കോഴിക്കോട്: കഴിഞ്ഞ ദിവസങ്ങളിൽ കേരളത്തിൽ ഉണ്ടായ ഉരുൾപൊട്ടലിലും വെള്ള പൊക്കത്തിലും ദുരിതമനുഭവിക്കുന്നവർക്ക് കൂനിന്മേൽ കുരു പോലെ ദുരന്തത്തിന്റെ ആഴം വർധിപ്പിക്കാനും ജനങ്ങളിൽ പരിഭ്രാന്തി പടർത്താനും ബോധപൂർവ്വമായി വ്യാജവാർത്തകൾ സൃഷ്ടിച്ച് ഒരുകൂട്ടം സാമൂഹ്യവിരുദ്ധർ നവ മാധ്യമ ങ്ങളിൽ സജീവമാവുകയാണ്.
മുഖ്യമന്ത്രിയുടെ ദുരിതാശ്വാസനിധിയിലേക്ക് സഹായം നൽകരുത് അതിൽ ലഭിക്കുന്ന പണം ദുർവിനിയോഗം ചെയ്യുമെന്ന രീതിയിൽ വ്യാജ വാർത്തകൾ ഇതിനകം സോഷ്യൽ മീഡിയയിൽ വളരെ പ്രചരിച്ചിട്ടുണ്ട്. പ്രളയദിനങ്ങളിൽ കെഎസ്ഇബി സംസ്ഥാനവ്യാപകമായി വൈദ്യുതി വിതരണം നിർത്തിവെക്കും, ആഗസ്റ്റ് 8 9 10 എന്നീ തീയതികളിൽ കേരളത്തിലെ പെട്രോൾപമ്പുകളിൽ ഇന്ധനം ലഭിക്കില്ല എന്നും തുടങ്ങി പലവിധത്തിലുള്ള വ്യാജവാർത്തകൾ ആണ് സോഷ്യൽ മീഡിയകൾ വഴി ഇത്തരം ആൾക്കാർ പ്രചരിപ്പിക്കുന്നത്. ഈ വ്യാജ വാർത്ത കാരണം കഴിഞ്ഞ വെള്ളി ശനി ദിവസങ്ങളിൽ കേരളത്തിലെ ഒട്ടുമിക്ക പെട്രോൾ പമ്പുകളിലും വൻ തിരക്കായിരുന്നു ഉണ്ടായിരുന്നത്.
കേന്ദ്രസേനയുടെ വാഹനങ്ങൾക്ക് ഇന്ധനം നൽകാൻ തയ്യാറാകാത്ത വയനാട് ജില്ലയിലെ മൂന്ന് പെട്രോൾ പമ്പുകൾ ദുരന്തനിവാരണ സേനയുടെ പ്രത്യേക അധികാരം ഉപയോഗിച്ച് പിടിച്ചെടുത്തു എന്നും ഇതിൽ നിന്നും അവർക്ക് ആവശ്യമായ വാഹനങ്ങളിൽ ഇന്ധനം നിറച്ച ശേഷമാണ് സേനവാഹനങ്ങൾ വിട്ടുപോയത് എന്ന തരത്തിലുള്ള വ്യാജവാർത്തകൾ പല മാധ്യമങ്ങളിലും പ്രചരിച്ച തുടങ്ങിയിരുന്നു.
ഫെയ്സ്ബുക്ക് പോസ്റ്റുകളിൽ ഇന്ത്യൻ മിലിറ്ററിയെ അപമാനിച്ചു കൊണ്ടുള്ള വ്യാജ വാർത്തയറിഞ്ഞ സിജു എ ഉണ്ണിത്താൻ എന്ന സൈനികന്റെ വെളിപ്പെടുത്തൽ വൈറൽ ആയതോടെ പല പ്രമുഖ മാധ്യമങ്ങളും ഈ വാർത്ത പിൻവലിച്ചു.ചില ഫേസ്ബുക് പേജുകളിൽ ക്ഷമാപണം പോസ്റ്റ്‌ വ്യാജ വാർത്ത പിൻവലിചെങ്കിലും പട്ടാളനിയമങ്ങളെ പറ്റി അറിവില്ലാത്തവർ ഇപ്പോഴും ഈ വാർത്ത ഷെയർ ചെയ്തു സൈബർ, സിവിൽ നിയമത്തെ വെല്ലുവിളിക്കുകയാണ്.
ഫേസ്ബുക് പേജിൽ ലൈകും കമനട്സും ഷെയറും ലഭിക്കാൻ വേണ്ടി മാത്രമാണ് സാമൂഹ്യ വിരുദ്ധർ ഇത്തരം വ്യാജവാർത്തകൾ സൃഷ്ടിച്ച് സമൂഹത്തെ ആശങ്കയിലാക്കുന്നത്തത്.
