News

കണ്ണൂർ:മട്ടന്നൂർ അന്താരാഷ്ട്ര വിമാനത്താവളത്തില്‍ ജോലി വാഗ്ദാനം നല്‍കി ലക്ഷങ്ങള്‍ തട്ടിയ സംഭവത്തില്‍ കലാകാരന്‍മാരായ ദമ്പതികൾക്കെതിരെ കണ്ണൂര്‍ സിറ്റി പോലീസ് കേസെടുത്തു.കണ്ണൂര്‍ ഇരിവേരി പാനേരിച്ചാലിലെ പ്രശസ്ത തബലിസ്റ്റും ഗായകനുമായ കെ.സി. രാഗേഷ് (50), നര്‍ത്തകിയും ഗായികയുമായ ഭാര്യ കലാമണ്ഡലം ഉഷാനന്ദിനി (48) എന്നിവര്‍ക്കെതിരെയാണ് കോടതി നിർദേശപ്രകാരം കേസെടുത്തത്.കണ്ണൂര്‍ താഴെചൊവ്വയിലെ ചൈത്ര അതിഥി ജസ്റ്റിന്‍ പരാതി പ്രകാരം കേസെടുത്തത്. ചൈത്രയുടെ സഹോദരന് കണ്ണൂര്‍ എയര്‍പോര്‍ട്ടില്‍ പ്യൂണ്‍/അറ്റന്‍ഡര്‍ തസ്തികയില്‍ ജോലി നല്‍കാമെന്നു പറഞ്ഞ് അഞ്ചുലക്ഷം രൂപയോളമാണ് ദമ്പതികൾ തട്ടിയെടുത്തത്.കണ്ണൂര്‍ താഴെചൊവ്വയിലെ ചൈത്ര അതിഥി ജസ്റ്റിന്‍ പരാതി പ്രകാരം കേസെടുത്തത്.ചൈത്രയുടെ സഹോദരന് കണ്ണൂര്‍ എയര്‍പോര്‍ട്ടില്‍ പ്യൂണ്‍/അറ്റന്‍ഡര്‍ തസ്തികയില്‍ ജോലി നല്‍കാമെന്നു പറഞ്ഞ് അഞ്ചുലക്ഷം രൂപയോളമാണ് ദമ്പതികൾ തട്ടിയെടുത്തത്.019 ഓഗസ്റ്റ് 19 നും 20നും ഇടയില്‍ വച്ച്‌ പല തവണയായാണ് അഞ്ചു ലക്ഷം രൂപ കൊടുത്തത്.എന്നാല്‍ ജോലി നല്‍കാതെ ഇവര്‍ വഞ്ചിക്കുകയായിരുന്നു.തുടര്‍ന്ന് പണം തിരികെ ചോദിച്ചെങ്കിലും ഇവര്‍ നല്‍കാന്‍ തയാറായില്ല.പണം തിരികെ നല്‍കാത്തതിനെ തുടര്‍ന്ന് ചൈത്ര കണ്ണൂര്‍ ജുഡീഷല്‍ ഒന്നാം ക്ലാസ് മജിസ്ട്രേറ്റില്‍ പരാതി നല്‍കുകയായിരുന്നു.സംഭവത്തെകുറിച്ച്‌ അന്വേഷിക്കാന്‍ കണ്ണൂര്‍ സിറ്റി പോലീസിന് കോടതി നിര്‍ദേശം നല്‍കുകയായിരുന്നു.സംഭവത്തെകുറിച്ച്‌ അന്വേഷിച്ച്‌ എഫ്‌ഐആര്‍ സമര്‍പ്പിച്ചെങ്കിലും പ്രതികളെ ഇതുവരെ അറസ്റ്റ്ചെയ്യാന്‍ പോലീസ് തയാറായില്ല. ഇതിനിടയില്‍ പണം നല്‍കി സംഭവം ഒത്തുതീര്‍ക്കാമെന്ന് പരാതിക്കാരിയോട് ദമ്പതികൾ പറയുകയും അഞ്ചുലക്ഷം രൂപയുടെ ചെക്ക് നല്‍കുകയും ചെയ്തു.എന്നാല്‍ ചെക്കില്‍ പറഞ്ഞ തീയതി പ്രകാരം ബാങ്കിനെ സമീപിച്ചെങ്കിലും വ്യാജ ചെക്കായിരുന്നുവെന്ന് മനസിലാവുകയായിരുന്നു.തുടര്‍ന്ന് ചെക്ക് നല്‍കി വഞ്ചിച്ചതിന് കോടതിയില്‍ വീണ്ടും കേസ് ഫയല്‍ ചെയ്തിരിക്കുകയാണ്.

കണ്ണൂർ:കൊട്ടിയൂർ അമ്പായത്തോടിൽ വീണ്ടും മാവോയിസ്റ്റുകൾ പോസ്റ്റർ പതിച്ചു.ബുധനാഴ്ച പുലര്‍ച്ചെയാണ് ടൗണില്‍ മാവോവാദി പോസ്റ്ററുകള്‍ ശ്രദ്ധയില്‍പെട്ടത്. സി.പി.ഐ (എം.എല്‍) പശ്ചിമഘട്ട മേഖല സമിതിയുടെ പേരിലുള്ളതാണ് പോസ്റ്ററുകള്‍.എസ്.ഡി.പി.ഐ, പി.എഫ്.ഐ എന്നീ സംഘടനകളുടെ മതതീവ്രവാദ നയങ്ങള്‍ ചെറുക്കുക, സി.എ.എ വിരുദ്ധ സമരങ്ങളിലെ എസ്.ഡി.പി.ഐ, പി.എഫ്.ഐ കാപട്യം തിരിച്ചറിയുക എന്നിങ്ങനെയാണ് പോസ്റ്ററുകളില്‍ ഉള്ളത്. ചൊവ്വാഴ്ച രാത്രി ആറളത്ത് നാലംഗ മാവോയിസ്റ്റ് സംഘം എത്തിയതായി റിപ്പോര്‍ട്ടുകളുണ്ടായിരുന്നു. അതെ സംഘം തന്നെ ആണോ കൊട്ടിയൂര്‍ അമ്പായത്തോടിലും പോസ്റ്ററുകൾ പതിപ്പിച്ചതെന്നും സംശയമുണ്ട്. സംഭവത്തില്‍ പൊലീസ് അന്വേഷണം ആരംഭിച്ചു.

കണ്ണൂര്‍: കണ്ണൂരില്‍ റെയില്‍വേ ട്രാക്കില്‍ വിള്ളല്‍ കണ്ടെത്തിയതിനെ തുടര്‍ന്ന് ട്രെയിന്‍ ഗതാഗതം തടസ്സപ്പെട്ടു.ചൊവ്വാഴ്ച രാവിലെ 7.05 ഓടെയാണ് എടക്കാടിനും തലശേരിക്കും ഇടയില്‍ വിള്ളല്‍ കണ്ടെത്തിയത്.ട്രാക്കില്‍ വിള്ളല്‍ കണ്ടെത്തിയതിനെ തുടര്‍ന്ന് തിരുവനന്തപുരത്തേക്ക് പോകുന്ന നേത്രാവതി, പരശുറാം എന്നീ ട്രെയിനുകൾ കണ്ണൂരില്‍ പിടിച്ചിട്ടു. തുടര്‍ന്ന് രാവിലെ 7.50ഓടെയാണ് ട്രെയിന്‍ ഗതാഗതം പുനഃസ്ഥാപിച്ചത്.

മലപ്പുറം: ദേശീയ വിരവിമുക്ത ദിനാചരണത്തിെന്‍റ ഭാഗമായി സംസ്ഥാനത്തെ സ്കൂളുകളിലേക്കും അംഗന്‍വാടികളിലേക്കും വിതരണം ചെയ്ത ഗുളിക ഗുണനിലവാരമില്ലാത്തിനാല്‍ അവസാനനിമിഷം പിന്‍വലിച്ചു.19 വയസ്സിന് താഴെയുള്ള കുട്ടികളില്‍ വിരശല്യം ഇല്ലാതാക്കാനായി ആരോഗ്യവകുപ്പ് നല്‍കിയ ഗുളികകളുടെ വിതരണമാണ് അടിയന്തരമായി നിര്‍ത്തിവെക്കാന്‍ ജില്ല മെഡിക്കല്‍ ഓഫിസര്‍ തിങ്കളാഴ്ച ഉത്തരവിറക്കിയത്.ചൊവ്വാഴ്ചയാണ് ഗുളിക നല്‍കാന്‍ നിശ്ചയിച്ചിരുന്നത്.ഇതേ തുടര്‍ന്ന് തിങ്കളാഴ്ച വൈകീട്ട് ഗുളികകള്‍ തിരിച്ചെടുക്കുന്ന തിരക്കിലായിരുന്നു ഉദ്യോഗസ്ഥര്‍. ഏതെങ്കിലും അംഗന്‍വാടികളോ സ്കൂളുകളോ കുട്ടികള്‍ക്കിത് നല്‍കിയിട്ടുണ്ടോ എന്നകാര്യത്തില്‍ വ്യക്തതയില്ല. മലപ്പുറം ജില്ലയിലെ സാമൂഹികാരോഗ്യ കേന്ദ്രത്തിലെ മെഡിക്കല്‍ ഓഫിസര്‍മാരിലൊരാള്‍ ഗുളികയിലെ നിറവ്യത്യാസം ശ്രദ്ധയില്‍പെട്ടതിനെ തുടര്‍ന്ന് അധികൃതരെ വിവരമറിയിക്കുകയായിരുന്നു. ഇതോടെയാണ് ഗുണനിലവാരമില്ലാത്ത ഗുളികകളാണ് വിതരണത്തിനെത്തിയതെന്ന്  വ്യക്തമായത്.കേരള മെഡിക്കല്‍ സര്‍വിസസ് കോര്‍പറേഷെന്‍റ ഡി.കെ 0062 ബാച്ചുകളിലെ 400 എം.ജിയുടെ ആല്‍ബെന്‍ഡസോള്‍ ഗുളികകളാണ് തിരിച്ചെടുത്തത്. ഇതേ ഗുളികയുടെ 0058 മുതല്‍ 0063വരെയുള്ള ബാച്ചുകളും വിദ്യാലയങ്ങള്‍ക്കായി നല്‍കിയിട്ടുണ്ട്. കേരള സ്റ്റേറ്റ് ഡ്രഗ്സ് ആന്‍ഡ് ഫാര്‍മസ്യൂട്ടിക്കല്‍സാണ് ഗുളിക വിതരണം ചെയ്തിരിക്കുന്നത്. ഫാര്‍മസിസ്റ്റുകള്‍വഴി മാത്രം വിതരണം ചെയ്യാവുന്ന വിഭാഗത്തില്‍പെട്ട മരുന്നാണിത്. ഇതുസംബന്ധിച്ച സംശയം ജീവനക്കാരുടെ സംഘടനകളിലൊന്ന് ആരോഗ്യവകുപ്പിനെ അറിയിച്ചിരുന്നു. എന്നാല്‍, ഇതിന് മറുപടി നല്‍കാതെ ഗുളികവിതരണവുമായി അധികൃതര്‍ മുന്നോട്ടുപോവുകയായിരുന്നു.