Kerala

കൊല്ലം: കൊല്ലം മലനട ദുര്യോദന ക്ഷേത്രത്തിലാണ് ഇന്നലെ രാത്രി മത്സക്കമ്പം അരങ്ങേറിയത്‌. കലക്ടറുടെ നിരോധന ഉത്തരവ് ലംഘിച്ചാണ് കമ്പം നടത്തിയത്. പുറ്റിങ്ങല്‍ ക്ഷേത്രത്തിലെ വെടിക്കെട്ട് ദുരന്തം നടന്ന് ഒരു വര്‍ഷം തികയുമ്പോഴാണ്‌ തൊട്ടടുത്തുള്ള മലനടയില്‍ വന്‍ വെടിക്കെട്ട് നടത്തിയത്. സംഭവം നടക്കുമ്പോള്‍ പോലീസ് സ്ഥലത്തുണ്ടായിരുന്നെങ്കിലും തടയാന്‍ ശ്രമിച്ചില്ലെന്ന് പരാതിയുണ്ട്. ഇതുമായി ബന്ധപ്പെട്ട് 22 പേരെ പോലീസ് കസ്റ്റഡിയിലെടുത്തു.

കൂത്തുപറമ്പ്: നിര്‍മലഗിരി കോളേജിലെ ഇഗ്നോ സ്റ്റഡിസെന്ററില്‍ 2017-18 ജൂലായ് ബാച്ചിലേക്കുള്ള പ്രവേശനം തുടങ്ങി. പ്രവേശനം ഓൺലൈനാണ്‌. ബിരുദ കോഴ്‌സുകളായ ഹിസ്റ്ററി, ഇക്കണോമിക്‌സ്, പൊളിറ്റിക്കല്‍ സയന്‍സ്, ഇംഗ്ലീഷ്, ടൂറിസം, സോഷ്യോളജി, സോഷ്യല്‍വര്‍ക്ക്, ബി.കോം., ലൈബ്രറി സയന്‍സ് എന്നിവയും ഇവയുടെ ബിരുദാനന്തര കോഴ്‌സുകളും ഫങ്ഷണല്‍ ഇംഗ്ലീഷ്, ഫുഡ് ആന്‍ഡ് കൗണ്‍സലിങ്, ബിസിനസ് സ്‌കില്‍സ് എന്നീ സര്‍ട്ടിഫിക്കറ്റ് കോഴ്‌സുകളും പ്ലസ്ടു തത്തുല്യ കോഴ്‌സായ ബി.പി.പി., ഡിപ്ലോമ കോഴ്‌സായ പി.ജി.ഡി.ഐ.ബി. എന്നിവയിലാണ് പ്രവേശനം തുടങ്ങിയത്. അപേക്ഷിക്കേണ്ട അവസാന തീയതി മാര്‍ച്ച് 31. ഫോണ്‍: 9656709654, 04902366620

കോട്ടയം: ഉമ്മൻ ചാണ്ടി വീണ്ടും മുഖ്യമന്ത്രിയാകുന്നു. സൺ പിക്ചർസിന്റെ ബാനറിൽ സൈമൺ, അജിൻ എന്നിവർ ചേർന്ന് നിർമിക്കുന്ന പീറ്റർ എന്ന സിനിമയിലാണ് ഉമ്മൻ ചാണ്ടി മുഖ്യമന്ത്രി വേഷം അണിയുന്നത്.. ഞായറാഴ്ച രാവിലെ പുതുപ്പള്ളി പള്ളിയുടെ മുൻപിൽ മെഴുകുതിരി തെളിയിച്ച് ഷൂട്ടിംഗ് ആരംഭിക്കാനാണ് പദ്ധതിയിട്ടിരിക്കുന്നത്.

ന്യൂ ജനറേഷൻ സിനിമ ആണെങ്കിലും ഉമ്മൻ ചാണ്ടി പതിവ് ശൈലിയിൽ തന്നെ  ആയിരിക്കും. കുട്ടികളുടെ പരാതികളും വിഷമതകളും കേട്ട് പരിഹാരം കാണുന്ന മുഖ്യമന്ത്രിയുടെ റോളാണ് ഉമ്മൻ ചാണ്ടിക്കുള്ളത്. രണ്ടു കോടി രൂപ മുതൽ മുടക്കിൽ നിർമ്മിക്കുന്ന ചിത്രം ഓണത്തിന് പുറത്തിറക്കാനാണ് ഉദ്ദേശിക്കുന്നത്. പുതുപ്പള്ളിയിലെ വീട്ടിലും പരിസരങ്ങളിലും ഷൂട്ടിംഗ് ഉണ്ടാവും.