മട്ടന്നൂർ:നിർമാണം പൂർത്തിയായ കണ്ണൂർ വിമാനത്താവളം കാണാൻ പൊതുജനങ്ങൾക്ക് അവസരം.നാളെ മുതൽ പന്ത്രണ്ടാം തീയതി വരെ ദിവസവും രാവിലെ പത്തുമണി മുതൽ വൈകുന്നേരം നാലുമണി വരെയാണ് പ്രവേശനം അനുവദിക്കുക.സന്ദർശകർ തങ്ങളുടെ തിരിച്ചറിയൽ കാർഡ് കൈവശം കരുതേണ്ടതാണ്.സന്ദർശകരുടെ വാഹനങ്ങൾ വിമാനത്താവളത്തിന്റെ പാർക്കിങ് ഏരിയയിൽ നിർത്തിയിടണം.ടെർമിനൽ കെട്ടിടത്തിനുള്ളിൽ ഭക്ഷണ സാധനങ്ങൾ അനുവദിക്കുകയില്ല.പ്ലാസ്റ്റിക് മാലിന്യങ്ങളും മറ്റും വിമാനത്താവള പരിസരത്ത് ഉപേക്ഷിക്കാൻ പാടില്ല.സുരക്ഷാ സേനയുടെയും ഉദ്യോഗസ്ഥരുടെയും നിർദേശങ്ങൾ പാലിക്കണം.