Kerala

തിരുവനന്തപുരം: പിണറായി വിജയന്‍ മന്ത്രിസഭയിലെ ഇരുപതാമനായി ഇപി ജയരാജന്‍ നാളെ സത്യപ്രതിജ്ഞ ചെയ്ത് ചുമതലയേൽക്കും.വ്യവസായ മന്ത്രിയായാണ് ഇപി ജയരാജന്‍ ചുമതലയേല്‍ക്കുന്നത്. കാലവര്‍ഷക്കെടുതിയുടെ പശ്ചാത്തലത്തില്‍ രാജ്ഭവന്‍ ഓഡിറ്റോറിയത്തില്‍ ലളിതമായ രീതിയിലാണ് ചടങ്ങ് നടക്കുക.രാവിലെ 10 മണിക്ക് നടക്കുന്ന സത്യപ്രതിജ്ഞാ ചടങ്ങിനുശേഷം 11 മണിക്ക് നടക്കുന്ന മന്ത്രിസഭാ യോഗത്തില്‍ ജയരാജന്‍ പങ്കെടുക്കും.ബന്ധു നിയമന വിവാദവുമായി ബന്ധപ്പെട്ട് ജയരാജന്‍ മന്ത്രിസ്ഥാനം രാജിവച്ച ശേഷം അദ്ദേഹത്തിന്‌റെ വകുപ്പുകള്‍ പകരം ചുമതലയേറ്റ എസി മൊയ്തീനാണ് കൈകാര്യം ചെയ്തിരുന്നത്. കുറ്റവിമുക്തനായി മന്ത്രിസഭയിലേക്ക് മടങ്ങിയെത്തുമ്പോൾ പഴയ വകുപ്പുകള്‍ എല്ലാം ജയരാജന് തിരികെ നല്‍കും. എസി മൊയ്തീന് തദ്ദേശഭരണവകുപ്പ് മാത്രമാണ് നിലവില്‍ നല്‍കിയിട്ടുള്ളത്. ന്യൂനപക്ഷം, വഖഫ്, ഉന്നതവിദ്യാഭ്യാസ വകുപ്പ് തുടങ്ങി വലിയ ചുമതലകള്‍ കെടി ജലീലിനെ ഏല്‍പ്പിക്കുകയും ചെയ്തിട്ടുണ്ട്.

പയ്യന്നൂർ:കുഞ്ഞിമംഗലം ഗവ.ഹയർ സെക്കണ്ടറി സ്കൂളിൽ മോഷണം.ഇന്നലെ രാവിലെ പത്തരയോടെയാണ് മോഷണം ശ്രദ്ധയിൽപ്പെട്ടത്.നാട്ടുകാർ വിവരമറിയിച്ചതിനെ തുടർന്ന് പയ്യന്നൂർ പോലീസ് സ്ഥലത്തെത്തി പരിശോധന നടത്തി.ഓഫീസിന്റെ വാതിൽ തകർത്ത് അകത്തു കടന്ന മോഷ്ട്ടാവ് അലമാരയിലെ ഫയലുകളും മറ്റും വലിച്ചുവാരിയിട്ട നിലയിലാണ്.കുട്ടികളുടെ ഫീസിനത്തിൽ ലഭിച്ച തുക അലമാരയിൽ സൂക്ഷിച്ചിരുന്നത് നഷ്ടപ്പെട്ടിട്ടുണ്ട്.കമ്പ്യൂട്ടർ ലാബിന്റെ പൂട്ടും തകർത്ത നിലയിലാണ്.പയ്യന്നൂർ എസ്‌ഐ കെ.പി ഷൈനിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി.കണ്ണൂരിൽ നിന്നും വിരലടയാള വിദഗ്ദ്ധരും ഡോഗ് സ്ക്വാർഡും സ്ഥലത്തെത്തി പരിശോധന നടത്തി.

തിരുവനന്തപുരം:സംസ്ഥാനത്ത് കഴിഞ്ഞ കുറച്ചു ദിവസങ്ങളായി തുടരുന്ന കനത്ത മഴയിലും തുടർന്നുണ്ടായ പ്രളയത്തിലും മരിച്ചവരുടെ എണ്ണം 33 ആയി. ആറുപേരെ കാണാതായിട്ടുണ്ട്. ആലപ്പുഴ തകഴിയില്‍ നെടുമുടി ജ്യോതി ജങ‌്ഷന് സമീപം ചെമ്മങ്ങാട് സി ജെ ചാക്കോയുടെ ഭാര്യ ജോളി ചാക്കോ (48), മകള്‍ സിജി മരിയാ ചാക്കോ (19) എന്നിവരും ചിറയിന്‍കീഴില്‍ മീന്‍പിടിക്കാനായി ബോട്ട‌് കടലിലിറക്കവെ ശക്തമായ തിരയില്‍പ്പെട്ട‌് ബോട്ട‌് മറിഞ്ഞ‌് മൽസ്യത്തൊഴിലാളികളായ അഞ്ചുതെങ്ങ് ചീലാന്തിമൂട്ടില്‍ സഹായരാജു (57), മുണ്ടുതുറവീട്ടില്‍ കാര്‍മല്‍ ലാസര്‍ (70) എന്നിവരുമാണ് ശനിയാഴ്ച മരിച്ചത്.തകര്‍ന്ന പാലങ്ങളും റോഡുകളും മറ്റും താല്‍ക്കാലികമായി പുനര്‍നിര്‍മിക്കാനുള്ള അടിയന്തര നടപടികള്‍ സേനയുടെ സഹായത്തോടെ തുടരുകയാണ‌്. വിവിധ ജില്ലകളിലെ 513 ക്യാബുകളിലായി 60622 പേരുണ്ട‌്. 1501 വീടുകള്‍ ഭാഗികമായും 101 വീട‌് പൂര്‍ണമായും നശിച്ചു.കണ്ണൂര്‍, വയനാട്, കോഴിക്കോട്, മലപ്പുറം, ഇടുക്കി, ആലുവ എന്നിവിടങ്ങളില്‍ സൈന്യത്തെ വിന്യസിച്ചിട്ടുണ്ട‌്. വയനാട്, ആലുവ, കൊച്ചി എന്നിവിടങ്ങളില്‍ നാവികസേനയും രംഗത്തുണ്ട‌്.

വയനാട്:മഴക്കെടുതിയില്‍ വീടും ഭൂമിയും നഷ്ടപ്പെട്ടവര്‍ക്ക് പത്ത് ലക്ഷം രൂപയും മരണപ്പെട്ടവരുടെ കുടുംബങ്ങള്‍ക്ക് നാല് ലക്ഷം രൂപയും നല്‍കുമെന്ന് മുഖ്യമന്ത്രി പിണറായി വിജയന്‍.ദിവസങ്ങളായി പെയ്യുന്ന കനത്ത മഴയില്‍ വയനാട് ജില്ലയില്‍ നേരിട്ട നാശനഷ്ടങ്ങള്‍ വിലയിരുത്തി വയനാട് കളക്‌ട്രേറ്റില്‍ ചേര്‍ന്ന അവലോകന യോഗത്തില്‍ സംസാരിക്കുകയായിരുന്നു അദ്ദേഹം.ഭൂമി നഷ്ടപ്പെട്ടവര്‍ക്ക് ആറ് ലക്ഷം രൂപയും വീട് പൂര്‍ണ്ണമായി തകര്‍ന്നവര്‍ക്ക് നാല് ലക്ഷം രൂപയും നല്‍കും.നിലവില്‍ ദുരിതാശ്വാസ ക്യാമ്ബുകളില്‍ കഴിയുന്ന ഒരു കുടുംബത്തിന് 3,800 രൂപ വീതം നല്‍കും. വളര്‍ത്തു മൃഗങ്ങള്‍ നഷ്ടപ്പെട്ടവര്‍ക്ക് പ്രത്യേകം സഹായം നല്‍കും. റേഷന്‍ കാര്‍ഡ് മുതലായ പ്രധാനപ്പെട്ട രേഖകള്‍ നഷ്ടമായവര്‍ക്ക് പ്രത്യേകം അദാലത്തുകള്‍ നടത്തി രേഖകള്‍ നല്‍കും. ഇതിനായി ഫീസ് ഈടാക്കില്ല. അദാലത്ത് നടത്തുന്ന തീയതി അടിയന്തരമായി തീരുമാനിക്കാന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കിതായി മുഖ്യമന്ത്രി പറഞ്ഞു. പാഠപുസ്തകങ്ങള്‍ നഷ്ടപ്പെട്ട വിദ്യാര്‍ത്ഥികള്‍ക്ക് പുതിയ പുസ്തകങ്ങള്‍ നല്‍കാനുള്ള നടപടി സ്വീകരിക്കും

ഇടുക്കി:ഇടുക്കി കമ്പക്കാനം കൂട്ടക്കൊലക്കേസിൽ രണ്ടുപേർ കൂടി പിടിയിൽ.കേസുമായി ബന്ധപ്പെട്ട് നേരത്തെ അറസ്റ്റിലായ മുഖ്യപ്രതികളായ അനീഷ്,ലിബീഷ് എന്നിവരെ സഹായിച്ച തൊടുപുഴ ആനക്കൂട് ചാത്തന്‍മല ഇലവുങ്കല്‍ ശ്യാംപ്രസാദ് (28), മൂവാറ്റുപുഴ വെള്ളൂര്‍കുന്നം പട്ടരുമഠത്തില്‍ സനീഷ് (30) എന്നിവരെയാണ് അറസ്റ്റുചെയ്തത്. മുഖ്യപ്രതികള്‍ അപഹരിച്ച സ്വര്‍ണം പണയം വയ്ക്കാന്‍ പിടിയിലായവര്‍ സഹായിച്ചെന്നാണ് വിവരം. കൊലപാതകത്തെക്കുറിച്ച്‌ വിവരമറിഞ്ഞിട്ടും പോലീസിനെ അറിയിക്കാത്തതിനും ഉപകരണങ്ങള്‍ വാങ്ങിക്കൊടുത്തു സഹായിച്ചതിനുമാണ് ഇവരെ അറസ്റ്റുചെയ്തത്.മന്ത്രവാദത്തിന്‍റെ പേരില്‍ കൃഷ്ണനും അനീഷും തമ്മിലുണ്ടായിരുന്ന അഭിപ്രായ വ്യത്യാസമാണ് ക്രൂരമായ കൊലപാതകത്തിലേക്ക് നയിച്ചത്. കൃഷ്ണനോടൊപ്പം വീട്ടില്‍ താമസിച്ച്‌ മന്ത്രവിദ്യകള്‍ സ്വായത്തമാക്കിയിരുന്ന അനീഷാണ് കൊലപാതകം ആസൂത്രണം ചെയ്‌തതെനാണ് പോലീസിന്റെ കണ്ടെത്തല്‍.തൊടുപുഴ വണ്ണപ്പുറം കമ്പക്കാനം കാനാട്ടുവീട്ടില്‍ കൃഷ്ണന്‍, ഭാര്യ സുശീല, മക്കളായ ആര്‍ഷ, അര്‍ജുന്‍ എന്നിവരെ കൊന്നു വീടിനോടു ചേര്‍ന്ന ചാണകക്കുഴിയില്‍ കുഴിച്ചുമൂടിയ നിലയില്‍ കഴിഞ്ഞാഴ്ചയാണ് കണ്ടെത്തിയത്.