എസ്.പി ത്യാഗി അദ്ദേഹത്തിന്റെ കസിൻ ജൂലി ത്യാഗി,വക്കീൽ ഗൗതം ഗൈടാൻ എന്നിവർ അറസ്റ്റിലായി.
ന്യൂഡൽഹി:സിബിഐ അന്വേഷണത്തിൽ ഫോർമർ എയർ ചീഫ് മാർഷൽ എസ്.പി ത്യാഗി അടക്കം അഞ്ച് പേർ വെള്ളിയാഴ്ച്ച അറസ്റ്റിലായി.അഗസ്റ്റവെസ്റ്റ്ലാൻഡ് അഴിമതി കേസിലെ അന്വേഷണത്തിലാണ് ഇവർ അറസ്റ്റിലായത്.
ഡൽഹിയിൽ വക്കീൽ ആയി ജോലി ചെയ്യുന്ന ഗൗതം ഗൈടാൻ,എസ്.പി ത്യാഗിയുടെ കസിൻ ജൂലി ത്യാഗി,സഞ്ജീവ് ത്യാഗി,ഏലിയാസ് എന്നിവരാണ് അറസ്റ്റിലായ മറ്റുള്ളവർ.
പ്രധാനമന്ത്രിക്കും മറ്റ് വിവിഐപികൾക്കും വേണ്ട സുരക്ഷയ്ക്കായി ഇറ്റലിയിൽ നിന്നും വാങ്ങിയ ഹെലികോപ്റ്റർ ഇടപാടിലാണ് അഴിമതി കണ്ടെത്തിയത്.
3600 കോടി രൂപയുടെ ഇടപാടാണ് നടന്നത്.എന്നാൽ ഇടപാടിൽ ക്രമക്കേടുകൾ ഉണ്ടെന്ന കണ്ടെത്തലിനെ തുടർന്ന് ഇറ്റാലിയൻ പ്രതിരോധ ഗ്രൂപ്പായ ഫിൻ മെക്കാനിക് മേധാവി ജോസഫ് ഓർസിയെ 51 യൂറോ മില്യൺ കോഴ വാങ്ങിയ കേസിൽ ഇറ്റാലിയൻ പോലീസ് അറസ്റ്റ് ചെയ്തിരുന്നു.വേറെ രണ്ട് പേരെയും അറസ്റ്റ് ചെയ്തിരുന്നു.
12 അഗസ്റ്റവെസ്റ്റ്ലാൻഡ് ഹെലികോപ്റ്റർ വാങ്ങാനായിരുന്നു കരാർ.എസ്.പി ത്യാഗിയെ പോലീസ് ചോദ്യം ചെയ്തിരുന്നു.
ഹൈദരാബാദ് കെട്ടിടം തകർന്ന് രണ്ട് മരണം,10 പേർ കെട്ടിടത്തിനുള്ളിൽ കുടുങ്ങിയിട്ടുണ്ടെന്നു സംശയം.
ഹൈദരാബാദ്:ഹൈദരാബാദിലെ തെലുങ്കാനയിൽ പുതുതായി നിർമിച്ച ആറു നില കെട്ടിടം തകർന്ന് രണ്ട് പേർ മരിച്ചു.ഒരു കുട്ടിയടക്കം രണ്ട് പേർ ഗുരുതരാവസ്ഥയിൽ.ഇന്നലെ വൈകുന്നേരമായിരുന്നു അപകടം.ദേശീയ ദുരന്ത നിവാരണ സേനയുടെ നേതൃത്വത്തിൽ ഇപ്പോഴും രക്ഷാ പ്രവർത്തനം തുടരുകയാണ്.
ഈ കെട്ടിടത്തിൽ 10 കുടുംബങ്ങളാണ് താമസിക്കുന്നത്.പത്തോളം പേർ കെട്ടിടത്തിനകത്ത് കുടുങ്ങിയതായി സംശയം.അപകടം സംഭവിക്കുന്ന സമയത്തു കെട്ടിടത്തിൽ ഉണ്ടായ 13 പേരെ തിരിച്ചറിഞ്ഞിട്ടുണ്ട്.
കാർഡ് ഉപയോഗിച്ച് ഇന്ധനം പർച്ചെസ് ചെയ്യുന്നവർക്ക് .75% ഡിസ്‌കൗണ്ട്.
ന്യൂഡൽഹി:കാർഡുപയോഗിച്ച് പർച്ചെസ് ചെയ്യുന്നവർക്ക് നിരവധി ഡിസ്‌കൗണ്ടുകൾ.കാർഡുപയോഗിച്ച് പെട്രോൾ,ഡീസൽ പർച്ചെസ് ചെയ്‌താൽ .75% ഡിസ്‌കൗണ്ട് ലഭിക്കുമെന്ന് ധനമന്ത്രി അരുൺ ജെയ്‌റ്റിലി വാർത്താ സമ്മേളനത്തിൽ പറഞ്ഞു.
എല്ലാ ഇടപാടുകളും ഡിജിറ്റൽ വഴി ആക്കാനാണ് കേന്ദ്രത്തിന്റെ നീക്കം.ഇത് കൂടുതൽ സാമ്പത്തിക വളർച്ച ഉണ്ടാക്കും എന്നാണ് കേന്ദ്രം അവകാശപ്പെടുന്നത്.
ഇപ്പോൾ ഉണ്ടായിരിക്കുന്ന സാമ്പത്തിക വളർച്ചക്കേറ്റ ഇടിവ് കുറച്ചു നാൾ മാത്രമേ ഉണ്ടാകൂ എന്നും കുറച്ചു നാൾ കഴിഞ്ഞാൽ ഇന്ത്യക്ക് കൂടുതൽ മെച്ചപ്പെട്ട സാമ്പത്തിക വളർച്ച ഉണ്ടാകും എന്നും അരുൺ ജെയ്‌റ്റിലി പറഞ്ഞു.
തിരഞ്ഞെടുത്ത ഒരു ലക്ഷം ഗ്രാമങ്ങളിൽ ജനസംഖ്യ 10,000 ഉള്ള സ്ഥലങ്ങളിൽ രണ്ടു വീതം സ്വൈപിംഗ് മെഷീനുകൾ നൽകും.കർഷകർക്ക് നബാർഡ് രുപേയ് കാർഡുകൾ നൽകും.
പൊതുമേഖലാ ഇൻഷുറൻസ് കമ്പനികളിൽ നിന്നും ഓൺലൈൻ വഴി ജനറൽ,ലൈഫ് പോളിസി എടുക്കുന്നവർക്ക് യഥാക്രമം 10%,8% ഡിസ്‌കൗണ്ട് കിട്ടാനുള്ള നടപടി ഉണ്ടാക്കും.
2000 രൂപയ്ക്കു മുകളിൽ പർച്ചെസ് ചെയ്യുന്നവരിൽ നിന്നും സർവീസ് ചാർജ് ഈടാക്കുന്നത് നിർത്തി വെക്കും.
പെട്രോൾ പമ്പുകളിൽ സ്വൈപിങ് മെഷീൻ സ്ഥാപിക്കാൻ നിർദേശം.
ന്യൂഡൽഹി:രാജ്യത്തെ ഡിജിറ്റലൈസ് സമ്പത് വ്യവസ്ഥ ആകുന്നതിന്റെ ഭാഗമായി രാജ്യത്തിലെ പെട്രോൾ പമ്പുകൾ ക്യാഷ്‌ലെസ്സ് പർച്ചേസ് ആകാൻ ശ്രമം നടക്കുന്നു.
എല്ലാ ഇന്ത്യൻ ഓയിൽ പമ്പുകളിലും എസ്.ബി.ഐ,എച്ച്.ഡി.എഫ്.സി സ്വൈപിംഗ് മെഷീനുകൾ വെക്കാൻ കർശന നിർദേശം.
ചില പെട്രോൾ പമ്പുകളിൽ ഇപ്പോൾ കാർഡ് ഉപയോഗിച്ച് ഇന്ധനം പർച്ചേസ് ചെയ്യുന്നവർക്ക് മുൻഗണന നൽകുന്ന രീതി ഇപ്പോൾ തന്നെ നടപ്പിലുണ്ട്.
എല്ലാ മേഘലയിലും ഇപ്പോൾ തന്നെ സ്വൈപിംഗ് മെഷീനുകൾ സ്ഥാപിച്ച് വരുന്നുണ്ട്.സാധാരണ ഷോപ്പിൽ പോലും മെഷീൻ സിസ്റ്റം ഉണ്ട് എന്നത് ഇന്ത്യയെ ഒരു ഡിജിറ്റലൈസ് രാജ്യമായി കാണാൻ അധികം കാത്തിരിക്കേണ്ടി വരില്ല എന്നതിന്റെ തെളിവാണ്.
ആഗോള നിലയിലെ ഇന്ധന വിലയിലെ മാറ്റം പെട്രോൾ വില ഉയരാൻ സാധ്യത.
ന്യൂഡൽഹി:ഇന്ധന വിലയിൽ ആഗോള തലത്തിലെ മാറ്റം പെട്രോളിനു ലിറ്ററിന് 80 രൂപയും ഡീസലിന് 68 രൂപയും ആകാൻ സാധ്യത.ബാരലിന്റെ വില $60-ൽ എത്തുമെന്നാണ് ക്രെഡിറ്റ് റേറ്റിങ് ഏജൻസിയായ ക്രിസിൽ റിപ്പോർട്ട് ചെയ്യുന്നത്.
ഓർഗനൈസേഷൻ ഓഫ് പെട്രോളിയം എക്സ്പോർട്ടിങ് കൺട്രീസുമായുള്ള(ഒ.പി.ഇ.സി) കരാറിനെ തുടർന്ന് ബാരലിന് $55-ൽ എത്തിയിട്ടുണ്ട്.
2017 പകുതി വരെ ബാരലിന് $50 മുതൽ $55 വരെ ആയിരിക്കും എന്നാണ് ക്രിസിൽ റിപ്പോർട്ട് ചെയ്യുന്നത്.
അവസാനമായി ഒരു നോക്ക് കണ്ടാൽ മാത്രം മതി അവരുടെ പ്രിയപ്പെട്ട അമ്മയെ
ഇത്രയധികം ജനപങ്കാളിത്തമുണ്ടായ വിലാപയാത്രക്ക് അടുത്ത കാലത്തൊന്നും ഇന്ത്യ സാക്ഷ്യം വഹിച്ചിട്ടില്ല,ദേശീയ ദൃശ്യമാധ്യമങ്ങൾ അടക്കം മുഴുവൻ മാധ്യമങ്ങളും പറയുന്നു. വികാരനിർഭരമായ യാത്രയയപ്പിന് ചെന്നൈ മറീന ബീച്ച് വേദിയാകുന്നു. പതിനായിരങ്ങൾ ഒഴുകിയെത്തുന്നു. ഇത്രകണ്ട് ജനങ്ങൾ മനസ്സിൽ പ്രതിഷ്ഠിച്ച നേതാക്കൾ ചുരുക്കം. അവർ നടപ്പിലാക്കിയ ജനക്ഷേമ പ്രവർത്തനങ്ങൾ അത്രയധികം ജനങ്ങളെ സ്വാധീനിച്ചിട്ടുണ്ടെന്ന് വ്യക്തം. എം.ജി.ആറിന്റെ വിടവാങ്ങലിന് ശേഷം തൊണ്ണൂറുകളുടെ തുടക്കത്തിലെ അഴിമതിക്കാരിയും സ്വേഛാധിപതിയുമായ ജയയിൽ നിന്ന് ഇന്നു നമ്മൾ കണ്ട പുരച്ചി തലൈവി അമ്മയിലേക്കുള്ള യാത്ര ഉയർച്ചയുടേയും താഴ്ചയുടേതും ആയിരുന്നു. ഈ കാലയളവിൽ അഴിമതി കേസുകളും നിയമ പോരാട്ടവും ജയിൽ വാസവും.എപ്പോളും അവർ ദ്രാവിഡ രാഷ്ട്രീയത്തെ മുറുകെ പിടിച്ചു. അതിനെ സംരക്ഷിച്ചു. ഒരു നിർണായക ശക്തിയായി മാറി സംസ്ഥാന രാഷ്ട്രീയത്തിലും കേന്ദ്രത്തിലും. തന്നെ ഇഷ്ടപ്പെടുന്നവരെ ഹൃദയത്തോട് ചേർത്ത അമ്മ എതിരാളികളെ വേണ്ട രീതിയിൽ നേരിടുന്നതും നമ്മൾ കണ്ടു. 2011 ൽ മൂന്നാം തവണ അധികാരത്തിൽ വന്ന ശേഷം അമ്മ നടപ്പിലാക്കിയ നയങ്ങളാണ് അവരെ കൂടുതൽ ജനഹൃദയങ്ങളിലെത്തിക്കുന്നത്. ഇന്നിപ്പൊ തമിഴ്നാട്ടിൽ 1 രൂപക്ക് പ്രഭാത ഭക്ഷണവും 2 രൂപക്ക് ഉച്ചഭക്ഷണവും ലഭിക്കും എന്ന് കേൾക്കുന്നു. അമ്മ കേന്റീനുകൾ ഡൽഹിയിലും പ്രശസ്തം. ‘അവരെ പോലെ വായനാ ശീലമുള്ള..ബുദ്ധിയുള്ള വനിതകൾ ചുരുക്കം’ ജയയുടെ ഒരു സഹപ്രവർത്തക സ്മരിക്കുന്നു.
പത്താം ക്ലാസ്സ്‌ കഴിഞ്ഞ കുട്ടിക്ക്‌ ഫ്രീ ആയി സൈക്കിൾ,പ്ലസ്‌ 2 കഴിയുന്നവർക്ക്‌ ലാപ്‌ ടോപ്‌,ഗവൺമന്റ്‌ ആശുപത്രിയിൽ ജനിക്കുന്ന ഒരു കുട്ടിക്ക്‌ സോപ്പ്‌ , പൗഡർ , കുട്ടിയുടുപ്പ്‌ , ടവൽ , നാപ്കിൻ , ഓയിൽ , ഷാമ്പു മുതൽ ഒരു നവജാത ശിശുവിനു വേണ്ട സകലതും അമ്മ ബോൺ ബേബി കിറ്റ്‌ എന്ന പദ്ധതി വഴി സർക്കാർ ചിലവിൽ നൽകപ്പെടും,പ്രസവം സൗജന്യം,ഗവൺമന്റ്‌ ജോലി ഉള്ള ഒരു സ്ത്രീ ആണു പ്രസവിക്കുന്നതെങ്കിൽ അടുത്ത ഒരു വർഷത്തേക്ക്‌ ജോലിയിൽ നിന്നും വിട്ട്‌ കുട്ടിയോടൊപ്പം നിന്നു കുട്ടിയെ പരിചരിക്കാം. മാസ ശമ്പളം കൃത്യമായി അക്കൗണ്ടിൽ എത്തും ഇനി ജനിക്കുന്നത്‌ പെൺ കുഞ്ഞാണെങ്കിൽ വിവാഹ ചിലവിനായി 50000 രൂപ ധനസഹായം മുതൽ കെട്ടു താലി വരെ ഗവൺമന്റ്‌,പാവപ്പെട്ടവർക്ക്‌ ടി വി , ഗ്രൈന്റർ , മിക്സി അടക്കം ഒരു വീട്ടിലേക്കുള്ള സകല സാധനങ്ങളും ഗവൺമന്റ്‌ നൽകും അങ്ങിനെ എത്ര നല്ല പ്രവർത്തികൾ.
ഒരു സാധാരണ തമിഴനെയും തമിഴത്തിയേയും സംബന്ധിച്ചിടത്തോളം നഷ്ടപ്പെടുന്നത്‌ വെറുമൊരു മുഖ്യമന്ത്രി അല്ല. അവരുടെ സകല കാര്യങ്ങളും നോക്കി നടത്തുന്ന ഒരു കൂടപ്പിറപ്പാണ്.
ഇത് കൊണ്ടൊക്കെയാണ് ഒരു മുഖ്യ മന്ത്രി മരിച്ചതിൽ ഒരു സംസ്ഥാനം മൊത്തം കണ്ണീരിൽ കുതിർന്നത്.ഒരു നോക്ക് കാണാൻ ഇത്രയധികം ആഗ്രഹം പ്രകടിപ്പിച്ചത്.
തന്നെ കൈ പിടിച്ചുയർത്തിയ, ഒരു കാലത്ത് തമിഴ് മക്കളുടെ പ്രിയപ്പെട്ട നേതാവായിരുന്ന എം ജി ആറിന്റെ സമീപത്ത് തന്നെഎ ഇന്ന് അവർ അന്ത്യ വിശ്രമം കൊള്ളുന്നുവി തമിഴകത്തിന്റെ അമ്മ.
ചെന്നൈ:തമിഴകത്തിന്റെ സ്വന്തം അമ്മ ഇനി ഓർമ്മ മാത്രം.പതിനായിരങ്ങളെ സാക്ഷിയാക്കി സംസ്കാര ചടങ്ങ് മറീന ബീച്ചിൽ എം.ജി.ആറിന്റെ സ്മാരകത്തിന് അടുത്തായി ഔദ്യോഗിക ചടങ്ങുകളോടെ വൈകുന്നേരം 5.15-ന് സംസ്കാരം നടന്നു.രാജാജി ഭവനിൽ നിന്നും വിലാപ യാത്രയായാണ് മറീന ബീച്ചിൽ എത്തിയത്.
പതിനായിരണങ്ങളാണ് അമ്മയെ അവസാനമായി ഒരു നോക്ക് കാണാൻ റോഡിൽ തടിച്ച് കൂടിയത്.ചിലർ സങ്കടം സഹിക്കാനാകാതെ ബോധം കെട്ട് വീണു.ജനങ്ങളെ നിയന്ത്രിക്കാൻ പോലീസുകാർ ഒരുപാടു ബുദ്ധിമുട്ടി.
രാഷ്‌ട്രപതി പ്രണബ്പ് മുഖർജി,പ്രധാനമന്ത്രി നരേന്ദ്ര മോദി,കോൺഗ്രസ് ഉപാധ്യക്ഷൻ രാഹുൽ ഗാന്ധി,കേരള മുഖ്യമന്ത്രി പിണറായി വിജയൻ,മുൻ മുഖ്യമന്ത്രി ഉമ്മൻചാണ്ടി,പ്രതിപക്ഷ നേതാവ് രമേശ് ചെന്നിത്തല,ഗവർണർ പി.സദാശിവം,ഡി.എം.കെ നേതാക്കളായ എംകെ സ്റ്റാലിൻ,കനിമൊഴി,നടൻ രജനീകാന്ത് തുടങ്ങിയവർ ജയലളിതക്ക് ആദരാഞ്ജലികൾ അർപ്പിക്കാൻ എത്തി.നടൻ രജനീകാന്ത് കുടുംബ സമേതം എത്തി.
ഹൃദയ സ്തംഭനത്തെ തുടർന്ന് തിങ്കളാഴ്ച്ച രാത്രി 11.30-ന് അപ്പോളോ ഹോസ്പിറ്റലിൽ വെച്ചായിരുന്നു ജയലളിതയുടെ മരണം.ചൊവ്വാഴ്ച്ച പുലർച്ചെ തന്നെ ജയലളിതയുടെ ഔദ്യോഗിക വസതിയായ പോയസ് ഗാർഡനിൽ മൃതദേഹം എത്തിച്ചിരുന്നു.പിന്നീട് രാജാജി ഹാളിൽ പൊതുദർശനത്തിനു വെച്ചു.
ചെന്നൈ:ചെന്നൈ: തിങ്കളാഴച രാത്രി 11:30 ന് തമിഴ് മക്കളുടെ പ്രാർത്ഥനകൾ വിഫലമാക്കി കൊണ്ട് തമിഴ്നാട് മുഖ്യമന്ത്രി കുമാരി ജയലളിത യാത്രയായി. ചെന്നൈയിലെ അപ്പോളോ ആശുപത്രിയിൽ വെച്ചായിരുന്നു അന്ത്യം. തിങ്കളാഴച വൈകുന്നേരത്തോടെ ചില സ്വകാര്യ തമിഴ് ചാനലുകളിൽ ജയലളിത മരിച്ചെന്ന വാർത്ത നൽകിയരുന്നു. തുടർന്ന് തമിഴ്നാടിന്റെ വിവിധ ഭാഗങ്ങളിൽ ചെറിയ രീതിയിലുള്ള അക്രമങ്ങൾ ഉണ്ടാവുകയും അപ്പോളോ ആശുപത്രിക്ക് നേരെ കല്ലേറ് ഉണ്ടാവുകയും ചെയ്തിരുന്നു. രാത്രിയോടെ ആശുപത്രി അധികൃതർ ജയലളിതയുടെ മരണവാർത്ത നിഷേധിച്ച് ട്വീറ്റ് ചെയ്തതിനെ തുടർന്ന് അക്രമസംഭവങ്ങൾ കുറഞ്ഞിരുന്നു.
അപ്പോളോ ഹോസ്പിറ്റൽ സ്റ്റേറ്റ്മെന്റ്
തമിഴനാടിന്റെ എല്ലാ ഭാഗത്തും കടകൾ അടഞ്ഞ് തന്നെയാണ് കിടക്കുന്നത്. സ്വകാര്യ വാഹനങ്ങൾ ഒന്നും തന്നെ റോഡിലിറങ്ങിയില്ല. അമ്മയുടെ മരണം തമിഴ് നാട് രാഷ്ട്രീയാതീതമായി ഒരു ദു:ഖമായി മാറിയ നിലയിലാണ് ഇപ്പോഴത്തെ സ്ഥിതി.
രാജാജി ഹാളിൽ പൊതുദർശനത്തിന് വച്ചിരിക്കുന്ന ദൗതീക ശരീരത്തിൽ അന്തിമോപചാരം അർപ്പിക്കുവാൻ വിവിധ തുറകളിലെ പ്രമുഖ വ്യക്തികളുടെ നീണ്ട നിര തന്നെ മൗണ്ട് റോഡിൽ കാത്തു നിൽകുകയാണ്.
സെപ്റ്റംബർ 22-ന് പനിയെ തുടർന്ന് അഡ്മിറ്റായ അവർ സുഖം പ്രാപിച്ചു വരികയാണെന്ന അപ്പോളോ ഹോസ്പിറ്റൽ ഞായറാഴ്ച്ച പറഞ്ഞിരുന്നു. ഇത് മണിക്കൂറുകൾക്കു ശേ ഹൃദയ സ്തംഭനം സംഭവിചച്ചു.ഇതോടെ അവർ ഗുരുതരാവസ്ഥയിൽ ആയിരുന്നു.
പിന്നീട് കൃതിമ ഉപകരണങ്ങൾ വെച്ചായിരുന്നു വിദഗ്ധ ഡോക്ടർമാർ അവരെ പരിചരിച്ചത്‌.എയിമ്സ് ഹോസ്പിറ്റലിൽ നിന്നും ഡോക്ടർമാർ ചെന്നൈയിൽ എത്തിയിരുന്നു.എന്നിട്ടും അവരുടെ ജീവൻ നിലനിർത്താൻ ആയില്ല.
ജയലളിതയുടെ ജീവന് വേണ്ടി പ്രാത്ഥിച്ചു കൊണ്ട് ആയിരങ്ങൾ ഹോസ്പിറ്റലിന് മുന്നിൽ ഉണ്ടായിരുന്നു.എല്ലാവരെയും കണ്ണീരിലാഴ്ത്തി ജയലളിത വിട പറഞ്ഞു.
ചെന്നൈ:തമിഴ്നാട് മുഖ്യമന്ത്രി ജയലളിത ഗുരുതരാവസ്ഥയിൽ.ഇസിഎംഒയും മറ്റു മാർഗങ്ങളും ഉപയോഗിച്ച് ഡോക്ടർമാർ അവരുടെ ജീവൻ നിലനിർത്താൻ ഇപ്പോൾ കഷ്ടപ്പെയുകായാണ് എന്ന് അപ്പോളോ ഹോസ്പിറ്റലിൽ നിന്നും അറിയിച്ചു.അടിയന്തിര ശസ്ത്രക്രിയ നടത്തിയിട്ടുണ്ടെന്ന് ഒരു പാർട്ടി വക്താവ് അറിയിച്ചു.ഏത് സാഹചര്യത്തെയും നേരിടാൻ തയ്യാറായിരിക്കണം എന്ന് തമിഴ്നാട് പോലീസിനെ ഡിജിപി നിർദ്ദേശിച്ചു.
എയിമ്സിൽ നിന്നുമുള്ള വിദഗ്‌ദ്ധ സംഘം ചെന്നൈയിൽ എത്തിയിട്ടുണ്ട്.ജയലളിതയുടെ വസതിയായ പോയസ് ഗാർഡനിൽ വൻ സുരക്ഷയാണ് ഏർപ്പെടുത്തിയിരിക്കുന്നത്.
ജനങ്ങൾ അവരുടെ ജീവന് വേണ്ടി പ്രാർത്ഥനയിലാണ്.തമിഴ്നാട് ഗവർണർ വിദ്യാസാഗർ റാവു ഹോസ്പിറ്റലിൽ വന്നു സുഖ വിവരം അന്വേഷിച്ചു.
പ്രസിഡന്റ് പ്രാണഭ് മുഖർജി,ഡിഎംകെ നേതാവ് എം കരുണാനിധി,അവരുടെ മകനും എതിർ പാർട്ടി നേതാവുമായ കെ സ്റ്റാലിൻ,കോൺഗ്രസ് നേതാവ് രാഹുൽ ഗാന്ധി എന്നിവർ ദുഃഖം രേഖപ്പെടുത്തി,എത്രയും പെട്ടെന്നു അവർ സുഖം പ്രാപിക്കട്ടെ എന്ന് പ്രാർത്ഥിച്ചു.
ഹൃദയാഘാതം സംഭവിച്ചതായി അപ്പോളോ ഹോസ്പിറ്റലിൽ നിന്നും അറിയിച്ചു.
ചെന്നൈ:രണ്ട് മാസമായി ചികിൽസയിൽ കഴിയുന്ന തമിഴ്നാട് മുഖ്യമന്ത്രി ജയലളിതക്ക് ഇന്ന് വൈകുന്നേരം ഹൃദയാഘാതം സംഭവിച്ചു.ജയലളിത സുഖം പ്രാപിച്ചു എന്ന ഹോസ്പിറ്റലിൽ നിന്നുള്ള പ്രഖ്യാപനം കഴിഞ്ഞു മണിക്കൂറുകൾ കഴിഞ്ഞാണ് ഈ സംഭവം.
സെപ്റ്റംബർ 22-ന് ആയിരുന്നു ജയലളിത അപ്പോളോ ഹോസ്പിറ്റലിൽ അഡ്മിറ്റ് ആകുന്നത്.അവരുടെ ആരോഗ്യ സ്ഥിതി പരിശോധിച്ച ഡോക്ടർ ഇന്ന് പറഞ്ഞത് സുഖം പ്രാപിച്ചു വരുന്നു എന്നാണ്.
ഇപ്പോൾ കാർഡിയോളോജിസ്റ് വിഭാഗം പരിശോധിച്ച് കൊണ്ടിരിക്കുകയാണ്.
