കൊച്ചി:പി ടി തോമസ് എംഎൽഎയെ അപായപ്പെടുത്താൻ ശ്രമമെന്ന് പരാതി. പാലാരിവട്ടം പൊലീസ് സ്റ്റേഷനില്‍ പരാതി നല്‍കി. കഴിഞ്ഞ ദിവസമാണ് പരാതി നല്‍കിയത്.ഇന്നലെ യാത്ര ചെയ്യവേ എംഎല്‍എയുടെ കാറിന്‍റെ നാല് ടയറുകളുടെയും നട്ടുകൾ ഇളക്കിയ നിലയിലായിരുന്നു. ഒരു വഴിയാത്രക്കാരനാണ് ടയര്‍ ഇളകിയത് ശ്രദ്ധയിൽപെടുത്തിയത്. അതുകൊണ്ട് അപകടമൊഴിവായി. തുടര്‍ന്ന് എംഎല്‍എ പൊലീസ് സ്റ്റേഷനിലെത്തി പരാതി നല്‍കുകയായിരുന്നു.മൂന്ന് ദിവസങ്ങള്‍ക്ക് മുന്‍പ് സര്‍വ്വീസിംഗിനയച്ചതായിരുന്നു കാര്‍. വണ്ടിയുടെ സര്‍വ്വീസിംഗ് കഴിഞ്ഞതായിരുന്നുവെന്നും ടയര്‍ ഇളകിപ്പോകാന്‍ ഒരു സാധ്യതയുമില്ലെന്നും അട്ടിമറിശ്രമം നടന്നിട്ടുണ്ടാവാമെന്നും ഷോറൂം ഉടമകള്‍ വ്യക്തമാക്കി. തുടര്‍ന്നാണ് എംഎല്‍എ പരാതി നല്‍കിയത്.
