കണ്ണൂർ:കണ്ണൂർ കോ ഓപ്പറേറ്റീവ് ഹോസ്പിറ്റൽ സൊസൈറ്റിയുടെ എ.കെ.ജി കോ ഓപ്പറേറ്റീവ് ഇൻസ്റ്റിറ്റ്യൂട്ട് ഓഫ് ഹെൽത്ത് സയൻസിന്റെ ഉൽഘാടനവും ശിലാസ്ഥാപനവും മാവിലായിയിൽ നാളെ മുഖ്യമന്ത്രി പിണറായി വിജയൻ നിർവഹിക്കും.എ കെ ജി സി എച് എസ് ചെയർമാൻ എം.പ്രകാശൻ ചടങ്ങിൽ അധ്യക്ഷത വഹിക്കും.പി.കെ ശ്രീമതി എം.പി,കെ.കെ രാഗേഷ് എം.പി എന്നിവർ ചടങ്ങിൽ പങ്കെടുക്കും.പുതുതായി തുടങ്ങുന്ന ഇൻസ്റ്റിട്യൂട്ടിൽ പാരാമെഡിക്കൽ ഡിപ്ലോമ കോഴ്സുകളായ ഡയാലിസിസ് ടെക്നോളജി,ന്യുറോ ടെക്നോളജി,ഓപ്പറേഷൻ തീയേറ്റർ ആൻഡ് അനസ്തേഷ്യ ടെക്നോളജി,കാർഡിയോ വാസ്ക്കുലാർ ടെക്നോളജി എന്നീ ഡിപ്ലോമ കോഴ്സുകളും ഓഡിയോളജി ആൻഡ് സ്പീച് ലാംഗ്വേജ് പാത്തോളജി,ബിഎസ്സി ഒപ്റ്റോമെട്രി, ബിഎസ്സി മെഡിക്കൽ ബയോ കെമിസ്ട്രി തുടങ്ങിയ ഏഴു ഡിഗ്രി കോഴ്സുകളുമാണ് ആരംഭിക്കുക.