കണ്ണൂർ :ജില്ലയില്‍ അടിക്കിടെ ഉണ്ടാകുന്ന കൊലപാതകങ്ങളും അക്രമങ്ങളും കണക്കിലെടുത്ത് നാളെ മുഖ്യമന്ത്രിയുടെ നേതൃത്വത്തില്‍ സര്‍വകക്ഷി സമാധാനയോഗം നടക്കും. ജില്ലയില്‍ നേരത്തെ സമാധാന യോഗങ്ങള്‍ നടന്നെങ്കിലും ഇതിനൊന്നും പരിഹാരമാകാത്ത സാഹചര്യത്തിലാണ് വീണ്ടും യോഗം ചേരുന്നത്. തിരുവനന്തപുരത്ത് മുഖ്യമന്ത്രി പിണറായി വിജയന്‍ സിപിഎം, ബിജെപി-ആര്‍എസ്എസ് നേതാക്കളുമായി ഇന്ന് ഉഭയകക്ഷി ചര്‍ച്ച നടത്തിയിരുന്നു.
ചിലയിടങ്ങളില്‍ ഉണ്ടാകുന്ന ഉന്തും തള്ളുമാണ് പലപ്പോഴും വലിയ കുഴപ്പങ്ങളിലേക്ക് പോകുന്നത്. ഇത്തരത്തിലുള്ള പ്രശ്‌നങ്ങള്‍ മുളയിലെ നുള്ളണമെന്നും പ്രാദേശിക തലത്തില്‍ ചര്‍ച്ച ചെയ്ത് പരിഹാരം കണ്ടെത്തണമെന്നും ഉഭയകക്ഷി ചര്‍ച്ചയില്‍ അഭിപ്രായമുയര്‍ന്നു. സമാധാനയോഗം നടത്താനുള്ള സര്‍ക്കാറിന്റെ തീരുമാനം ഇരുകൈയ്യും നീട്ടിയാണ് ബിജെപി സ്വീകരിച്ചത്.