തിരുവനന്തപുരം:ശ്രീജീവിന്റെ മരണം സിബിഐ അന്വേഷിക്കട്ടെ എന്ന് ഡിജിപി ലോക്നാഥ് ബെഹ്‌റ.കേസിൽ സിബിഐ അന്വേഷണത്തിന് ശിപാർശ ചെയ്തിട്ടുണ്ട്.അന്വേഷണത്തിൽ സംസ്ഥാന പോലീസിന് വീഴ്ച ഉണ്ടായിട്ടുണ്ടോയെന്ന് പോലീസിനു പരിശോധിക്കാമെന്നും അദ്ദേഹം പറഞ്ഞു.അതേസമയം ശ്രീജിവിന്റെ കസ്റ്റഡി മരണത്തിൽ ആവശ്യമെങ്കിൽ ഡിജിപിയെ വിളിച്ച് വിശദീകരണം തേടുമെന്ന് മനുഷ്യാവകാശ കമ്മീഷൻ ആക്ടിങ് ചെയർ പേഴ്സൺ പി.മോഹൻദാസ് പറഞ്ഞു.കേസിൽ സിബിഐ അന്വേഷണമാണ് നല്ലതെന്നും അന്വേഷണത്തിന് കമ്മീഷനും ശുപാർശ ചെയ്യുമെന്നും അദ്ദേഹം പറഞ്ഞു.