മട്ടന്നൂർ: കണ്ണൂര്‍ വിമാനത്താവളത്തിലെ കാര്‍ഗോ കോംപ്ലക്‌സ് ഈ മാസം 16ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.1200 ചതുരശ്രമീറ്റര്‍ വിസ്തീര്‍ണവും 12,000ടണ്‍ചരക്ക് കൈക്കാര്യം ചെയ്യാന്‍ പ്രാപ്തിയുള്ളകാര്‍ഗോ കോംപല്‍ക്സാണ് വിമാനത്താവളത്തില്‍ ഒരുക്കിയിട്ടുള്ളത്. കാര്‍ഗോ സര്‍വീസ് തുടങ്ങുന്നതിനുള്ള ട്രയല്‍ റണ്ണും മറ്റുകാര്യങ്ങളും ഉടന്‍ പൂര്‍ത്തിയാക്കുമെന്ന് കിയാല്‍ അധികൃതര്‍ അറിയിച്ചു. ഇലക്ട്രിക്ക് ഡാറ്റ ഇന്റര്‍ചേഞ്ച് സംവിധാനത്തിലൂടെയാണ് ചരക്കു നീക്കം നിയന്ത്രിക്കുക.കേടായിപ്പോകാന്‍ സാധ്യതയുള്ള ഭക്ഷ്യവസ്തുക്കളും കാര്‍ഷികോല്‍പ്പന്നങ്ങളും സൂക്ഷിക്കുന്നതിനായി കോള്‍റേജ് സംവിധാനവുമുണ്ട്.ഏഴായിരം ചതുരശ്രമീറ്റര്‍ വിസ്തൃതിയുടെ കാര്‍ഗോ കോംപല്‍ക്സിന്റെ പ്രവൃത്തി പൂര്‍ത്തിയായി വരികയാണ്. കാര്‍ഗോ കോംപല്‍ക്സിന്റെ ഉദ്ഘാടനം ഈ വർഷം ആദ്യം മുഖ്യമന്ത്രി ഉദ്ഘാടനം നിര്‍വഹിച്ചിരുന്നുവെങ്കിലും ഉദ്യോഗസ്ഥരെ നിയോഗിക്കാത്തതിനാല്‍ അന്താരാഷ്ട്ര ചരക്കുനീക്കം സാധ്യമായിരുന്നില്ല. കഴിഞ്ഞമാസമാണ് കാര്‍ഗോ വിഭാഗത്തില്‍ കസ്റ്റംസ് ഉദ്യോഗസ്ഥര്‍ ചുമതലയേറ്റത്. ഇതോടെയാണ് അന്താരാഷ്ട്ര ചരക്കുനീക്കത്തിനുള്ള സാധ്യതകള്‍ യാഥാര്‍ത്ഥ്യമായത്.