കണ്ണൂര്‍:കണ്ണൂരില്‍ ബൈക്കപകടത്തിൽ കോഫീ ഹൗസ് ജീവനക്കാരനായ യുവാവ് മരിച്ചു.കല്യാശേരി കോലത്ത് വയല്‍ സ്വദേശി വൈഷ്ണവ് വിനോദ് (23) ആണ് മരിച്ചത്. ജോലിക്ക് പോകുന്നതിനിടെ ബൈക്ക് അപകടത്തിൽപെടുകയായിരുന്നു.ബുധനാഴ്ച രാവിലെ ഏഴോടെ കണ്ണൂര്‍-തളിപ്പറമ്പ് ദേശീയ പാതയില്‍ പള്ളിക്കുളത്തായിരുന്നു അപകടം.മൽസ്യം കയറ്റി പോവുകയായിരുന്ന ലോറി ബൈക്കിൽ ഇടിക്കുകയായിരുന്നു.ഇടിച്ച ലോറി നിർത്താതെ പോയി. കണ്ണൂര്‍ കാല്‍ടെക്സിലെ കോഫീ ഹൗസ് ജീവനക്കാരനാണ്. സിപിഎം കോലത്ത് വയല്‍ മനോജ് സ്ക്വയര്‍ ബ്രാഞ്ച് മെമ്പർ, ഡിവൈഎഫ്‌ഐ യൂണിറ്റ് വൈസ് പ്രസിഡന്‍റ് എന്നീ നിലകളില്‍ പ്രവര്‍ത്തിച്ചു വരികയായിരുന്നു.