തിരുവനന്തപുരം: സംസ്ഥാനത്തെ സ്‌കൂളുകളിൽ എട്ടാം ക്ലാസ് വിദ്യാർത്ഥികൾക്ക് തിങ്കളാഴ്ച മുതൽ ക്ലാസുകൾ ആരംഭിക്കും.നവംബർ 15 മുതൽ ക്ലാസുകൾ തുടങ്ങാനായിരുന്നു നേരത്തെ തീരുമാനിച്ചിരുന്നത്. ക്ലാസുകൾ നേരത്തെ തുറക്കുന്നത് സംബന്ധിച്ച് പൊതുവിദ്യാഭ്യാസ ഡയറക്ടർ സർക്കാരിന് ശുപാർശ നൽകി. 19 മാസത്തെ ഇടവേളയ്ക്ക് ശേഷം നവംബർ ഒന്നിനാണ് സംസ്ഥാനത്തെ സ്‌കൂളുകൾ വീണ്ടും തുറന്നത്. 1-7, 10, 12 ക്ലാസുകളാണ് അന്നേദിവസം തുടങ്ങിയത്.നാഷണൽ അച്ചീവ്‌മെന്റ് സർവ്വേ ഈ മാസം പന്ത്രണ്ടിന് നടക്കാനിരിക്കുന്ന സാഹചര്യത്തിലാണ് മുൻ തീരുമാനം തിരുത്താൻ വിദ്യാഭ്യാസ ഡയറക്ടര് ശുപാർശ നൽകിയത്. വിദ്യാർത്ഥികളുടെ പഠനനേട്ടവും അധ്യയന സാഹചര്യവും വിലയിരുത്തുന്നതിനാണ് നാഷണൽ അച്ചീവ്‌മെന്റ് സർവ്വേ നടത്തുന്നത്. 3,5,8 ക്ലാസുകൾ കേന്ദ്രീകരിച്ചാണ് കേന്ദ്ര മാനവവിഭവശേഷി മന്ത്രാലയം സർവ്വേ നടത്തുന്നത്. അതേസമയം ഒൻപതാം ക്ലാസും പന്ത്രണ്ടാം ക്ലാസും മുൻ നിശ്ചയിച്ച പ്രകാരം പതിനഞ്ചിന് തന്നെയായിരിക്കും തുടങ്ങുന്നത്.