കോഴിക്കോട്: നാദാപുരത്ത് രണ്ട് കുട്ടികളുമായി അമ്മ കിണറ്റിൽ ചാടി.കുട്ടികൾ ഇരുവരും മരിച്ചു. മൂന്നു വയസുള്ള ഇരട്ടക്കുട്ടികളായ മുഹമ്മദ് റസ്വിൻ, ഫാത്തിമ റഫ്വ എന്നിവരാണ് മരിച്ചത്.നാദാപുരം പേരോട് ഇന്നലെ രാത്രിയാണ് സംഭവം. പേരോട് സ്വദേശി സുബിനയാണ് കിണറ്റിൽ ചാടിയത്. രക്ഷപ്പെടുത്തിയ ഇവരെ പോലീസ് കസ്റ്റഡിയിലെടുത്ത് ചോദ്യം ചെയ്യുകയാണ്. സുബിന നിലവിൽ മാനസികാസ്വാസ്ഥ്യം പ്രകടിപ്പിക്കുന്നതായി പോലീസ് അറിയിച്ചു.സുബിന കിണറ്റിൽ ചാടുന്നതിന് മുമ്പ് വീട്ടുകാരെ വിളിച്ച് കാര്യം അറിയിച്ചിരുന്നു. കുട്ടികളെ കിണറ്റിലിട്ടതായും താൻ ചാടാൻ പോകുകയാണെന്നും സുബിന പറഞ്ഞു. തുടർന്ന് വീട്ടുകാരും നാട്ടുകാരും സംഭവസ്ഥലത്തെത്തുകയും രക്ഷപ്പെടുത്താൻ ശ്രമം നടത്തുകയും ചെയ്തു. അപ്പോഴേക്കും കുട്ടികൾ മരിച്ചിരുന്നു.
