News

കണ്ണൂർ:കണ്ണൂർ ഇന്റർനാഷണൽ എയർപോർട്ട്(കിയാൽ) എംഡിയായി വി.തുളസീധരനെ വീണ്ടും നിയമിച്ചു.പി.ബാലകിരണിനെ മാറ്റിയാണ് തുളസീദാസിനെ നിയമിച്ചിരിക്കുന്നത്. വിമാനത്താവളനിർമാണത്തിന്റെ ആദ്യഘട്ടത്തിൽ തുളസീദാസായിരുന്നു കിയാൽ എംഡി.പിന്നീട് രാജമൗലിയെ എംഡിയായി നിയമിച്ചു.ഇടതുസർക്കാർ അധികാരത്തിലെത്തിയപ്പോൾ വീണ്ടും തുളസീദാസിനെ എംഡിയായി നിയമിച്ചെങ്കിലും പിന്നീട് അദ്ദേഹം രാജിവെയ്ക്കുകയായിരുന്നു. ഇതോടെയാണ് ടൂറിസം ഡയറക്റ്ററായ ബാലകിരണിന് കിയാൽ എംഡി സ്ഥാനം കൂടി നൽകിയത്.ഇപ്പോൾ എംഡി സ്ഥാനത്തുനിന്നും ബാലകിരണിനെ മാറ്റിയാണ് തുളസീദാസിനെ വീണ്ടും നിയമിച്ചിരിക്കുന്നത്.

മണ്ണാർക്കാട്:അട്ടപ്പാടിയിൽ ആദിവാസി യുവാവ് മധുവിനെ മർദ്ദിച്ചു കൊലപ്പെടുത്തിയ കേസിലെ പ്രതികളുടെ ജാമ്യാപേക്ഷ മണ്ണാർക്കാട് പ്രത്യേക കോടതി തള്ളി. പട്ടികജാതി-വർഗ പ്രത്യേക കോടതിയാണു കേസ് പരിഗണിച്ചത്. കേസിലെ 16 പ്രതികളുടേയും ജാമ്യാപേക്ഷ കോടതി തള്ളി.കേസിൽ താവളം പാക്കുളം മേച്ചേരിൽ ഹുസൈൻ (50), മുക്കാലി കിളയിൽ മരക്കാർ (33), മുക്കാലി പൊതുവച്ചോല ഷംസുദീൻ (34), കക്കുപ്പടി കുന്നത്തുവീട്ടിൽ അനീഷ് , മുക്കാലി താഴുശേരി രാധാകൃഷ്ണൻ (34), ആനമൂളി പൊതുവച്ചോല അബൂബക്കർ (31), മുക്കാലി പടിഞ്ഞാറപള്ള കുരിക്കൾ വീട്ടിൽ സിദ്ധീഖ് (38), മുക്കാലി തൊട്ടിയിൽ ഉബൈദ് (25), മുക്കാലി വിരുത്തിയിൽ നജീബ് (33), മുക്കാലി മണ്ണമ്പറ്റ ജെയ്ജുമോൻ (44), മുക്കാലി ചോലയിൽ അബ്ദുൾ കരീം (48), മുക്കാലി പൊട്ടിയൂർകുന്ന് പുത്തൻപുരക്കൽ സജീവ് (30), കള്ളമല മുരിക്കട സതീഷ് (39), കള്ളമല ചെരുവിൽ വീട്ടിൽ ഹരീഷ് (34), കള്ളമല ചെരുവിൽ വീട്ടിൽ ബിജു, കള്ളമല വിരുത്തിയിൽ മുനീർ (28) എന്നീ 16 പേരാണ് അറസ്റ്റിലായത്.അട്ടപാടിയിലെ കടകളില്‍ നിന്ന് സാധനം മോഷ്ടിച്ചെന്നാരോപിച്ചാണ് ഒരു സംഘം നാട്ടുകാര്‍ മധുവിനെ മര്‍ദിച്ചത്. കൊലപാതകവുമായി ബന്ധപ്പെട്ട മുഴുവന്‍ പ്രതികളെയും പൊലീസ് അറസ്റ്റ് ചെയ്തിരുന്നു.തലക്കടിയേറ്റതാണ് മധുവിെന്‍റ മരണകാരണമെന്നായിരുന്നു പോസ്റ്റ്മോര്‍ട്ടം റിപ്പോര്‍ട്ട്. മധുവിെന്‍റ ശരീരത്തില്‍ അമ്ബതോളം മുറിവുകളുള്ളതായും ഇതിലൂടെയുണ്ടായ രക്തസ്രാവവും മരണത്തിന് കാരണമായിട്ടുണ്ടെന്നും റിപ്പോര്‍ട്ടില്‍ പറയുന്നു.

തൃശൂർ:തൃശ്ശൂരിൽ വൻ തീപിടുത്തം.ഇന്നു പുലര്‍ച്ച രണ്ടോടെയായിരുന്നു സംഭവം.കാഞ്ഞൂര്‍ റോഡിൽ ഗ്ലസന്‍ എന്നയാളുടെ ഉടമസ്ഥതയിലുള്ള ചൂണ്ടക്കാട്ടില്‍ ബേക്കേഴ്സ് എന്ന ബിരിയാണി ഉത്പന്ന മൊത്തവ്യാപാര സ്ഥാപനമാണ് കത്തിനശിച്ചത്.ഈ സ്ഥാപനത്തിനോട് ചേര്‍ന്ന് പ്രവര്‍ത്തിച്ചിരുന്ന ഡ്രസ് വേള്‍ഡ് എന്ന തയ്യല്‍ സ്ഥാപനവും അഗ്നിക്കിരയായി.ബിരിയാണി ഉത്പന്ന മൊത്തവിതരണ കേന്ദ്രത്തില്‍ നിന്നും തയ്യല്‍ കടയിലേക്ക് തീ പടരുകയായിരുന്നു. തയ്യല്‍ കടയില്‍ നിന്നും തീ പടര്‍ന്ന് സമീപ വീട്ടിലെ ഫര്‍ണീച്ചറുകളും കത്തി നശിച്ചിട്ടുണ്ട്. വീടിന്‍റെ മുകള്‍ നിലയിലേക്ക് തീയും പുകയും അനുഭവപ്പെട്ടതിനെ തുടര്‍ന്നാണ് വീട്ടുകാര്‍ സംഭവം അറിയുന്നത്. വിവരം അറിയിച്ചതിനെ തുടര്‍ന്ന് എത്തിയ ഫയര്‍ഫോഴ്സ് രണ്ട് മണിക്കൂറോളം പ്രയത്നിച്ചാണ് തീ നിയന്ത്രണ വിധേയമാക്കിയത്.ഏകദേശം പത്ത് ലക്ഷത്തോളം രൂപയുടെ നാശനഷ്ടം കണക്കാക്കുന്നുണ്ട്. ഷോര്‍ട്ട് സര്‍ക്യൂട്ട് ആകാം തീപിടുത്തത്തിന് കാരണമെന്ന് നിഗമനം.

പഴയങ്ങാടി:പഴയങ്ങാടിയിൽ സിപിഎം-ലീഗ് സംഘർഷം.ഫുട്ബോൾ കളിക്കിടെയുണ്ടായ വാക്ക്തർക്കമാണ് സംഘർഷത്തിൽ കലാശിച്ചത്.ഡിവൈഎഫ്ഐ,ലീഗ് പ്രവർത്തകർക്ക് മർദ്ദനമേൽക്കുകയും സിപിഎം-ലീഗ് ഓഫീസുകൾക്ക് നേരെ അക്രമമുണ്ടാവുകയും ചെയ്തു.കഴിഞ്ഞ ദിവസം ഡിവൈഎഫ്‌ഐയുടെ നേതൃത്വത്തിൽ യുവധാര ക്ളബ്ബിന്റെ ആഭിമുഖ്യത്തിൽ നടത്തിയ ഫുട്ബോൾ മത്സരത്തിനിടെ വാക്കേറ്റമുണ്ടായിരുന്നു.ഇതിനെ തുടർന്ന് ബുധനാഴ്ച രാത്രി അക്രമം തുടങ്ങി.ഡിവൈഎഫ്ഐ പ്രവർത്തകൻ റെയിൽവെ സ്റ്റേഷന് സമീപം താമസിക്കുന്ന റിഷാദിന് മർദനമേറ്റു.ഇയാളെ പയ്യന്നൂർ സഹകരണ ആശുപത്രിയിൽ പ്രവേശിപ്പിച്ചു.തുടർന്ന് ലീഗ് പ്രവർത്തകനും മർദനമേറ്റു.പിന്നീട് സംഘടിച്ചെത്തിയ ലീഗ് പ്രവർത്തകർ പഴയങ്ങാടി പ്രതിഭ തീയേറ്ററിന് സമീപത്തെ സിപിഎം ഓഫീസിൽ അടിച്ചു തകർത്തു.തുടർന്ന് സിപിഎം പ്രവർത്തകർ ബീവി റോഡിലെ ലീഗ് ഓഫീസിനു നേരെയും അക്രമം നടത്തി. അക്രമത്തെ തുടർന്ന് സ്ഥലെത്തിയ പഴയങ്ങാടി എസ്‌ഐയും സംഘവും പ്രവർത്തകരെ വിരട്ടിയോടിച്ചു.സംഭവവുമായി ബന്ധപ്പെട്ട് പോലീസ് നാല് കേസുകൾ രജിസ്റ്റർ ചെയ്തിട്ടുണ്ട്.