തിരുവനന്തപുരം: മൂന്നാറില്‍ അനധികൃത നിർമ്മാണവും മണ്ണ്, പാറഖനനവും തടഞ്ഞാൽ മതിയെന്ന നിലപാടിലേക്ക് സി.പി.ഐ. എത്തുന്നു. സര്‍ക്കാര്‍ നടപ്പാക്കിയ അനധികൃത റിസോര്‍ട്ടുകളുടെ പൊളിച്ചടുക്കല്‍ ആവര്‍ത്തിക്കില്ല. മൂന്നാറില്‍ നിര്‍മാണങ്ങള്‍ക്ക് നിലവില്‍ റവന്യൂവകുപ്പിന്റെ അനുമതിവേണം. കോടതിവിധിയുടെ അടിസ്ഥാനത്തിലായിരുന്നു ഈ തീരുമാനം. വീടുവെയ്ക്കുന്നതിനും ചെറിയ കടമുറികൾക്കും മാത്രമേ അനുമതി നൽകുന്നുള്ളൂ.
അനധികൃത നിര്‍മാണങ്ങള്‍ക്കെതിരേ ശക്തമായ നടപടിയായിരിക്കും റവന്യൂ അധികൃതര്‍ സ്വീകരിക്കുക. പാറ, മണ്ണ് ഖനനത്തിനും അനുമതി നല്‍കില്ല. നിലവില്‍ വിരമിച്ച സൈനികോദ്യോഗസ്ഥരെ ഉള്‍പ്പെടുത്തി കളക്ടറുടെ അധികാരപരിധിയില്‍ അവിടെ ദിവസ വേതന അടിസ്ഥാനത്തിൽ ഭൂസംരക്ഷണസേനയുണ്ട്.
