News

കണ്ണൂർ:കക്കാട് പുല്ലൂപ്പി ഭാഗത്തു നിന്നും അഞ്ചുപൊതി ബ്രൗൺഷുഗറുമായി ഒരാൾ അറസ്റ്റിൽ.കണ്ണൂർ സിറ്റിയിലെ മുസ്തഫീർ ആണ് പിടിയിലായത്.കണ്ണൂർ സിറ്റി ഭാഗങ്ങളിലെ പ്രധാനപ്പെട്ട കച്ചവടക്കാരനാണ് പിടിയിലായ മുസ്തഫീർ എന്നാണ് എക്‌സൈസ് ഉദ്യോഗസ്ഥർ പറയുന്നത്.കണ്ണൂർ എക്‌സൈസ് എൻഫോഴ്‌സ്‌മെന്റ്  ആൻഡ് ആന്റി സ്‌ക്വാഡ് എക്‌സൈസ് ഇൻസ്‌പെക്ടർ അമൽ രാജനും സംഘവും ചേർന്നാണ് അറസ്റ്റ് ചെയ്തത്.

തിരുവനന്തപുരം:കോഴിയിറച്ചിയുടെ വില കൂട്ടണമെന്ന് വ്യാപാരികൾ.ഇറച്ചി കോഴിക്ക് കിലോഗ്രാമിന് 115 രൂപയായി വർധിപ്പിക്കണം.കോഴിയിറച്ചിക്ക് 170 രൂപ വേണമെന്നും വ്യാപാരികൾ ആവശ്യപ്പെട്ടു.

തിരുവനന്തപുരം:നടിയെ ആക്രമിച്ച കേസുമായി ബന്ധപ്പെട്ട് നടൻ മുകേഷിന്റെ മൊഴി പോലീസ് രേഖപ്പെടുത്തി.അന്വേഷണ ഉദ്യോഗസ്ഥർ എംഎൽഎ ഹോസ്റ്റലിൽ എത്തിയാണ് മുകേഷിന്റെ മൊഴി രേഖപ്പെടുത്തിയത്.ചോദ്യം ചെയ്യൽ ഒന്നര മണിക്കൂർ നീണ്ടു നിന്നു.പൾസർ സുനിയെക്കുറിച്ചുള്ള വിവരങ്ങളാണ് പോലീസ് ചോദിച്ചറിഞ്ഞത് എന്ന് മുകേഷ് മാധ്യമങ്ങളോട് പറഞ്ഞു.നടി ആക്രമിക്കപ്പെട്ട സംഭവത്തിന്റെ ഗൂഢാലോചന നടക്കുന്ന സമയത്ത് പൾസർ സുനി മുകേഷിന്റെ ഡ്രൈവർ ആയിരുന്നു.ഇതിന്റെ അടിസ്ഥാനത്തിലാണ് പോലീസ് മുകേഷിന്റെ മൊഴി എടുത്തത്.

കൊച്ചി:നടി ആക്രമിക്കപ്പെട്ട കേസിൽ ആലുവ സബ്ജയിലിൽ കഴിയുന്ന നടൻ ദിലീപിനെ സഹോദരൻ അനൂപ് ജയിലിൽ സന്ദർശിച്ചു.ഇന്ന് രാവിലെ പതിനൊന്നരയോടെയാണ് അനൂപ് ജയിലിലെത്തിയത്.കൂടിക്കാഴ്ച പത്തു മിനിട്ടു നീണ്ടു നിന്നു.അനൂപിനൊപ്പം മറ്റു രണ്ടുപേർ കൂടി ജയിലിലെത്തിയിരുന്നു.