Kerala

കണ്ണൂർ: ക്രമസമാധാനപാലനത്തിനുള്ള ഡിജിപിയുടെ സംസ്ഥാനതല ബാഡ്ജ് ഓഫ് ഓണർ പുരസ്കാരം കണ്ണൂർ ജില്ലാ പോലീസ് മേധാവി ജി. ശിവവിക്രമിന്.കേരള പോലീസിലെ 196 പേർക്ക് ഇത്തവണ ഡിജിപിയുടെ ബാഡ്ജ് പ്രഖ്യാപിച്ചതിൽ ക്രമസമാധാനപാലന വിഭാഗത്തിൽ ശിവ വിക്രം മാത്രമാണുള്ളത്.2016ൽ തിരുവനന്തപുരം സിറ്റി പോലീസിൽ ഡപ്യൂട്ടി കമ്മീഷണറായിരിക്കെ നിയമസഭാ തെരഞ്ഞെടുപ്പ്, സെക്രട്ടേറിയറ്റ് മാർച്ചുകൾ, തലസ്ഥാനത്തെ മറ്റ് സമരങ്ങൾ, വിവിഐപികളുടെ സന്ദർശനങ്ങൾ എന്നിവയുമായി ബന്ധപ്പെട്ട ക്രമസമാധാനപാലനം കുറ്റമറ്റ രീതിയിൽ നിർവഹിച്ചതാണ് ശിവ വിക്രമിനെ പുരസ്കാരത്തിന് അർഹനാക്കിയത്.

കണ്ണൂർ:കണ്ണൂർ പോലീസ് പരേഡ് ഗ്രൗണ്ടിൽ നടക്കുന്ന റിപ്പബ്ലിക്ക് ദിനാഘോഷ ചടങ്ങിൽ മന്ത്രി കെ.കെ ശൈലജ സല്യൂട്ട് സ്വീകരിക്കും.പരേഡിന്റെ ഭാഗമായി ദേശീയോഗ്രഥനം എന്ന വിഷയത്തിലുള്ള ഫ്ളോട്ടുകൾ ഉണ്ടാകും.ഇവയിൽ ആദ്യത്തെ മികച്ച മൂന്ന് എണ്ണത്തിന് യഥാക്രമം 10,000 രൂപ, 5,000 രൂപ, 3,000 രൂപ സമ്മാനം നല്‍കും.പൊതുജനങ്ങള്‍ക്ക് ചടങ്ങ് വീക്ഷിക്കാന്‍ പോലീസ് പരേഡ് ഗ്രൗണ്ടിൽ സൗകര്യം ഒരുക്കിയിട്ടുണ്ട്. ജില്ലയിലെ മുഴുവന്‍ സര്‍ക്കാര്‍ ജീവനക്കാരും കണ്ണൂര്‍ പൊലീസ് പരേഡ് ഗ്രൗണ്ടിലോ അവരവരുടെ ഓഫീസുകളിലോ നടക്കുന്ന റിപ്പബ്ലിക് ദിന പരിപാടികളില്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.

പാലക്കാട്:വിലക്ക് ലംഘിച്ച് മോഹൻ ഭാഗവത് ഇത്തവണയും പാലക്കാട് സ്കൂളിൽ  പതാകയുയർത്തി. പാലക്കാട് കല്ലേക്കാട് വ്യാസ വിദ്യാപീഠം സ്കൂളിലാണ് ഇത്തവണ മോഹൻ ഭാഗവത് പതാകയുയർത്തിയത്.സർക്കാർ-എയ്ഡഡ് സ്കൂളുകളിൽ സ്കൂൾ മേധാവിയെ ജനപ്രതിനിധികളോ മാത്രമേ ദേശീയ പാത ഉയർത്താവൂ എന്നാണ് നിയമം.ഇത് മറികടന്നാണ് മോഹൻ ഭാഗവത് പതാക ഉയർത്തിയത്.ചടങ്ങിന് വൻ പോലീസ് സുരക്ഷാ ഒരുക്കിയിരുന്നു. നേരത്തെ കഴിഞ്ഞ സ്വാതന്ത്രദിനത്തിൽ പാലക്കാട് കർണകിയമ്മൻ സ്കൂളിൽ വിലക്ക് ലംഘിച്ച് മോഹൻ ഭഗവത് പതാക ഉയർത്തിയത് വിവാദമായിരുന്നു.ഇതേത്തുടർന്ന് ഇത്തവണ സ്കൂളുകളിലും സർക്കാർ സ്ഥാപനങ്ങളിലും അതതു സ്ഥാപനങ്ങളിലെ മേധാവികൾ തന്നെ പതാക ഉയർത്തണമെന്ന് സർക്കാർ സർക്കുലർ ഇറക്കിയിരുന്നു. ഇതിനിടെയാണ് മോഹൻഭഗവത് വീണ്ടും സ്കൂളിൽ പതാക ഉ‍യർത്തിയത്.

കണ്ണൂർ:ഇന്ധന വിലവർദ്ധനവിൽ പ്രതിഷേധിച്ച് വാഹന ഉടമകളും തൊഴിലാളികളും സംയുക്തമായി നടത്തിയ വാഹനപണിമുടക്ക് ജില്ലയിൽ പൂർണ്ണം.മോട്ടോർ വ്യവസായ സംരക്ഷണ സമിതിയുടെ നേതൃത്വത്തിലാണ് പണിമുടക്ക് നടത്തിയത്.പണിമുടക്കിന് പിന്തുണ പ്രഖ്യാപിച്ച് കെഎസ്ആർടിസി തൊഴിലാളികളും പണിമുടക്കിൽ പങ്കെടുത്തു.കണ്ണൂർ ടൗണിൽ സർവീസ് നടത്തിയ ചില വാഹനങ്ങൾ പണിമുടക്കനുകൂലികൾ തടഞ്ഞു.തലശ്ശേരിയിലും നേരിയ അക്രമം നടന്നു.രാവിലെ പഴയ ബസ്സ്റ്റാൻഡ് പരിസരത്ത് ഒരുകൂട്ടം ആളുകൾ മൽസ്യവണ്ടി തടഞ്ഞ് ഡ്രൈവറെ മർദിച്ചു.വാനിന്റെ ഡ്രൈവർ മംഗളൂരു സ്വദേശി മുഹമ്മദ് ഫാറൂക്കിനാണ് മർദനമേറ്റത്. അക്രമത്തിൽ പിക്ക് അപ്പ് വാനിന്റെ ചില്ലുകൾ തകർന്നു. മർദനത്തിൽ പരിക്കേറ്റ ഫാറൂക്ക് തലശേരി ജനറൽ ആശുപത്രിയിൽ പ്രവേശിപ്പിച്ചു. അക്രമത്തിനിടെ ഫോൺ നഷ്ടപ്പെട്ടതായി ഫാറൂക്ക് പോലീസിനോട് പറഞ്ഞു.

തിരുവനന്തപുരം:തിരുവനന്തപുരം ശ്രീപത്മനാഭ തീയേറ്ററിൽ തീപിടുത്തം.ഇന്ന് പുലർച്ചെയാണ് തീപിടുത്തമുണ്ടായത്.സെക്യൂരിറ്റി ജീവനക്കാർ വിവരമറിയിച്ചതിനെ തുടർന്ന് അഗ്നിശമന സേന സ്ഥലത്തെത്തി തീ കെടുത്തി.തീപിടുത്തത്തിൽ തീയേറ്ററിലെ സീറ്റുകൾ കത്തി നശിച്ചിട്ടുണ്ട്.എസിയും കത്തിപ്പോയി.പ്രൊജക്റ്ററിന് കേടു സംഭവിച്ചിട്ടുണ്ടോ എന്ന് പരിശോധിച്ചു വരികയാണ്.അപകട കാരണം വ്യക്തമല്ല.