കണ്ണൂർ: കണ്ണൂർ ടൗൺ ജനമൈത്രി പോലീസും കാനന്നൂർ സൗത്ത് വൈസ്മെൻസ് ക്ലബും സംയുക്തമായി നടത്തുന്ന ക്ലീൻ കണ്ണൂർ സേഫ് കണ്ണൂർ പദ്ധതിയുടെ ഉദ്ഘാടനം നാളെ നടക്കും. ഉച്ചകഴിഞ്ഞു മൂന്നിന് കണ്ണൂർ പോലീസ് കോ-ഓപ്പറേറ്റീവ് സൊസൈറ്റി ഓഡിറ്റോറിയത്തിൽ പി.കെ. ശ്രീമതി എംപി ഉദ്ഘാടനം നിർവഹിക്കും.കണ്ണൂർ ടൗണിന്‍റെ ശുചിത്വവും സുരക്ഷിതത്വവും ഉറപ്പുവരുത്തുന്നതിന് ഒരുവർഷം നീണ്ടുനിൽക്കുന്ന പരിപാടികളാണു ക്ലീൻ കണ്ണൂർ സേഫ് കണ്ണൂർ പദ്ധതിയുടെ ഭാഗമായി ആസൂത്രണം ചെയ്തിട്ടുള്ളത്.കണ്ണൂർ ടൗൺ പോലീസ് സ്റ്റേഷൻ പരിധിയിലെ കോർപ്പറേഷൻ കണ്ടിൻജന്‍റ് ജീവനക്കാരെ ആദരിക്കും. ജില്ലാ പോലീസ് നടപ്പിലാക്കുന്ന ആതുരമിത്രം പദ്ധതിയുടെ ധനസഹായവിതരണം കണ്ണൂർ ജില്ലാ പഞ്ചായത്ത് പ്രസിഡന്‍റ് കെ.വി.സുമേഷ് നിർവഹിക്കും. ജില്ലാ പോലീസ് ചീഫ് ജി.ശിവവിക്രം അധ്യക്ഷത വഹിക്കും.