Kerala

തിരുവനന്തപുരം: സുപ്രീം കോടതിയുടെ സംശയരഹിതമായ വിധി പുറത്തു വന്നിട്ട് ദിവസങ്ങളായെങ്കിലും അത് അനുസരിച്ച് ടി പി സെൻകുമാറിന് കേരള പോലീസ്  മേധാവിയായി പുനർ നിയമനം നല്കാൻ സംസ്ഥാന സർക്കാർ തയ്യാറാകാത്തത് നിയമ വാഴ്ചയോടും ഭരണ ഘടനയോടും ഉള്ള വെല്ലുവിളിയാണെന്ന് വി ടി ബൽറാം എം എൽ എ. മുഖ്യമന്ത്രി പിണറായി വിജയന്റെയും ചീഫ് സെക്രട്ടറിയുടെയും വ്യക്തിവിരുദ്ധത്തിനും ദുരഭിമാനത്തിനുമല്ല , പരമോന്നത നീതിപീഠത്തിന്റെ വിധിതീർപ്പിന് തന്നെയാണ് ഒരു ഭരണ ഘടന അധിഷ്ഠിത ജനാധിപത്യത്തിൽ വിലയുണ്ടാകേണ്ടതെന്നും അദ്ദേഹം ഫേസ്ബുക്കിൽ കുറിച്ചു.

മാലൂര്‍: ചികിത്സയ്ക്കിടെ കുത്തിവെയ്പിനെത്തുടര്‍ന്ന് മരിച്ച ശിവപുരത്തെ എം.ബി.ബി.എസ്. വിദ്യാര്‍ഥിനി ഷംന തസ്‌നീമിന്റെ വിട് മുന്‍ മുഖ്യമന്ത്രി ഉമ്മന്‍ ഉമ്മന്‍ ചാണ്ടി സന്ദര്‍ശിച്ചു.കുടുംബത്തിന് നീതി ലഭിക്കാനാവശ്യമായ നടപടികള്‍ തന്റെ ഭാഗത്തുനിന്നുണ്ടാകുമെന്നും മുഖ്യമന്ത്രിയെക്കണ്ട് ഉന്നതതല അന്വേഷണം നടത്തേണ്ടതിനെക്കുറിച്ച് സൂചിപ്പിക്കുമെന്നും ഉമ്മന്‍ ചാണ്ടി പറഞ്ഞു.

മട്ടന്നൂര്‍: മട്ടന്നൂര്‍ സഹകരണ റൂറല്‍ ബാങ്ക് ആസ്ഥാന കെട്ടിടസമുച്ചയം മുന്‍ മുഖ്യമന്ത്രി ഉമ്മന്‍ ചാണ്ടി ഉദ്ഘാടനംചെയ്തു. മട്ടന്നൂര്‍ ശങ്കരന്‍കുട്ടി, സംവിധായകന്‍ സലിം അഹമ്മദ്, എ.മധുസൂദനന്‍, ടിന്റു ലൂക്കയുടെ അമ്മ ലിസി ലൂക്ക എന്നിവരെ ചടങ്ങില്‍ ആദരിച്ചു. ബാങ്ക് പ്രസിഡന്റ് കെ.പി.പ്രഭാകരന്‍ അധ്യക്ഷതവഹിച്ചു.

പഴയങ്ങാടി ∙ ഏഴോം പ‍ഞ്ചായത്തിലെ ചെങ്ങൽ പ്രദേശത്തു ഭ്രാന്തൻനായയുടെ വിളയാട്ടം. വിവിധ സമയങ്ങളിലായി ആറു പേരെ ഭ്രാന്തൻനായ കടിച്ചു പരുക്കേൽപിച്ചു. ഒട്ടേറെ പശുക്കൾക്കും ആടിനും കടിയേറ്റു. കാലിനും കൈയ്ക്കും കഴുത്തിനും വരെ ഭ്രാന്തൻ നായ കടിച്ചിട്ടുണ്ട്. വീട്ടിൽ കയറി വരെ ആളുകളെ നായ കടിച്ചതോടെ ജനം വീടിനു പുറത്തിറങ്ങാനാകാതെ ഭീതിയിലായി. ഭ്രാന്തൻനായയെ പിടികൂടാൻ ശ്രമിച്ചെങ്കിലും ഇന്നലെ വൈകിട്ടു വരെ കണ്ടെത്താനായില്ല. പരുക്കേറ്റവർ പഴയങ്ങാടി താലൂക്ക് ആശുപത്രിയിൽ പ്രാഥമിക  ചികിത്സ തേടി. .മരുന്നു ലഭ്യമല്ലാത്തതിനാൽ പിന്നിടു കണ്ണൂർ ജില്ലാ ആശുപത്രിയിലേക്കു മാറ്റി.