ലണ്ടൻ: രാജ്യം വിട്ട വിവാദ വ്യവസായി വിജയ് മല്യയെ അറസ്റ് ചെയ്യിപ്പിച്ചത് പ്രധാനമന്ത്രി നരേന്ദ്രമോദിയുടെ നേരിട്ടുള്ള ഇടപെടൽ മൂലം. ബാങ്കുകളെ പറ്റിച്ചു മുങ്ങിയ മല്യയെ തിരികെ എത്തിക്കാൻ ശക്തമായ ഇടപെടലുകളാണ് ഇന്ത്യ നടത്തി വന്നിരുന്നത്. ഈ വിഷയത്തിൽ ബ്രിട്ടീഷ് പ്രധാനമന്ത്രിയുമായി മോഡി നേരിട്ട് സംസാരിക്കുകയും ചെയ്തിട്ടുണ്ട്.
ഇന്ത്യയിലെ രാഷ്ട്രീയ നേതാക്കൾക്കിടയിൽ മാത്രമല്ല ബ്രിട്ടനിലെ ഉന്നത രഷ്ട്രീയ നേനതൃത്വങ്ങളുമായും വളരെ അടുത്ത ബന്ധമാണ് ഈ മദ്യ രാജാവിനുള്ളത്. ഇന്ത്യയിൽ 9000 കോടി കുടിശ്ശിക വരുത്തിയ കേസിലാണ് ഇപ്പോഴത്തെ അറസ്റ്. കഴിഞ്ഞ വര്ഷം മെയിലാണ് വിജയ് മല്യ രാജ്യം വിട്ടത്.
