തൃശ്ശൂർ : ഭക്ഷണത്തിനു ശേഷം ഇനി കൈകഴുകണ്ട . വിദേശ രീതി അനുകരിക്കാൻ ഒരുങ്ങുകയാണ് നമ്മുടെ കൊച്ചു കേരളവും. ഭക്ഷണശേഷം കൈയും വായും കഴുകാതെ നാപ്കിൻ ഉപയോഗിച്ച് കൊണ്ടാണ് ഈ വിദേശ അനുകരണം. ഭക്ഷണ വില്പന ശാലകളിൽ വെള്ളത്തിന്റെ ഉപയോഗം നിയന്ത്രിക്കുന്നതിന്റെ ഭാഗമായാണ് കേരളം ഇത്തരത്തിൽ വിദേശ സംബ്രദായത്തിലേക്ക് മാറാൻ ഒരുങ്ങുന്നത്. ഇനി ഹോട്ടലുകളിൽ വാഷ് ബേസിനുകൾ ഓർമ്മയാകും മാത്രമല്ല ഡിസ്പോസിബിൾ പ്ലേറ്റും ഗ്ലാസും നടപ്പിലാക്കാനും സാധ്യതയുണ്ട്. ചില തദ്ദേശ സ്വയംഭരണ സ്ഥാപനങ്ങളുടെ തെറ്റായ സമീപനമാണ് ഇങ്ങനൊരു നീക്കത്തിന് തങ്ങളെ നിര്ബന്ധിതരാക്കിയെന്നു ഹോട്ടലുടമകൾ പറയുന്നു.
