സ്ത്രീകൾക്കെതിരെയുള്ള അതിക്രമങ്ങളും പീഡനങ്ങളും വർധിച്ചു വരുന്ന ഈ ഭീകരമായ ഒരു അവസ്ഥയിൽ വീണ്ടും ഒരു വനിതാ ദിനം കുടി. സ്ത്രീകൾക്കെതിരെയുള്ള അക്രമങ്ങളുടെ കണക്കെടുക്കാനാണോ ഇങ്ങനെയൊരു ദിനം എന്ന് ചിന്തിച്ചുപോകുന്നു. എന്നിരുന്നാലും എല്ലാ വനിതകൾക്കും വനിതാദിന ആശംസകൾ നേരുന്നു.
കണ്ണൂർ: ആറളം ഫാമിൽ ആദിവാസി സ്ത്രീ കാട്ടാനയുടെ ചവിട്ടേറ്റ് മരിച്ചു. ആറളത്തെ പുനരധിവാസ മേഖലയിലെപത്താം ബ്ലോക്ക് കോട്ടപ്പാറയിലെ നാരായണന്റെ ഭാര്യ അമ്മിണി(52) ആണ് കൊല്ലപ്പെട്ടത്. പരിയാരം മെഡിക്കൽ കോളേജിൽ മൃതദേഹം സൂക്ഷിച്ചിരിക്കുന്നു.
കൊച്ചി : ബജറ്റ് ചോർന്നതിനു പിന്നിൽ ധന മന്ത്രി തോമസ് ഐസക്കിന്റെ പിടിപ്പില്ലായ്മയാണെന്നു ആരോപിച്ച് അദ്ദേഹത്തെ ആ സ്ഥാനത്തു നിന്ന് നീക്കണമെന്ന് ആവശ്യപ്പെട്ട് കുമ്മനം രാജശേഖരൻ ഹൈ കോടതിയിൽ. ഹരജി ഇന്ന് കോടതി പരിഗണിക്കും. ബജറ്റ് അവതരിപ്പിക്കുന്നതിനു മുന്നേ തന്നെ ചില പത്ര മാധ്യമങ്ങളിലും സോഷ്യൽ മീഡിയകളിലും അത് അച്ചടിച്ച്‌ വന്നു എന്നാണ് ആരോപണം.
കണ്ണൂർ : ടെൻസിങ് നോർഗേ ദേശീയ സാഹസിക അവാർഡിന് കേന്ദ്ര യുവജനകാര്യ മന്ത്രാലയം അപേക്ഷ ക്ഷേണിച്ചു. സംസ്ഥാന സർക്കാരിന്റെ യുവജന കാര്യാ വകുപ്പുകളിൽ നിന്നും നാമനിർദേശം ചെയ്യപ്പെട്ട അപേക്ഷകളാണ് പരിഗണിക്കുക. അപേക്ഷകൻ നടത്തിയ സാഹസിക പ്രവർത്തനങ്ങളെ കുറിച്ചു ഇംഗ്ലീഷിൽ തയ്യാറാക്കിയ ലഘു വിവരണവും യോഗ്യത തെളിയിക്കുന്ന രേഖകളും കേന്ദ്ര യുവജന കാര്യാലയം നിർദ്ദേശിക്കുന്ന പ്രസ്തുത മാതൃകായോടൊപ്പം മാർച്ച് പതിനഞ്ചിനകം സമർപ്പിക്കണം. അഞ്ചു ലക്ഷം രൂപയും വെങ്കല സർട്ടിഫിക്കറ്റും അടങ്ങുന്നതാണ് അവാർഡ്. അപേക്ഷ മാതൃകയും മറ്റുവിവരങ്ങളും കലക്ടറേറ്റിൽ പ്രവർത്തിക്കുന്ന ദേശീയ സാഹസിക അക്കാദമി ഓഫീസിൽ ലഭിക്കും.ഫോൺ :9895314639
മരട് : ഗായത്രീവീണക്കച്ചേരിയുമായി സരോവരത്തില്‍ 51 ഗാനങ്ങള്‍ ലക്ഷ്യമിട്ട വിജയലക്ഷ്മി അതും പിന്നിട്ട് 67ല്‍ ആണ് തന്റെ കച്ചേരി അവസാനിപ്പിച്ചത്. ഇതോടെ ലോകറെക്കോര്‍ഡ് ലക്ഷ്യത്തില്‍ എത്തിയ സന്തോഷത്തിലാണ് ഗായിക വൈക്കം വിജയലക്ഷ്മി.രാവിലെ 10 മുതല്‍ മരടില്‍ ആരംഭിച്ച കച്ചേരിയില്‍ ഉച്ചവരെ ശാസ്ത്രീയ സംഗീതവും പിന്നെ വിവിധ ഭാഷ ചലച്ചിത്ര ഗാനങ്ങളുമാണ് അവതരിപ്പിച്ചത്.കാറ്റേ..കാറ്റേ,ഒറ്റയ്ക്ക് പാടും പൂങ്കൂയിലേ,പിന്നാലെ ഇപ്പോഴത്തെ സൂപ്പര്‍ഹീറ്റായ വീരത്തിലെ മേലേ മാണിക്യം..എന്നിങ്ങനെ ഒട്ടനവധി ഹിറ്റുകളിലൂടെ പ്രിയഗായികയായ വിജയലക്ഷ്മിയുടെ പുതിയ നേട്ടത്തില്‍ മലയാളികള്‍ക്ക് ഒന്നടങ്കം സന്തോഷിക്കാം
കണ്ണൂർ : ജില്ലയിൽ സ്ത്രീകളുടെയും കുട്ടികളുടെയും സുരക്ഷാ ഉറപ്പാക്കുന്നതിന് ഭാഗമായി പോലീസിന്റെ ആഭിമുഖ്യത്തിൽ വനിതാ സ്വയം പ്രതിരോധ പരിശീലന പരിപാടി സംഘടിപ്പിക്കുന്നു. അതിക്രമങ്ങൾ ഉണ്ടാകുമ്പോൾ മുൻകൂട്ടി തിരിച്ചറിയാനും പ്രതിരോധിക്കാനുമുള്ള പരിശീലനമാണ് ഈ പരിപാടിയിലൂടെ നൽകുന്നത്. എട്ടു മുതൽ പത്രണ്ടുവരേയുള്ള തീയതികളിലാണ് പരിശീലനം നൽകുന്നത്. വനിതാ സെല്ലിന്റെ ആഭിമുഖ്യത്തിൽ പരിശീലന ക്ലാസ്സുകളും നൽകും. താല്പര്യമുള്ള സ്ത്രീകളും പെൺകുട്ടികളും നാളെ രാവിലെ 9 30 നു കണ്ണൂർ ജില്ലാ പോലീസ് ഓഡിറ്റോറിയത്തിൽ എത്തണം ഇത്തരം പരിശീലന പരിപാടികൾ സംഘടിപ്പിക്കാൻ താല്പര്യമുള്ള വിദ്യാഭ്യാസ സ്ഥാപനങ്ങൾ മറ്റു സംഘടനകൾ എന്നിവർ വനിതാ സെല്ലുമായി ബന്ധപ്പെടണം. ഫോൺ : 0497 2713350, 94977987216.
വീരാജ്പേട്ട: കേന്ദ്ര സർക്കാർ ഫെബ്രുവരി 27 നു പുറപ്പെടുവിച്ച കസ്‌തൂരിരംഗൻ റിപ്പോർട്ടിന്മേൽ കുടക് ജില്ലയിലെ 55 ജനവാസ ഗ്രാമങ്ങൾ പരിസ്ഥിതിലോല മേഖലയായി പ്രഖ്യാപിച്ചു. കുടകിലെ മിക്ക ഗ്രാമങ്ങളും പരിസ്ഥിതിലോല മേഖലയിൽ വരുന്നതിനാൽ കസ്തുരി രംഗൻ റിപ്പോർട്ടിൽ നിന്ന് കുടകിനെ ഒഴിവാക്കണമെന്നു ആവശ്യപ്പെട്ടു കഴിഞ്ഞ വര്ഷം പ്രക്ഷോഭം സംഘടിപ്പിച്ചിരുന്നു. വീരാജ്പേട്ടയിലെ കരടി റോഡ്, ചെന്നണക്കോട്ട, ദൈവമാക്കി, ആരക്കേറി, കെടമുള്ളൂർ തുടങ്ങിയ 55 ഗ്രാമങ്ങളെയാണ് പരിസ്ഥിതിലോല പ്രദേശങ്ങളായി കണക്കാക്കിയിരിക്കുന്നത്. ഇത് തുടർ ദിവസങ്ങളിൽ പ്രക്ഷോഭത്തിലേക്ക് നയിച്ചേക്കും.
കണ്ണൂർ: തലശ്ശേരി ടെംപിൾ ഗേറ്റ് റെയിൽവേ സ്റ്റേഷൻ സമീപത്തെ കുറ്റിക്കാട്ടിൽ ഒളിപ്പിച്ചു വെച്ച നിലയിൽ 13 ബോംബുകൾ കണ്ടെടുത്തു. പത്തു ഐസ്ക്രീം ബോംബുകളും മുന്ന് സ്തീൽ ബോംബുകളുമാണ് കണ്ടെടുത്തത്. കഴിഞ്ഞ ദിവസം പുന്നോലിൽ റെയിൽവേ ട്രാക്കിൽ സ്ഫോടനം നടന്നിരുന്നു. ഇതിന്റെ അടിസ്ഥാനത്തിലായിരുന്നു പരിശോധന. ന്യൂ മാഹി പൊലീസാണ് ബോംബുകൾ കണ്ടെടുത്തത്.
തിരുവനന്തപുരം: സംസ്ഥാന ചലച്ചിത്ര പുരസ്‌കാരങ്ങൾ ഇന്ന് പ്രഖ്യാപിക്കും. മോഹൻലാലിനൊപ്പം മത്സരിക്കാൻ ഇനി വിനായകനും. മികച്ച സിനിമയ്ക്കുള്ള അവസാന റൗണ്ടില്‍ ഒമ്പതു ചിത്രങ്ങളാണുള്ളത്. മഹേഷിന്റെ പ്രതികാരം, കാട് പൂക്കുന്ന നേരം, മാന്‍ഹോള്‍, പിന്നെയും, അയാള്‍ ശശി, ഗപ്പി, കിസ്മത്ത്, കമ്മട്ടിപ്പാടം, കറുത്ത ജൂതന്‍ എന്നിവയാണ് മികച്ച ചിത്രത്തിനായി മത്സരത്തിൽ മുൻനിരയിലുള്ളത്. മികച്ച ചിത്രത്തിനായി കടുത്ത മത്സരമാണ് നടക്കുന്നത്.
തിരുവനന്തപുരം: വേനൽ ചൂടിൽ വെന്തുരുകുന്ന സംസ്ഥാനത്തെ കടുത്ത വരള്‍ച്ചാ ഭീഷണി നേരിടാന്‍ ആവശ്യമെങ്കില്‍ കൃത്രിമ മഴ പെയ്യിക്കുന്ന കാര്യം പരിഗണിക്കുമെന്ന് മുഖ്യമന്ത്രി പിണറായി വിജയന്‍. ക്ലൗഡ് സീഡിംഗ് വഴി കൃത്രിമ മഴ പെയ്യിക്കാനാണ് ആലോചിക്കുന്നത്. വരൾച്ചയ്ക്ക് കാരണം സർക്കാർ അല്ലെന്നും എന്നാൽ വരൾച്ചയ്ക്കുള്ള എല്ലാ മുന്നൊരുക്കങ്ങളും സർക്കാർ നടപ്പിലാക്കിയിട്ടുണ്ടെന്നും സർക്കാർ സഭയെ അറിയിച്ചു.