Kerala

കോഴിക്കോട്:നിപ്പ വൈറസിനെ പ്രതിരോധിക്കുന്നതിനായി മലേഷ്യയിൽ നിന്നെത്തിച്ച റിബ വൈറിൻ ഉപയോഗിക്കാനുള്ള വിവേചനാധികാരം ഡോക്റ്റർമാർക്ക് നൽകിക്കൊണ്ടുള്ള ചികിത്സ മാർഗരേഖ പുറത്തിറക്കി.മറ്റുപല രോഗങ്ങൾക്കും ഉപയോഗിക്കുന്ന റിബ വൈറിൻ നിപ്പ ബാധിതരിൽ എത്രത്തോള ഫലപ്രദമാണെന്ന് ഇതുവരെ സ്ഥിതീകരിച്ചിട്ടില്ല.ദോഷകരമായ പാർശ്വഫലങ്ങൾ ഉള്ള മരുന്നാണിതെന്ന് പബ്ലിക് ഹെൽത്ത് അസി.ഡയറക്റ്റർ കെ.ജെ റീന നേരത്തെ വ്യക്തമാക്കിയിരുന്നു.ഇതിന്റെ ഉപയോഗം കിഡ്നിയുടെ പ്രവർത്തനത്തെ ദോഷകരമായി ബാധിക്കും.നിപ്പ ബാധിതർക്ക് വലിയ ഡോസിൽ തന്നെ ഈ മരുന്ന് നൽകേണ്ടി വരും.ഒരു കോഴ്സിൽ 250 ടാബ്‌ലറ്റുകൾ വരെ നൽകേണ്ടി വരുമെന്നാണ് കണക്ക്.ഈ സാഹചര്യങ്ങൾ ഒക്കെ മുന്നിൽ കണ്ടുകൊണ്ടാണ് രോഗിയുടെ ആരോഗ്യസ്ഥിതി കൂടി കണക്കിലെടുത്ത് മരുന്ന് ഉപയോഗിക്കാനുള്ള വിവേചനാധികാരം ഡോക്റ്റർമാർക്ക് നൽകിയിരിക്കുന്നത്.ഇതിനിടെ നിപ്പ വൈറസ് ബാധയുടെ പശ്ചാത്തലത്തിൽ കോഴിക്കോട് ജില്ലയിൽ നടക്കാനിരിക്കുന്ന മുഴുവൻ പൊതുപരിപാടികളും മെയ് 31 വരെ  നിർത്തി വെയ്ക്കാൻ കലക്റ്റർ യു.വി ജോസ് നിർദേശം നൽകിയിട്ടുണ്ട്.മെയ് 31 വരെ ജില്ലയിൽ നടക്കാനിരിക്കുന്ന പിഎസ്‌സി പരീക്ഷകളും മാറ്റിവെച്ചിട്ടുണ്ട്.ജില്ലയിലെ അംഗൻവാടികൾ, ട്യൂഷൻ സെന്ററുകൾ, ട്രെയിനിങ് ക്ലാസുകൾ എന്നിവയും മെയ് 31 വരെ പ്രവർത്തിക്കരുതെന്നും കലക്റ്റർ നിർദേശിച്ചിട്ടുണ്ട്.കാലിക്കറ്റ് സർവകലാശാലയുടെ എല്ലാ പരീക്ഷകളും നിർത്തിവെയ്ക്കാനും നിർദേശമുണ്ട്.വൈറസ് വ്യാപനം തടയുന്നതിനായി പരമാവധി കൂടിച്ചേരലുകൾ ഒഴിവാക്കുക എന്ന ലക്ഷ്യത്തോടെയാണ് പൊതുപരിപാടികളും പരീക്ഷകളും മാറ്റിയത്.

കോഴിക്കോട്:നിപ വൈറസ് രോഗിയിൽ നിന്നും മറ്റുള്ളവരിലേക്ക് പകരുന്നത് രോഗം മൂർച്ഛിച്ച അവസ്ഥയിലാണെന്ന് മണിപ്പാൽ വൈറോളജി ഇൻസ്റ്റിട്യൂട്ടിലെ ഡോ.ജി അരുൺ കുമാർ.പനി ബാധിച്ച രോഗി വീട്ടിൽ കഴിഞ്ഞപ്പോൾ ഇടപഴകിയവർക്ക് രോഗം പിടിപ്പെട്ടിട്ടില്ല.എന്നാൽ രോഗം മൂർച്ഛിച്ച ശേഷം ആശുപത്രിയിൽ എത്തിച്ചപ്പോഴാണ് കൂടെയുള്ളവർക്ക് രോഗം പകർന്നത്.ആശുപത്രിയിൽ രോഗിയെ പരിചരിച്ച നഴ്സുമാർക്ക് ഉൾപ്പെടെ രോഗം പിടിപെട്ടതും വീടുകളിൽ ഇടപഴകിയവർക്ക് രോഗം പിടിപെടാതിരുന്നതിനുമുള്ള കാരണം ഇതാണ്. കോഴിക്കോട് കളക്റ്ററേറ്റിൽ ആരോഗ്യമന്ത്രി കെ.കെ ഷൈലജയുടെ നേതൃത്വത്തിൽ നടത്തിയ സർവകക്ഷി യോഗത്തിൽ സംസാരിക്കുകയായിരുന്നു ഡോ.അരുൺ കുമാർ.വൈറസ് ബാധ ഇപ്പോൾ നിയന്ത്രണവിധേയമാണെന്നും എന്നാൽ ഇത്തരം അനുമാനത്തിന്റെ പേരിൽ ജാഗ്രത ഒട്ടും കുറയ്ക്കരുതെന്നും ഡോക്റ്റർ പറഞ്ഞു.നിപ വൈറസ് ബാധിച്ചതായി സംശയം തോന്നുന്നവരുടെ സ്രവങ്ങൾ പരിശോധനയ്ക്ക് അയക്കും.വൈറസ് ബാധയെ തുടർന്ന് മരിച്ചവരുമായി അടുത്തിടപഴകിയവരെ നിരീക്ഷിക്കുന്നത് 42 ദിവസം വരെ തുടരുമെന്നും ആവശ്യമെങ്കിലും ഇനിയും നിരീക്ഷിക്കുമെന്നും ഡോ.അരുൺ കുമാർ വ്യക്തമാക്കി.

കോഴിക്കോട്:നിപ വൈറസ് പകർന്നത് വവ്വാലിൽ നിന്നല്ലെന്ന കണ്ടെത്തലിനെത്തുടർന്ന് വൈറസിന്റെ ഉറവിടം കണ്ടെത്താൻ കൂടുതൽ പരിശോധനകൾ നടത്തുമെന്ന് ആരോഗ്യവകുപ്പ് അറിയിച്ചു.കിണറ്റില്‍നിന്നും പിടികൂടിയ പ്രാണിയെ തിന്നുന്ന ഇനം വവ്വാലിനെയാണ‌് ആദ്യം പരിശോധനക്കയച്ചത‌്. ഇനി ഫലവര്‍ഗങ്ങള്‍ തിന്നുന്ന ഇനം വവ്വാലുകളെ പിടികൂടി പരിശോധനക്ക‌് അയക്കാനാണ‌് തീരുമാനം. വവ്വാല്‍ കാഷ‌്ഠവും ശേഖരിച്ച് പരിശോധനയ്ക്ക് അയക്കും.രോഗം ആദ്യം കണ്ടെത്തിയ മരിച്ച പേരാമ്ബ്ര സ്വദേശി മുഹമ്മദ‌് സാബിത്തിന‌് രോഗം എവിടെനിന്നു പകര്‍ന്നെന്ന പരിശോധനയും പുരോഗമിക്കുന്നുണ്ട്.സാബിത്ത് വിദേശയാത്ര നടത്തിയിരുന്നോ എന്നും പരിശോധിച്ച് വരുന്നുണ്ട്.ഭോപ്പാല്‍ നാഷണല്‍ ഇന്‍സ‌്റ്റിറ്റ്യൂട്ട‌് ഓഫ‌് ഹൈ സെക്യൂരിറ്റി ആനിമല്‍ ഡിസീസില്‍നിന്ന‌് വെള്ളിയാഴ‌്ച രാത്രിയോടെയാണ‌് വവ്വാലുകളുടെ സ്രവത്തിന്റെ പരിശോധനാ ഫലം വന്നത‌്. നാലുപേര്‍ മരിച്ച കുടുംബത്തിന്റെ ഉടമസ്ഥതയിലുള്ള പറമ്ബിലെ കിണറ്റില്‍ നിന്നാണ‌് വവ്വാലിനെ പിടികൂടി പരിശോധനക്ക‌് അയച്ചത‌്. ഇതോടൊപ്പം വീടിനടുത്തുള്ള ആട‌്, പോത്ത‌്, പന്നി എന്നിവയുടെ സാമ്ബിളുകളും അയച്ചിരുന്നു. ഇവയിലും വൈറസിന്റെ സാന്നിധ്യമില്ല.അതിനിടെ വൈറസ് ബാധ നിയന്ത്രണ വിധേയമാണെന്ന് വിദഗ‌്ധസംഘം ഉറപ്പാക്കി.ജനങ്ങള്‍ ആശങ്കപ്പെടേണ്ട സാഹചര്യമില്ല. എങ്കിലും അതീവ ജാഗ്രത തുടരുമെന്ന‌് മന്ത്രി കെ കെ ശൈലജ വാര്‍ത്താസമ്മേളനത്തില്‍ പറഞ്ഞു. സംശയത്തെ തുടര്‍ന്ന‌് കഴിഞ്ഞ ദിവസം പരിശോധിച്ച 21 പേരില്‍ ആര്‍ക്കും രോഗം കണ്ടെത്തിയിട്ടില്ലെന്നും മന്ത്രി അറിയിച്ചു.രോഗമുള്ളവര്‍ക്കായി ഓസ‌്ട്രേലിയയില്‍നിന്ന‌് 50 ഡോസ‌് മരുന്ന‌് എത്തി. 12 പേര്‍ക്ക‌് നല്‍കിയതില്‍ ഫലപ്രദമെന്ന‌് കണ്ടെത്തി. നിപാ രോഗാണു പരക്കുന്നില്ലെന്ന‌് പ്രതിരോധ പ്രവര്‍ത്തനങ്ങള്‍ക്ക‌് നേതൃത്വം നല്‍കുന്ന മണിപ്പാല്‍ കസ‌്തൂര്‍ബ മെഡിക്കല്‍ കോളേജിലെ വൈറല്‍ സ‌്റ്റഡീസ‌് വിഭാഗം മേധാവി ഡോ. ജി അരുണ്‍കുമാര്‍ അറിയിച്ചു.

ചെങ്ങന്നൂർ:രണ്ടുമാസമായി ചെങ്ങന്നൂരിൽ നടക്കുന്ന പ്രചാരണങ്ങൾക്ക് ഇന്ന് കൊട്ടിക്കലാശം. വൈകുന്നേരം ആറുമണിയോടെ പരസ്യപ്രചരണം അവസാനിക്കും.നോട്ട് നിരോധനം,ജി എസ് ടി,ഇന്ധന വിലവർധന,കത്വ പീഡനം തുടങ്ങിയവയൊക്കെ പ്രചാരണത്തിൽ ചർച്ചാ വിഷയമായി.നേരത്തെ ചെങ്ങന്നൂരിൽ നിലനിന്നിരുന്ന വികസന മുരടിപ്പും പിണറായി സർക്കാരിന്റെ നേതൃത്വത്തിൽ പിന്നീടുണ്ടായ വികസനവുമൊക്കെയാണ് എൽഡിഎഫ് പ്രധാനമായും മുന്നോട്ടുവെച്ചത്.ഒരു വിഭാഗത്തിന്റെ വോട്ടിൽ ശ്രദ്ധ കേന്ദ്രീകരിച്ചായിരുന്നു ബിജെപിയുടെ പ്രചാരണം.എല്‍ഡിഎഫിന്റെ സജി ചെറിയാനും യുഡിഎഫിന്റെ ഡി വിജയകുമാറും എന്‍ഡിഎയുടെ പിഎസ് ശ്രീധരന്‍പിള്ളയും ശക്തമായ പ്രചരണവുമായി രംഗത്തുണ്ടായിരുന്നു. പരസ്യപ്രചരണത്തിന്റെ അവസാന ദിവസങ്ങളില്‍ പരമാവധി സ്ഥാനാര്‍ത്ഥികളെ നേരിട്ട് കാണാനുള്ള ശ്രമത്തിലാണ് സ്ഥാനാര്‍ത്ഥികള്‍.മുഖ്യമന്ത്രി പിണറായി വിജയൻ,പോളിറ്റ്  ബ്യൂറോ അംഗം ബ്രിന്ദ കാരാട്ട്,സംസ്ഥാന സെക്രെട്ടറി കോടിയേരി ബാലകൃഷ്ണൻ,സിപിഐ സംസ്ഥാന സെക്രെട്ടറി കാനം രാജേന്ദ്രൻ തുടങ്ങിയവർ സിപിഎമ്മിനായി പ്രചാരണത്തിനിറങ്ങി.യുഡിഎഫിന് വേണ്ടി പ്രവർത്തക സമിതി അംഗം എ.കെ ആന്റണി,പ്രതിപക്ഷ നേതാവ് രമേശ് ചെന്നിത്തല,ഉമ്മൻ ചാണ്ടി എന്നിവരും ബിജെപിക്ക് വേണ്ടി ത്രിപുര മുഖ്യമന്ത്രി ബിപ്ലബ് കുമാർ ദേബും കേന്ദ്രമന്ത്രി പ്രകാശ് ജാവഡേക്കറും പ്രചാരണത്തിനിറങ്ങി.മൂന്ന് മുന്നണികള്‍ക്കും നിര്‍ണായകമായേക്കാവുന്ന തെരഞ്ഞെടുപ്പിന്റെ രാഷ്ട്രീയ വിധിയെഴുത്ത് തിങ്കളാഴ്ച നടക്കും.ഫലപ്രഖ്യാപനം 31നാണ്.