കണ്ണൂർ:കണ്ണൂരിൽ യുഡിഎഫ് നേതാവ് കെ.സുധാകരന്റെ വിജയം ഉറപ്പിച്ച് പ്രവർത്തകർ. പലയിടങ്ങളിലും സുധാകരന് അഭിവാദ്യം അർപ്പിച്ചുകൊണ്ട് പ്രവർത്തകർ ആഹ്ളാദപ്രകടനങ്ങൾ തുടങ്ങി.അറുപത്തിനായിരത്തില്പരം വോട്ടുകൾക്കാണ് സുധാകരൻ ഇപ്പോൾ ലീഡ് ചെയ്യുന്നത്.വോട്ടെണ്ണലിന്റെ ആദ്യമിനിറ്റുകളിൽ മാത്രമാണ് ഇവിടെ എൽഡിഎഫിന് ലീഡ് നേടാനായത്.വരും മണിക്കൂറുകളിൽ വോട്ടെണ്ണിത്തീരുമ്പോൾ സുധാകരൻ ഒരുലക്ഷത്തിൽപ്പരം വോട്ടുകളുടെ ലീഡ് നേടുമെന്നാണ് പ്രവർത്തകർ പറയുന്നത്. അപ്രതീക്ഷിത മണ്ഡലങ്ങളിൽ പോലും ഇടത് കോട്ട തകർത്ത് ലീഡ് നേടാൻ ഇത്തവണ യുഡിഎഫിനായി.വോട്ടെണ്ണൽ പൂർത്തിയായ ശേഷം വൻതോതിലുള്ള ആഹ്ലാദപ്രകടനകളാണ് യുഡിഎഫ് നേതൃത്വം പ്ലാൻ ചെയ്തിരിക്കുന്നത്.
