ന്യൂഡൽഹി: കോവിഡ് ബാധിച്ച്‌ വീട്ടില്‍ നിരീക്ഷണത്തില്‍ കഴിയുന്നവര്‍ക്കായുള്ള മാര്‍ഗരേഖ കേന്ദ്രസര്‍ക്കാര്‍ പുതുക്കി.ചെറിയ ലക്ഷണങ്ങളോടു കൂടിയതോ ലക്ഷണങ്ങള്‍ തീരെ ഇല്ലാത്തതോ ആയ കോവിഡ് രോഗികള്‍ക്കാണ് വീടുകളില്‍ നിരീക്ഷണത്തില്‍ കഴിയാനുള്ള നിര്‍ദ്ദേശം ആരോഗ്യമന്ത്രാലയം നല്‍കിയിരിക്കുന്നത്. കോവിഡ് വന്ന 60 വയസ്സ് കഴിഞ്ഞവരെ ആദ്യം പരിശോധിക്കണം. പ്രതിരോധശേഷി കുറഞ്ഞവര്‍ക്കും കാന്‍സര്‍ രോഗികള്‍ക്കും ഹോം ഐസലേഷന്‍ ഇല്ല. പുതുക്കിയ മാര്‍ഗ്ഗരേഖ പ്രകാരം 7 ദിവസത്തെ നിരീക്ഷണത്തിനു ശേഷം പനിയോ മറ്റ് ലക്ഷണങ്ങളോ ഇല്ലെങ്കില്‍ വീണ്ടും ടെസ്റ്റ് നടത്തേണ്ട ആവശ്യമില്ല. നിരീക്ഷണത്തില്‍ കഴിയുന്ന കാലയളവില്‍ രോഗികളും രോഗികളെ പരിചരിക്കുന്നവരും സ്വീകരിക്കേണ്ട മുന്‍കരുതലുകള്‍ കുറിച്ചും പുതിയ മാര്‍ഗ്ഗ നിര്‍ദ്ദേശത്തില്‍ വ്യക്തമാക്കിയിട്ടുണ്ട്.ആരോഗ്യനില രേഖപ്പെടുത്താനുള്ള ചാര്‍ട്ട് മാതൃക ഉള്‍പ്പെടുത്തുന്നതിനൊപ്പം ആരോഗ്യപ്രവര്‍ത്തകരുമായി നിരന്തരം ബന്ധപ്പെടാനും നിര്‍ദ്ദേശിച്ചിട്ടുണ്ട്.