Kerala

ന്യൂഡൽഹി: യെമനിൽ ഭീകരരുടെ പിടിയിൽ നിന്നു മോചിതനായ ഫാ. ടോം ഉഴുന്നാലിൽ ഇന്ത്യയിലെത്തി.റോമിൽ നിന്നും എയർഇന്ത്യ  വിമാനത്തിലാണ് അദ്ദേഹം ഡൽഹിയിലെത്തിയത്. കേന്ദ്ര ടൂറിസം മന്ത്രി അൽഫോൻസ് കണ്ണന്താനത്തിന്‍റെ നേതൃത്വത്തിൽ എംപിമാരായ കെ.സി വേണുഗോപാൽ, ജോസ് കെ. മാണി, ഫരീദാബാദ് ആർച്ച്ബിഷപ് മാർ കുര്യാക്കോസ് ഭരണികുളങ്ങര തുടങ്ങിയവർ ചേർന്നു അദ്ദേഹത്തെ സ്വീകരിച്ചു.രാവിലെ 10.30ന് പ്രധാനമന്ത്രി നരേന്ദ്ര മോദിയുമായി ഫാ.ടോം ഉഴുന്നാലിൽ കൂടിക്കാഴ്ച നടത്തി.പിന്നീട് 11.30ന് വിദേശകാര്യമന്ത്രി സുഷമ സ്വരാജുമായി അദ്ദേഹം കൂടിക്കാഴ്ച നടത്തി.വെള്ളിയാഴ്ച ബംഗളൂരുവിൽ എത്തുന്ന ഫാ. ടോം സെന്‍റ് ജോണ്‍സ് മെഡിക്കൽ കോളേജിൽ കർദിനാൾമാരുമായും സിബിസിഐ നേതൃത്വവുമായും കൂടിക്കാഴ്ച നടത്തും. ഒക്ടോബർ ഒന്നിനു കേരളത്തിലെത്തും.മൂന്നിനു തിരുവനന്തപുരത്തു മുഖ്യമന്ത്രി പിണറായി വിജയൻ ഉൾപ്പടെയുള്ളവരെ സന്ദർശിക്കും.

തിരുവനതപുരം:കെ.എസ്.ആർ.ടി.സിയിൽ ഇനി മുതൽ ഡ്രൈവർ കം കണ്ടക്റ്റർ രീതി നിലവിൽ വരും.തൊഴിലാളികളുടെ ജോലിഭാരം കുറയ്ക്കുക,സാമ്പത്തിക ലാഭം എന്നിവയാണ് പദ്ധതികൊണ്ട് ലക്ഷ്യമിടുന്നത്.ദീർഘദൂര സർവീസുകളിലാണ് പദ്ധതി നടപ്പിലാക്കുക.ദീർഘദൂര ബസുകൾ അപകടത്തിൽ പെടുന്നതിന്റെ പ്രധാന കാരണം ഡ്രൈവർമാർക്ക് ആവശ്യത്തിന് വിശമം ലഭിക്കാത്തതാണെന്ന കണ്ടെത്തലിനെ തുടർന്നാണ് പുതിയ നടപടി.ഒക്ടോബർ അഞ്ചുമുതലാണ് പദ്ധതി നടപ്പിലാക്കുക.പുതിയ സംവിധാനം നിലവിൽ വന്നാൽ യാത്രയുടെ പകുതി ദൂരം ഡ്രൈവറും കണ്ടക്റ്ററും ജോലികൾ പരസ്പ്പരം കൈമാറും.ഇതോടെ ഡ്രൈവർക്ക് അമിത ജോലി ഭാരം ഒഴിവാകുകയും ചെയ്യും.സംസ്ഥാനത്തെ ദീർഘദൂര ബസുകളിലടക്കം 42 സർവീസുകളിലാണ് പുതിയ പരിഷ്‌ക്കാരം നടപ്പിലാക്കുക.ഈ റൂട്ടുകളിൽ വോൾവോ,സ്‌കാനിയ,സിൽവർ ജെറ്റ്,മിന്നൽ,ഡീലക്സ് എന്നീ സർവീസുകളിൽ ഇനി മുതൽ ഈ പരിഷ്‌ക്കാരം നിലവിൽ വരും.

കണ്ണൂർ:പൊതുവിദ്യാഭ്യാസ വകുപ്പ് സാക്ഷരതാ മിഷന്റെ നേതൃത്വത്തിൽ ഇതര സംസ്ഥാന തൊഴിലാളികൾക്കുള്ള സാക്ഷരതാ പദ്ധതി ‘ചങ്ങാതി’ ഈ മാസം മുപ്പതിന് ഉൽഘാടനം ചെയ്യും.വൈകുന്നേരം 2.30  ന് ചിറക്കൽ ഇന്ദുലേഖ ഓഡിറ്റോറിയത്തിൽ നടക്കുന്ന ചടങ്ങിൽ മന്ത്രി രാമചന്ദ്രൻ കടന്നപ്പള്ളി ഉൽഘാടനം നിർവഹിക്കും.ചടങ്ങിൽ മറുനാടൻ തൊഴിലാളികളെ എഴുത്തിനിരുത്തുകയും ചെയ്യും.ചിറയ്ക്കൽ പഞ്ചായത്തിനെയാണ് പദ്ധതിയുടെ ആദ്യഘട്ടത്തിനായി തിരഞ്ഞെടുത്തിരിക്കുന്നത്.പിന്നീട് ജില്ലയിലെ മുഴുവൻ പ്രദേശങ്ങളിലേക്കും പദ്ധതി വ്യാപിപ്പിക്കും.പദ്ധതിയുടെ ആദ്യഘട്ടത്തിൽ ഇതരസംസ്ഥാന തൊഴിലാളികളുടെ സർവ്വേ നടത്തും.ഇതിനായി വോളന്റിയർമാർക്കുള്ള പരിശീലനവും മുപ്പതാം തീയതി നൽകും.തൊഴിലാളികൾ താമസിക്കുന്ന സ്ഥലങ്ങളും ജോലിചെയ്യുന്ന സ്ഥലങ്ങളും കേന്ദ്രീകരിച്ചാണ് സർവ്വേ നടത്തുക.ഓരോവാർഡിലും വാർഡ് അംഗം ചെയർമാനായ കമ്മിറ്റിയാണ് സർവ്വേ നടത്തുക.സർവ്വേ വിവരങ്ങൾ ശേഖരിച്ച ശേഷം നവംബർ ഒന്നിന് ക്ലാസുകൾ തുടങ്ങും.ആദ്യഘട്ടത്തിൽ ഇവരെ മലയാളം പഠിപ്പിക്കുന്നതിനോടൊപ്പം അവരുടെ ശുചിത്വം,ആരോഗ്യം തുടങ്ങിയ രംഗങ്ങളിൽ ബോധവൽക്കരണം നടത്തുന്നതിനുള്ള ക്യാമ്പുകളും സംഘടിപ്പിക്കും.

തിരുവനന്തപുരം:സംസ്ഥാനത്തെ സ്വകാര്യ ബസ് ഉടമകൾ ഒക്ടോബർ അഞ്ചു മുതൽ നടത്താനിരുന്ന അനിശ്ചിതകാല സമരം മാറ്റിവെച്ചു.സ്വകാര്യ ബസ് വ്യവസായം അഭിമുഖീകരിക്കുന്ന പ്രശ്നങ്ങളെ കുറിച്ച് പഠിച്ചു റിപ്പോർട്ട് സമർപ്പിക്കാൻ സർക്കാർ ജസ്റ്റിസ് രാമചന്ദ്രൻ കമ്മീഷനെ ചുമതലപ്പെടുത്തിയതിനെ തുടർന്നാണ് ബസ് സമരം മാറ്റിവെച്ചത്.