News

കൊച്ചി: ബിജെപി സംസ്ഥാന കൗൺസിൽ നേതാവ് വെണ്ണല സജീവനെ ആർ എസ് എസ് പ്രവർത്തകർ വീട്ടിൽ കയറി ആക്രമിച്ചു. ഞായറാഴ്ച രാത്രി ഒമ്പതരയോടെയാണ് സംഭവം. ആർ എസ് എസ് കണ്ണൂർ മുഖ്യ കാര്യവാഹക് ജയന്റെ നേതൃത്വത്തിലുള്ള സംഘമാണ് സജീവനെ ആക്രമിച്ചത്.

രണ്ടു ബൈക്കുകളിൽ എത്തിയ ആർ എസ് എസ് ഗുണ്ടാ സംഘം  സജീവന്റെ കാലു തല്ലി ഒടിക്കുകയായിരുന്നു. തന്നെ  ആക്രമിച്ചത് ജയന്റെ നേതൃത്വത്തിലുള്ള ആർ എസ് എസ് പ്രവർത്തകർ ആണെന്ന് സജീവൻ പാലാരിവട്ടം പോലീസിന്  മൊഴി നൽകിയിട്ടുണ്ട്. ആക്രമണത്തിൽ പരുക്കേറ്റ സജീവൻ ഇപ്പോൾ മെഡിക്കൽ സെന്റര് ആശുപത്രിയിൽ ചികിത്സയിലാണ്. അതേസമയം ആക്രമണത്തിന് പിന്നിലുള്ള കാരണം വ്യക്തമല്ല.

കണ്ണൂർ: കുടുംബശ്രീ പത്തൊൻപതാം വാർഷികം അരങ്ങ് 2017 എട്ട്, ഒൻപത്, പത്ത് തീയതികളിൽ നടക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു. 43 ലക്ഷത്തോളം വരുന്ന സ്ത്രീകളുടെ കൂട്ടായ്മയായ കുടുംബശ്രീയുടെ മറ്റൊരു ചുവടു വെയ്പ്പാണ് ആഘോഷം. വാർഷികാഘോഷത്തിന്റെ ഭാഗമായി കലാ കായിക  മത്സരങ്ങൾ ഉൾപ്പെടുന്ന പരിപാടികളാണ് എ ഡി എസ് , സി ഡി എസ് , താലൂക്ക്, ജില്ലാ , സംസ്ഥാന തലങ്ങളിൽ സംഘടിപ്പിക്കുന്നത്.

കണ്ണൂർ: വാണിജ്യ-വ്യവസായ രംഗത്ത് പുരോഗതി തേടുന്ന കണ്ണൂരിന്റെ  സ്വപ്ന പദ്ധതിയായ വിമാനത്താവളത്തെയും അഴീക്കൽ തുറമുഖത്തെയും ബന്ധിപ്പിക്കുന്ന റെയിൽവേ പാത ഉപേക്ഷിക്കുന്നു. റെയിൽപാത  തല്ക്കാലം പരിഗണിക്കാനാവില്ലെന്നാണ് കേന്ദ്ര  റെയിൽവേ മന്ത്രാലയത്തിന്റെ നിലപാട്. നിലവിൽ നഷ്ടത്തിൽ,ഓടുന്ന റെയ്ൽവേയ്ക്ക് പുതിയ പാത അധിക സാമ്പത്തിക ബാധ്യത ഉണ്ടാക്കുമെന്ന പ്രാഥമിക സാമ്പത്തിക സർവ്വേ റിപ്പോർട്ടിനെ തുടർന്നാണ് പദ്ധതി ഉപേക്ഷിക്കുന്നത്.

പയ്യന്നൂർ: ഏഴിമല നാവിക അക്കാദമിയിൽ നിന്നുള്ള മാലിന്യ പ്ലാന്റ് അടച്ചു പൂട്ടുക എന്നാവശ്യപ്പെട്ട് ജന ആരോഗ്യ സംരക്ഷണ സമിതി നടത്തി വരുന്ന സമരം 58 ദിവസത്തിലേക്ക് കടന്നു. ഇന്നലെ   സമര പന്തലിൽ മറത്തുകളി അരങ്ങേറി. പാണപ്പുഴ പദ്മനാഭ പണിക്കരും ഭാസ്ക്കര പണിക്കരും നേതൃത്വം നൽകി. പൂരക്കളി അക്കാദമി പ്രസിഡന്റ് പി വി കൃഷ്ണൻ  ചടങ്ങിൽ മുഖ്യ അതിഥിയായി പങ്കെടുത്തു.