തളിപ്പറമ്പ്: ദേശിയപാതയില്‍ മാങ്ങാട്ടുപറമ്പ് കെൽട്രോണിന് മുന്നില്‍ ബുധനാഴ്ച പുലര്‍ച്ചെ നിയന്ത്രണം വിട്ട പിക്കപ്പ് വാന്‍ മതിലിലിടിച്ച് എറണാകുളം സ്വദേശി മരിച്ചു. എറണാകുളം കാഞ്ഞിരമറ്റത്തെ മാങ്കുഴിയില്‍ വീട്ടില്‍ ചന്ദ്രന്‍ (50) ആണ് മരിച്ചത്. അപകടത്തില്‍ പരിക്കേറ്റ മൂന്നു പേരുടെ നില ഗുരുതരം. പരിക്കേറ്റവർ പരിയാരം മെഡിക്കല്‍ കോളേജ് ആശുപത്രിയില്‍ ചികില്‍സയിലാണ്. എറണാകുളത്തു നിന്നും കാസര്‍കോട്ടേക്ക് പോകുന്ന സ്വകാര്യ മണ്ണ് പരിശോധനാ ഏജന്‍സിയുടെ അശോക് ലൈലാന്‍ഡ് ഡോസിയര്‍ പിക്കപ്പ് വാന്‍ നിയന്ത്രണം വിട്ട് കെ ടിഡിസി ടാമ്റിന്റ് ഹോട്ടലിന്റെ മതിലിലേക്ക് ഇടിച്ചുകയറുകയായിരുന്നു. ചന്ദ്രന്‍ സംഭവസ്ഥലത്തു തന്നെ മരിച്ചു.
