ഡെറാഡൂൺ: ഉത്തരാഖണ്ഡിൽ മേഘവിസ്ഫോടനത്തെ തുടർന്നുണ്ടായ കനത്ത മഴയിൽ മരിച്ചവരുടെ എണ്ണം 40 ആയി.നിരവധി വീടുകളും പാലങ്ങളും ഒലിച്ചുപോയി. റോഡുകള്‍ തകര്‍ന്നതോടെ വാഹനങ്ങള്‍ ഒറ്റപ്പെടുകയും നിരവധി വാഹനങ്ങള്‍ ഒലിച്ചുപോയതായും റിപ്പോര്‍ട്ടുണ്ട്. ജനങ്ങള്‍ വിവിധ മേഖലകളില്‍ ഒറ്റപ്പെട്ടിരിക്കുകയാണ്.സൈന്യം അതിവേഗത്തിലുള്ള രക്ഷാ പ്രവര്‍ത്തനങ്ങളാണ് നടത്തുന്നത്.റെയില്‍ ഗതാഗതം പാടെ താറുമായിരിക്കുകയാണ്. ഗൗളാ നദിയുടെ ഒഴുക്ക് ശക്തമായതോടെ നൈനിറ്റാളിലേക്കുള്ള റെയില്‍ പാളങ്ങളും നദിക്കു കുറുകേ നിര്‍മ്മിച്ചിരുന്ന പാലവും ഒലിച്ചുപോയി. കാത്‌ഗോദാം റെയില്‍വ്വേ സ്‌റ്റേഷന്‍ ഏതാണ്ട് പൂര്‍ണ്ണമായും തകര്‍ന്നതായും റിപ്പോര്‍ട്ടുണ്ട്. രക്ഷപെടാന്‍ റെയില്‍വ്വേ സ്റ്റേഷനിലേക്ക് എത്തിയവരടക്കം കുടുങ്ങിക്കിടക്കുകയാണ്.