കൊച്ചി:സംസ്ഥാനത്ത് സ്വകാര്യ ബസ് ഉടമകൾ വ്യാഴാഴ്ച മുതൽ നടത്താനിരുന്ന അനിശ്ചിതകാല സമരം മാറ്റിവെച്ചു.വിവിധ ആവശ്യങ്ങൾ ഉന്നയിച്ച് പ്രൈവറ്റ് ബസ് ഓപ്പറേറ്റർസ് കോൺഫെഡറേഷൻ ആണ് സമരം പ്രഖ്യാപിച്ചിരുന്നത്.മന്ത്രിതല ചർച്ചയിൽ തീരുമാനമായില്ലെങ്കിൽ അടുത്ത മാസം അഞ്ചു മുതൽ അനിശ്ചിതകാല സമരം നടത്തുമെന്ന് കോൺഫെഡറേഷൻ അറിയിച്ചു.സമരം ഒഴിവാക്കുന്നതിന് ഗതാഗത മന്ത്രിയുടെ നേതൃത്വത്തിൽ ചർച്ച നടത്താൻ തീരുമാനിച്ചിരുന്നു.എന്നാൽ ചില അസൗകര്യങ്ങളെ തുടർന്ന് ചർച്ച നടത്താൻ സാധിച്ചില്ല.ഈ സാഹചര്യത്തിൽ ഈ മാസം അവസാനത്തോടെ ചർച്ച നടത്താൻ കഴിയുമെന്നാണ് കരുതുന്നത്.ചർച്ചയിൽ തീരുമാനമുണ്ടായില്ലെങ്കിൽ സമരവുമായി മുന്നോട്ട് പോകുമെന്നും കോൺഫെഡറേഷൻ അറിയിച്ചു.
