കൊച്ചി:152 വർഷത്തിന് ശേഷം ആകാശത്തു വിസ്മയക്കാഴ്ചയൊരുക്കി ഇന്ന് സൂപ്പർ ബ്ലൂ ബ്ലഡ് മൂൺ.ഇന്ന് ചന്ദ്രന്റെ നിറം കടും ഓറഞ്ചാകും.ഒപ്പം വലുപ്പം ഏഴു ശതമാനവും പ്രഭ 30 ശതമാനത്തിലധികം വർധിക്കുകയും ചെയ്യും.ഒരു മാസത്തിൽ രണ്ടു തവണ പൂർണ്ണ ചന്ദ്രനെ ദൃശ്യമാകുന്ന പ്രതിഭാസമാണ് ബ്ലൂ മൂൺ.ഭൂമിയും ചന്ദ്രനും തമ്മിലുള്ള അകലം കുറവായി വരുന്നതാണ് സൂപ്പർ മൂൺ.ഈ സമയത്തു സാധാരണ കാണുന്നതിനേക്കാൾ പതിനാലു ശതമാനം വരെ കൂടുതൽ വലിപ്പത്തിലാണ് ചന്ദ്രനെ കാണാൻ കഴിയുക.ഭൂമി സൂര്യനെ മറയ്ക്കുന്ന സമയത്ത് ചന്ദ്രൻ അസാധാരണമായ ചുവപ്പ് നിറത്തിൽ കാണുന്ന പ്രതിഭാസമാണ് ബ്ലഡ് മൂൺ.ഈ മൂന്നു പ്രതിഭാസവും ഒരേ ദിവസം സംഭവിക്കുന്ന അപൂർവ പ്രതിഭാസമാണ് സൂപ്പർ ബ്ലൂ ബ്ലഡ് മൂൺ.ഒന്നര നൂറ്റാണ്ടിനു ശേഷമുള്ള ഈ അത്ഭുത പ്രതിഭാസത്തിനായി കാത്തിരിക്കുകയാണ് ലോകം ഇന്ന്.ഇന്ന് വൈകിട്ട് 5.18 മുതൽ രാത്രി 8.43 വരെ ചന്ദ്രനെ ഇത്തരത്തിൽ കാണാനാകുമെങ്കിലും കേരളത്തിൽ അതിനിടയിലുള്ള 71 മിനിറ്റ് മാത്രമാണ് ഇത് കാണാനാകുക.
