ജാമ്യവ്യവസ്ഥയിൽ ഇളവ് തേടി ദിലീപ് ഹൈക്കോടതിയിൽ

keralanews dileep filed petition in the high court seeking relief from bail bond

ആലുവ:ജാമ്യവ്യവസ്ഥയിൽ ഇളവ് തേടി ദിലീപ് ഹൈക്കോടതിയിൽ ഹർജി നൽകി. ദിലീപിന്റെ ഉടമസ്ഥതയിലുള്ള വ്യാപാരസ്ഥാപനമായ ദേ പുട്ടിന്റെ ദുബായ് ശാഖയുടെ ഉൽഘാടനത്തിന് പങ്കെടുക്കാൻ അനുവദിക്കണമെന്നും പാസ്പോർട്ട് തിരികെ നൽകണമെന്നും ആവശ്യപ്പെട്ടാണ് ദിലീപ് ഹൈക്കോടതിയെ സമീപിച്ചിരിക്കുന്നത്.ജാമ്യ വ്യവസ്ഥയുടെ ഭാഗമായി ദിലീപ് തന്റെ പാസ്സ്‌പോർട് അങ്കമാലി കോടതിയിൽ സമർപ്പിച്ചിരിക്കുകയാണ്.ഒരാഴ്ച ദുബായിൽ തങ്ങാൻ അനുവദിക്കണമെന്നാണ് താരത്തിന്റെ അപേക്ഷ.

മണൽ ലോറി ആക്രിക്കാരന് മറിച്ചു വിറ്റ സംഭവത്തിൽ അഞ്ചു പോലീസുകാർക്ക് സസ്പെൻഷൻ

keralanews five policemen were suspended

തളിപ്പറമ്പ്:തളിപ്പറമ്പിൽ അനധികൃത മണൽ കടത്തുകാർ ഉപേക്ഷിച്ച ലോറി  ആക്രികച്ചവടക്കാർക്ക് മറിച്ചു വിറ്റ സംഭവത്തിൽ അഞ്ചു പൊലീസുകാരെ സസ്‌പെൻഡ് ചെയ്തു.തളിപ്പറമ്പ് പോലീസ് സ്റ്റേഷനിലെ എഎസ്ഐ മാത്യു,സിവിൽ പോലീസ് ഓഫീസർ റിജോ നിക്കോളാസ്,ഡ്രൈവർമാരായ രമേശൻ, നവാസ്,സജു എന്നിവരെയാണ് സസ്‌പെൻഡ് ചെയ്തത്.തളിപ്പറമ്പ് ഡിവൈഎസ്പി കെ.വി വേണുഗോപാലിന്റെ റിപ്പോർട്ടിന്റെ അടിസ്ഥാനത്തിൽ കണ്ണൂർ ജില്ലാ പോലീസ് മേധാവി ജി.ശിവവിക്രം ആണ് ഇവർക്കെതിരെ നടപടിയെടുത്തത്.ഗുരുതരമായ കൃത്യ വിലോപമാണ് സംഭവത്തിൽ പോലീസുകാരിൽ നിന്നും ഉണ്ടായിട്ടുള്ളതെന്ന് അന്വേഷണത്തിൽ കണ്ടെത്തിയിട്ടുണ്ട്.ലോറി അപകടത്തിൽപ്പെട്ടതും കത്തിയതും സ്റ്റേഷന്റെ ചാർജുള്ള എഎസ്ഐ ഉന്നത പോലീസ് ഉദ്യോഗസ്ഥരെ അറിയിക്കുകയോ പോലീസ് സ്റ്റേഷൻ ജനറൽ ഡയറിയിൽ രേഖപ്പെടുത്തുകയോ ചെയ്തിട്ടില്ല. കത്തി നശിച്ച ലോറി പോലീസ് സ്റ്റേഷനിലോ യാർഡിലോ എത്തിക്കുന്നതിന് പകരം ആക്രിക്കടക്കാരനെ ഏൽപ്പിച്ചത് പൊലീസിന് നാണക്കേടുണ്ടാക്കി.വിദഗ്ദ്ധർ വാഹനം പരിശോധിച്ചുള്ള അന്വേഷണമാണ് ഇനി നടക്കുകയെന്നും ഉന്നത പോലീസ് ഉദ്യോഗസ്ഥർ പറഞ്ഞു.

പാപ്പിനിശ്ശേരിയിൽ ചൈന ക്ലേ ആൻഡ് സിറാമിക്സ് തൊഴിലാളികൾ നടത്തിവന്ന സമരം പിൻവലിച്ചു

keralanews the strike of china clay and ceramic workers in pappinisseri has been withdrawn

പാപ്പിനിശ്ശേരി:പാപ്പിനിശ്ശേരിയിൽ ചൈന ക്ലേ ആൻഡ് സിറാമിക്സ് തൊഴിലാളികൾ കഴിഞ്ഞ ഒരുമാസമായി പാപ്പിനിശ്ശേരി കേന്ദ്ര ഓഫീസിന് മുൻപിൽ നടത്തിവന്ന സമരം പിൻവലിച്ചു. വ്യാഴാഴ്ച വൈകുന്നേരം വ്യവസായ മന്ത്രി എ.സി മൊയ്ദീനുമായി സംയുക്ത സമര സമിതി നേതാക്കൾ നടത്തിയ ചർച്ചയെ തുടർന്നാണ് സമരം പിൻവലിച്ചത്.തൊഴിലാളികൾക്ക്  2018 മാർച്ച് വരെ ആഴ്ചയിൽ നാല് ദിവസം തൊഴിൽ നൽകാനും തുടർന്ന് വൈവിധ്യവൽക്കരണം പൂർത്തിയാക്കിയ ശേഷം മുഴുവൻ ദിവസവും തൊഴിൽ നൽകാനും ചർച്ചയിൽ തീരുമാനമായി. ഇതേ തുടർന്ന് സമരം പിൻവലിക്കുകയായിരുന്നു.

പുത്തൂരിൽ സിപിഎം പ്രവർത്തകന് വെട്ടേറ്റു

keralanews cpm activist injured in puthoor

പാനൂർ:പുത്തൂരിൽ സിപിഎം പ്രവർത്തകന് വെട്ടേറ്റു.ഇന്നലെ രാത്രി പത്തുമണിയോടെ മടപ്പുര ബസ്‌സ്റ്റോപ്പിന് സമീപമാണ് അക്രമം നടന്നത്.കുണ്ടുംകരവയൽ തച്ചാറമ്പത്ത് റിയ മൻസിലിൽ അശ്രഫിനാണ് വെട്ടേറ്റത്.അക്രമത്തിൽ രണ്ടു കാലുകൾക്കും ഇടതു കൈക്കും വയറിനും പരിക്കേറ്റ അഷ്‌റഫിനെ പാനൂർ പോലീസ് എത്തിയാണ് തലശ്ശേരി സഹകരണ ആശുപത്രിയിൽ പ്രവേശിപ്പിച്ചത്.ഇയാളെ അടിയന്തിര ശസ്ത്രക്രിയയ്ക്ക് വിധേയനാക്കി.അക്രമം നടന്ന സ്ഥലത്ത് രണ്ടു തവണ ബോംബ് സ്ഫോടനവുമുണ്ടായി.അക്രമത്തിനു പിന്നിൽ ആർഎസ്എസ് പ്രവർത്തകരാണെന്ന് സിപിഎം നേതൃത്വം ആരോപിച്ചു.

കാസർകോട്ടെ വീട്ടമ്മയുടെ കൊലപാതകം;പ്രതി പിടിയിൽ

Hands in Handcuffs

കാസർകോഡ്:കാഞ്ഞങ്ങാട് വീട്ടമ്മയെ കുളിമുറിയിൽ കൊല്ലപ്പെട്ട നിലയിൽ കണ്ടെത്തിയ കേസിൽ പ്രതി പോലീസ് പിടിയിലായി.ലീലയുടെ വീട്ടിൽ തേപ്പുപണിക്കെത്തിയ പശ്ചിമ ബംഗാൾ സ്വദേശി അപുൽഷെയ്ക്കാണ്(20) അറസ്റ്റിലായത്.സംഭവവുമായി ബന്ധപ്പെട്ട് ഇന്നലെ നാല് ഇതരസംസ്ഥാന തൊഴിലാളികളെ പോലീസ് കസ്റ്റഡിയിലെടുത്തിരുന്നു.മൂന്നു ദിവസം മുൻപാണ് ഇയാൾ മറ്റു തൊഴിലാളികൾക്കൊപ്പം ഇവിടെ ജോലിക്കെത്തിയത്. അപുൽഷെയ്ക്ക് പണിയെടുക്കുന്നില്ലെന്നും ഇയാളെ പണിക്ക് വേണ്ടെന്നും ലീല കരാറുകാരനോട് പറഞ്ഞിരുന്നത്രെ. മറ്റുള്ളവർ പണിയെടുക്കുമ്പോൾ ഇയാൾ വെറുതെ നടക്കുന്നതിനു ലീല ഇയാളെ വഴക്കുപറയാറുണ്ടായിരുന്നു.സംഭവദിവസമായ ബുധനാഴ്ചയും പണിയെടുക്കാത്തതിന് ലീല ഇയാളെ വഴക്കു പറഞ്ഞിരുന്നു.പിന്നീട് ലീല കുളിമുറിയിലെത്തിയപ്പോൾ ഇയാളും അവിടെയെത്തി.എന്തിനാണ് കുളിമുറിയിൽ വന്നതെന്ന് ചോദിച്ചു ലീല ഇയാളെ വഴക്കുപറയുന്നതിനിടയിൽ ഇയാൾ ലീലയുടെ കഴുത്തിൽ ശക്തമായി കുത്തിപ്പിടിക്കുകയായിരുന്നു. ഇതിനെ തുടർന്ന് ലീലയുടെ കഴുത്തിലെ എല്ലു നുറുങ്ങുകയും കുഴഞ്ഞു വീഴുകയും ചെയ്തു.പിന്നീട് ഇയാൾ ലീലയുടെ കഴുത്തിൽ കിടന്ന മാല ഊരിയെടുത്തു ടൗവ്വലിൽ പൊതിഞ്ഞു.ആശുപത്രിയിൽ നിന്നും തിരികെയെത്തിയ ലീലയുടെ മകനും ബന്ധുക്കളും മാല തിരയുന്നതിനിടയിൽ ആരും കാണാതെ പ്രതി ടൗവ്വലിൽ പൊതിഞ്ഞ മാല പുറത്തേക്ക് വലിച്ചെറിയുകയായിരുന്നു. കഴിഞ്ഞ ബുധനാഴ്ചയാണ് ലീലയെ കുളിമുറിയിൽ മരിച്ച നിലയിൽ കണ്ടെത്തിയത്.ഹൃദയാഘാതം മൂലമാണ് മരിച്ചതെന്നാണ് ആദ്യം കരുതിയത്.എന്നാൽ കഴുത്തിൽ കണ്ട പാടുകളും മാല കാണാതായതും സംശയത്തിനിടയാക്കി.തുടർന്നാണ് കൊലപാതകമാണെന്ന് കണ്ടെത്തിയത്.

തിരുവനന്തപുരം രാജ്ഭവന് മുൻപിൽ നടന്ന കാറപകടത്തിൽ യുവാവ് മരിച്ചു;നാലുപേർക്ക് പരിക്കേറ്റു

keralanews one died in a car accident in thiruvananthapuram and four injured

തിരുവനന്തപുരം:തിരുവനന്തപുരത്ത് ഇന്നലെ രാത്രി നടന്ന കാറപകടത്തിൽ യുവാവ് മരിച്ചു.നാലുപേർക്ക് പരിക്കേറ്റിട്ടുണ്ട്.ഇന്നലെ രാത്രി പതിനൊന്നു മണിയോടെ ആയിരുന്നു അപകടം.വള്ളക്കടവ് പെരുന്താന്നി സുഭാഷ് നഗറിൽ സുബ്രഹ്മണ്യന്റെ മകൻ ആദർശ് ആണ് മരിച്ചത്.കാറിലുണ്ടായിരുന്ന മൂന്നു പെൺകുട്ടികളിൽ രണ്ടുപേരുടെ നില ഗുരുതരമാണ്.പുതിയ കാറുമായി നടത്തിയ മത്സരയോട്ടമാണ് അപകടമുണ്ടാക്കിയതെന്ന് ദൃക്‌സാക്ഷികൾ പറഞ്ഞു. വെള്ളയമ്പലം ഭാഗത്തു നിന്നും കാവടിയാറിലേക്ക് ബെൻസ് കാറുമായി മത്സരയോട്ടം നടത്തിയ പുത്തൻ സ്കോഡ ഒക്റ്റാവിയ കാറാണ് അപകടത്തിൽപ്പെട്ടത്.കഴിഞ്ഞ ദിവസം എറണാകുളത്ത് താൽക്കാലിക രെജിസ്ട്രേഷൻ നടത്തി റോഡിലിറക്കിയതാണ് കാർ. കാർ ഓട്ടോറിക്ഷയിൽ ഇടിച്ച ശേഷം നിയന്ത്രണം വിട്ട് വൈദ്യുതിപോസ്റ്റിലിടിച്ച് തലകീഴായി മറിയുകയായിരുന്നു. തിരുവനന്തപുരം സ്വദേശികളായ അനന്യ,ഗൗരി,എറണാകുളളം സ്വദേശിനി ശില്പ, ഓട്ടോഡ്രൈവർ പാപ്പനംകോട് സ്വദേശി സജികുമാർ എന്നിവർക്കാണ് പരിക്കേറ്റത്. കാറിലുണ്ടായിരുന്ന പെൺകുട്ടികളെ പോലീസെത്തി പുറത്തെടുത്തെങ്കിലും ആദർശ് ഡ്രൈവിംഗ് സീറ്റിനുള്ളിൽ കുടുങ്ങി  പോയി.പിന്നീട് ഫയർ ഫോഴ്‌സെത്തി കാർ വെട്ടിപ്പൊളിച്ചാണ് ആദർശിനെ പുറത്തെടുത്തത്.

ഉരുവച്ചാൽ ശിവപുരത്ത് നാലുപേർക്ക് കുറുക്കന്റെ കടിയേറ്റു

keralanews four persosns were bitten by the fox in sivapuram

മട്ടന്നൂർ:ഉരുവച്ചാൽ ശിവപുരത്ത് നാലുപേർക്ക് കുറുക്കന്റെ കടിയേറ്റു.ശിവപുരം സ്വദേശികളായ അബൂട്ടി,മകൾ തസ്‌ലീന,ജാവീദ്,ദിലീപ് എന്നിവർക്കാണ് കടിയേറ്റത്. അബൂട്ടിയെ കുറുക്കൻ കടിക്കുന്നത് കണ്ട് രക്ഷപ്പെടുത്താൻ എത്തിയതാണ് മകൾ തസ്‌ലീന. ഇവരുടെ ബഹളം കേട്ട് ഓടിയെത്തിയ അയൽക്കാരായ ജാവീദ്,ദിലീപ് എന്നിവരെയും കുറുക്കൻ ആക്രമിക്കുകയായിരുന്നു.

കരിപ്പൂർ വിമാനത്താവളത്തിൽ വൻ സ്വർണ്ണവേട്ട

keralanews huge amount of gold seized from karippoor airport

കോഴിക്കോട്:കരിപ്പൂർ വിമാനത്താവളത്തിൽ വൻ സ്വർണ്ണവേട്ട.അനധികൃതമായി കടത്താൻ ശ്രമിച്ച 6.5 കിലോഗ്രാം സ്വർണമാണ് ഡയറക്റ്ററേറ്റ് ഓഫ് റെവന്യൂ ഇന്റലിജൻസ് പിടികൂടിയത്. അന്താരാഷ്ട്ര വിപണിയിൽ രണ്ടു കോടി രൂപ വിലവരുന്നവയാണ് പിടിച്ചെടുത്ത സ്വർണ്ണം. രണ്ടുപേരിൽ നിന്നായാണ് സ്വർണ്ണം പിടികൂടിയത്. സംഭവത്തിൽ കോഴിക്കോട് മുക്കം സ്വദേശി ശിഹാബുദ്ധീൻ,മടവൂർ സ്വദേശി സജിൻ എന്നിവരെ ഡിആർഐ അറസ്റ്റ് ചെയ്തു.ശിഹാബുദ്ധീൻ ഷാർജയിൽ നിന്നും സജിൻ അബുദാബിയിൽ നിന്നുമാണ് വിമാനത്താവളത്തിലെത്തിയത്.

മണ്ഡല മകരവിളക്ക് മഹോത്സവത്തിന് തുടക്കമായി;ശബരിമലയിൽ വൻ ഭക്തജനത്തിരക്ക്

keralanews mandala makaravilakk maholsavam started

ശബരിമല:മണ്ഡല മകരവിളക്ക് മഹോത്സവത്തിനായി ശബരിമല നട തുറന്നു.ഇന്ന് പുലർച്ചെ മുതൽ ശബരിമലയിൽ വൻ ഭക്തജന തിരക്കാണ് അനുഭവപ്പെടുന്നത്.ഈ തീർത്ഥാടന കാലത്തെ  പൂജകൾക്ക് ഗണപതിഹോമത്തോട് കൂടിയാണ് തുടക്കമായത്.പുതിയ മേല്ശാന്തിമാരുടെ സ്ഥാനാരോഹണ ചടങ്ങുകൾക്ക് ശേഷം രാത്രി പത്തുമണിക്ക് ഹരിവരാസനം പാടി നടയടച്ചു.പിന്നാലെ പഴയ മേല്ശാന്തിമാർ പടി ഇറങ്ങി.ഇന്ന് രാവിലെ മൂന്നു മണിക്ക് നിർമ്മാല്യ ദർശനത്തിനായി നട തുറന്നു. തിരക്ക്  കണക്കിലെടുത്ത് വരും ദിവസങ്ങളിൽ രാവിലെ മൂന്നു മണിക്ക് നട തുറക്കും രാത്രി പതിനൊന്നു മണിക്ക് ഹരിവരാസനം പാടി നട അടയ്ക്കും. ശക്തമായ സുരക്ഷാ ക്രമീകരണങ്ങളാണ് സന്നിധാനത്ത് ഒരുക്കിയിരിക്കുന്നത്. ആയിരത്തിലധികം പൊലിസുകാരാണ് ശബരിമല സന്നിധാനത്ത് ഡ്യൂട്ടിയിലുള്ളത്.

എംബിബിഎസ്‌ വിദ്യാർത്ഥിനി കോളേജ് കെട്ടിടത്തിന് മുകളിൽ നിന്നും ചാടി മരിച്ചു

 

keralanews medical student commits suicide by jumping from sixth floor of college building (2)

കോഴിക്കോട്:മുക്കം കെഎംസിടി മെഡിക്കൽ കോളേജിലെ അവസാന വർഷ എംബിബിഎസ്‌ വിദ്യാർത്ഥിനി കോളേജ് കെട്ടിടത്തിന് മുകളിൽ നിന്നും ചാടി ആത്മഹത്യ ചെയ്തു.തൃശൂർ ഇടതുരുത്തി സ്വദേശിനി ഊഷ്മൾ ഉല്ലാസാണ്(22) കെഎംസിടി ഡെന്റൽ കോളേജിന്റെ ആറാംനിലയിൽ നിന്നും ചാടി ആത്മഹത്യ ചെയ്തത്.ബുധനാഴ്ച വൈകിട്ടാണ് സംഭവം. ഇരുകാലിനും നട്ടെല്ലിനും ഗുരുതരമായി പരിക്കേറ്റ ഊഷ്‌മലിനെ കെഎംസിടി മെഡിക്കൽ കോളേജിലെ തീവ്ര പരിചരണ വിഭാഗത്തിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ബുധനാഴ്ച വൈകുന്നേരം നാലുമണിയോടുകൂടി ക്ലാസ് കഴിഞ്ഞ് ഹോസ്റ്റലിലെത്തിയ ഊഷ്മൾ 4.30 ഓടെ ഔട്ട് പാസ് എടുത്തു പുറത്തു പോവുകയായിരുന്നു.ഈ സമയം ഊഷ്മൾ ഫോണിൽ ആരോടോ കയർത്തു സംസാരിക്കുന്നതു കണ്ടതായി ഹോസ്റ്റലിലെ സുരക്ഷാ ജീവനക്കാരൻ പറയുന്നു.കെട്ടിടത്തിന് മുകളിൽ നിന്നും ചാടുന്നതിനു മുൻപായി ഊഷ്മൾ മൊബൈൽ ഫോൺ എറിഞ്ഞു പൊട്ടിച്ചിരുന്നു.മരിക്കുന്നതിന് മുൻപ് ഊഷ്മൾ അച്ഛനും അമ്മയ്ക്കുമായി എഴുതിയ കത്ത് പൊലീസിന് ലഭിച്ചു.