കണ്ണൂര്‍: കേന്ദ്ര സര്‍ക്കാര്‍ നടപ്പിലാക്കിയ പൗരത്വ നിയമ ഭേദഗതിക്കെതിരെ പ്രതിഷേധവുമായി കണ്ണൂര്‍ പൗരത്വസംരക്ഷണസമിതി രംഗത്ത്.സമിതിയുടെ നേതൃത്വത്തില്‍ ഈ മാസം നാലിന് കണ്ണൂരില്‍ റാലിയും പൊതുസമ്മേളനവും നടത്തും.കണ്ണൂര്‍ ജില്ലയിലെ വിവിധ രാഷ്ട്രീയ, മത, സാമൂഹിക, സാംസ്കാരിക സംഘടനകളുടെ നേതൃത്വത്തിലാണ് റാലിയും പ്രതിഷേധയോഗവും സംഘടിപ്പിക്കുന്നത്.വൈകീട്ട് നാലിന് സെന്റ് മൈക്കിള്‍സ് സ്കൂള്‍ പരിസരത്തുനിന്ന് റാലി ആരംഭിക്കും. തുടര്‍ന്ന് സ്റ്റേഡിയം കോര്‍ണറിലാണ് പൊതുസമ്മേളനം നടക്കുക.സമസ്ത കേന്ദ്ര കമ്മിറ്റി സെക്രട്ടറി പി.പി.ഉമര്‍ മുസ്‌ലിയാര്‍ ഉദ്ഘാടനം ചെയ്യും.