്തുടര്‍ന്ന് മാറ്റി വെക്കുകയായിരുന്നു.ഒന്ന്, രണ്ട് വര്‍ഷ ബിരുദ ക്ലാസുകള്‍, ഒന്നാം വര്‍ഷ ബിരുദാനന്തര ക്ലാസുകളാണ് ഇന്ന് ആരംഭിക്കുക. അവസാന വര്‍ഷ ക്ലാസുകള്‍ നേരത്തേ തുടങ്ങിയിരുന്നു. കോവിഡ്, ശക്തമായ മഴ എന്നിവയുടെ ആശങ്ക സംശനത്ത് നിലനില്‍ക്കുന്നതിനാല്‍ തന്നെ സ്ഥാപന മേധാവികള്‍ വിദ്യാര്‍ത്ഥികളുടെ സുരക്ഷിതത്വം ഉറപ്പുവരുത്തുവാന്‍ പ്രത്യേക പരിഗണന നല്‍കേണ്ടതുണ്ട്. ഹാന്‍ഡ് വാഷ്, സാനിറ്റൈസര്‍, മുഖാവരണങ്ങള്‍, തെര്‍മല്‍ സ്‌കാനറുകള്‍ എന്നിവ ആവശ്യാനുസരണം ഉണ്ടെന്ന് ഉറപ്പു വരുത്തണം. വാക്‌സിന്‍ എടുക്കാത്ത വിദ്യാര്‍ഥികളെയും ക്ലാസ്സില്‍ പ്രവേശിപ്പിക്കാം. എന്നാല്‍, മനഃപൂര്‍വ്വം വിമുഖത കാണിച്ച്‌ വാക്‌സിന്‍ എടുക്കാത്തവരെ കോളേജില്‍ പ്രവേശിപ്പിക്കേണ്ടതില്ലെന്ന് തന്നെയാണ് തീരുമാനം.