കോഴിക്കോട്:കോഴിക്കോട് റെയിൽവേ പാളത്തിൽ കരിങ്കൽ കഷ്ണങ്ങൾ നിരത്തിവെച്ച നിലയിൽ കണ്ടെത്തി.പരശുറാം എക്സ്പ്രസിന് നേരെ അട്ടിമറി ശ്രമം നടന്നതായി സംശയം.വടകര അയനിക്കാട് ഭാഗത്തെ റെയില് പാളത്തില് ക്ലിപ്പുകള് വേര്പ്പെട്ട നിലയില് കണ്ടെത്തി. പരശുറാം എക്സ്പ്രസ്സിന്റെ ലോക്കോപൈലറ്റ് നൽകിയ പരാതിയുടെ അടിസ്ഥാനത്തില് നടത്തിയ പരിശോധനയിലാണ് ക്ലിപ്പുകള് വേര്പെട്ട നിലയില് കണ്ടെത്തിയത്.ശനിയാഴ്ച വൈകുന്നേരത്തോടെ മംഗലാപുരത്തേക്ക് പോകുമ്പോഴാണ് ട്രെയിന് പാളം തെറ്റിയതായി ലോക്കോ പൈലറ്റിന് മനസിലായത്. ട്രെയിന് നന്നായി ഇളകിയതോടെ പാളത്തില് പ്രശ്നമുള്ളതായി ലോക്കോ പൈലറ്റിന് തോന്നി. ഇതേത്തുടര്ന്ന് തൊട്ടടുത്ത സ്റ്റേഷനില് വിവരം അറിയിച്ചു.പരിശോധനയില് 20ഓളം ക്ലിപ്പുകള് ഇത്തരത്തില് വേര്പ്പെട്ട നിലയില് കണ്ടെത്തി. കൂടാതെ പാളത്തില് 50 മീറ്ററോളം ദൂരത്ത് വലിയ കല്ലുകള് നിരത്തി വച്ച നിലയിലായിരുന്നു. തുടര്ന്ന് ഈ സ്ഥലത്ത് തീവണ്ടികള് വേഗംകുറച്ചു പോകാനുള്ള നിര്ദേശം നല്കി.രാത്രിതന്നെ കൊയിലാണ്ടിയില്നിന്ന് സീനിയര് സെക്ഷന് എന്ജിനിയറുടെയും വടകരയില്നിന്ന് ആര്.പി.എഫ്. എസ്.ഐ. സുനില്കുമാറിന്റെയും നേതൃത്വത്തിലുള്ളവരും പയ്യോളി പോലീസും സ്ഥലത്തെത്തി പരിശോധന നടത്തി. ഇതിലാണ്, പാളത്തില് കല്ലുകള്വെച്ചതായി കണ്ടത്.ഈ പരിശോധനയ്ക്കു ശേഷമാണ് തീവണ്ടികള്ക്ക് വേഗംകൂട്ടിയത്.
