കണ്ണൂർ:നടാൽ സ്വദേശിയായ വീട്ടമ്മയ്ക്ക് എ ടി എമ്മിൽ നിന്നും കിട്ടിയത് കീറിയ നോട്ടുകൾ.ഇന്നലെ രാവിലെയാണ് ഉഷ താഴെചൊവ്വയിലെ ഇന്ത്യ എ ടി എമ്മിൽ നിന്നും ഏഴായിരം രൂപയെടുത്തത്.ഇതിൽ 500 രൂപയുടെ 9 നോട്ടുകൾ കീറിയതായിരുന്നു.സെല്ലോടേപ്പ് ഉപയോഗിച്ച് ഒട്ടിച്ചവയായിരുന്നു ഇവ.ബാങ്കിന്റെ സീൽ പതിച്ചവയും ഇക്കൂട്ടത്തിൽ ഉണ്ടായിരുന്നു.പണം മാറിയെടുക്കാനാകാതെ വീട്ടമ്മ ബാങ്കുകൾകയറിയിറങ്ങി.ഇന്ത്യ എ ടി എം ഏതു ബാങ്കിന്റേതാണെന്നു കണ്ടെത്താനാകാത്തതായിരുന്നു കാരണം.എ ടി എമ്മിൽ നിന്നും പണം പിൻവലിച്ചപ്പോൾ മൊബൈലിൽ ഒരു മെസേജ് വന്നിരുന്നു.അതിൽ ഉണ്ടായിരുന്ന ടോൾ ഫ്രീ നമ്പറിൽ ബന്ധപ്പെട്ടപ്പോൾ ബാങ്കുമായി ബന്ധപ്പെടാനായിരുന്നു നിർദ്ദശം.ഒടുവിൽ ഫെഡറൽ ബാങ്കിന്റെ നിയന്ത്രണത്തിലുള്ളതാണ് ഇന്ത്യ എ ടി എം എന്ന് കണ്ടെത്തി.ഉടൻ തന്നെ പണവുമായി ഉഷ അവിടെ എത്തുകയും ബാങ്ക് പണം മാറ്റി നൽകുകയും ചെയ്തു.
