കണ്ണൂർ: ഏഴിമല നാവിക അക്കാദമിയിലെ മലിനീകരണ പ്ലാന്റിന് അനുമതിയില്ലെന്നു കാണിച്ച് സംസ്ഥാന മലിനീകരണ നിയന്ത്രണ ബോർഡ് നോട്ടീസയച്ചു. പ്രദേശ വാസികളുടെ ശക്തമായ എതിർപ്പിനെ തുടർന്നാണ് ഇങ്ങനൊരു നടപടി. പ്ലാന്റിൽ നിന്നുള്ള മലിനജലം കാരണം പ്രദേശ വാസികൾ പകർച്ചവ്യാധി ഉൾപ്പെടെയുള്ള രോഗഭീതിയിലായതോടെയാണ് പ്രതിഷേധം രൂക്ഷമായത്. പ്ലാന്റിന്റെ പ്രവർത്തനം തുടങ്ങി ഒൻപതു വർഷമായിട്ടും അനുമതി ലഭിച്ചിട്ടില്ലെന്നാണ് കണ്ടെത്തൽ.
കണ്ണൂർ: കണ്ണൂരിൽ അന്തർദേശീയ ആയുർവേദ റിസർച്ച് ഇൻസ്റ്റിറ്റ്യൂട്ട് സ്ഥാപിക്കുന്നതിന് മന്ത്രിസഭഅംഗീകാരം നൽകി. 13 ആം പഞ്ചവത്സര പദ്ധതികാലത്താണ് ഈ അംഗീകാരം നൽകിയത്. ഇതുമായി ബന്ധപ്പെട്ട പ്രൊജക്റ്റ് റിപ്പോർട്ട് തയ്യാറാക്കാൻ 50 ലക്ഷം രൂപ കഴിഞ്ഞ ബജറ്റിൽ സംസ്ഥാന സർക്കാർ വകയിരുത്തിയിരുന്നു. പ്രാഥമിക റിപ്പോർട്ട് പൂർത്തിയാക്കിയിട്ടുണ്ട്.
കേന്ദ്ര സംസ്ഥാന സർക്കാരുകളുടെ സഹായത്തോടെ 300 കോടി രൂപയാണ് പദ്ധതിക്ക് ചിലവ് പ്രതീക്ഷിക്കുന്നത്. ജില്ലയിൽ റവന്യൂ വകുപ്പ് കണ്ടെത്തുന്ന സ്ഥലത്തു ഇൻസ്റ്റിറ്റ്യൂട്ട് സ്ഥാപിക്കും. ആധുനിക ജൈവ സാങ്കേതിക വിദ്യയുമായി ആയുർവേദ രംഗത്തെ ബന്ധിപ്പിച്ചുകൊണ്ടുള്ള ഗവേഷണങ്ങൾ പ്രോത്സാഹിപ്പിക്കുക, ആയുർവേദ മരുന്നുകളുടെ അന്താരാഷ്ട നിലവാരം ഉറപ്പു വരുത്തുക തുടങ്ങിയ ലക്ഷ്യങ്ങളോടെയാണ് ഇൻസ്റ്റിറ്റ്യൂട്ട് സ്ഥാപിക്കുക.
ന്യൂഡൽഹി: കേന്ദ്ര തൊഴിൽ മന്ത്രാലയം കഴിഞ്ഞ ദിവസം പുറപ്പെടുവിച്ച ഉത്തരവിലൂടെ വ്യവസായ ശാലകളിലെ വനിതാ ജീവനക്കാരുടടെ പ്രസവ അവധി മുന്നിൽ നിന്ന് 6 മാസമാക്കി. എന്നാൽ പ്രതിമാസം ഇ സ് ഐ വിഹിതമടയ്ക്കുന്ന വനിതാ ജീവനക്കാർക്കുമാത്രമായിരിക്കും ഈ ആനുകൂല്യം ലഭ്യമാകുന്നത്.
അതിനുപുറമെ കുഞ്ഞിനെ ദത്തെടുത്തു വളർത്തുകയോ വാടക ഗര്ഭധാരണം നടത്തിയ മാതാവിൽനിന്നു കുഞ്ഞിനെ ഏറ്റെടുത്തു വളർത്തുകയോ ചെയ്യുന്ന വനിതകളായ തൊഴിലാളികൾക്ക് മുന്ന് മാസം പ്രസവ അവധി നൽകാനും മന്ത്രാലയം അനുമതി തന്നിട്ടുണ്ട്.
കൊച്ചി: നടിയെ ആക്രമിച്ച കേസിലെ പ്രധാന പ്രതി പൾസർ സുനി എറണാകുളം എ സി ജെ എം കോടതിയിൽ കീഴടങ്ങാനെത്തിയപ്പോൾ പോലീസ് നാടകീയമായി അറസ്റ് ചെയ്തു. ഉച്ചഭക്ഷണ സമയത്താണ് സുനിയും കൂട്ടാളി ബിജീഷും കോടതിയിൽ കീഴടങ്ങാനെത്തിയത്. കോടതിയിൽ കീഴടങ്ങുന്നത് തടയാൻ മഫ്ടിയിൽ പോലീസ് ഉണ്ടായിരുന്നെങ്കിലും അവരുടെ കണ്ണ് വെട്ടിച്ച്‌ മതിൽ ചാടിയാണ്‌ ഇരുവരും കോടതി വളപ്പിൽ കയറിയത്.
തികച്ചും നാടകീയമായി പോലീസ് ഇരുവരെയും പിടികൂടി അഭിഭാഷകരും കോടതി ജീവനക്കാരും നോക്കി നിൽക്കേ ബല പ്രയോഗത്തിലൂടെ പോലീസ് വാഹനത്തിൽ കയറ്റി കൊണ്ടുപോവുകയായിരുന്നു. അറസ്റ്റിലായ സുനിയെയും ബിജീഷിനെയും ആലുവ പോലീസ് ക്ലബ്ബിലെത്തിച്ചു. ഉന്നത ഉദ്യോഗസ്ഥരടക്കം പ്രതികളെ ചോദ്യം ചെയ്യുകയാണ്.
ന്യൂഡൽഹി: നിലവിൽ ജിയോ ഉപഭോക്താക്കൾക്ക് ലഭ്യമായിരുന്ന സൗജന്യ വോയിസ് കോളുകളും ഇന്റർനെറ്റ് പാക്കേജുകളും ഏപ്രിൽ ഒന്നോടെ അവസാനിക്കാനിരിക്കെ വരിക്കാർക്ക് ഉദാര നിരക്ക് പ്രഖ്യാപിച്ച് ചെയർമാൻ മുകേഷ് അംബാനി. ഇപ്പോൾ ജിയോ നൽകുന്ന എല്ലാ ഓഫറുകളും തുടർന്നും ലഭിക്കാൻ ഒരു മാസം 303 രൂപ നൽകണം. കൂടാതെ 99 രൂപ വൺ ടൈം ജോയ്‌നിങ് ഫീ ആയും നൽകണം.
ടെലികോം മേഖലയിലെ എല്ലാ സേവന ദാതാക്കളെയും ഞെട്ടിച്ചു കൊണ്ടാണ് ജിയോ ആറു മാസം മുൻപ് രംഗത്ത് വന്നത്. ജിയോ വരിക്കാരുടെ എണ്ണം പത്തുകോടി കടന്നതായി ചെയർമാൻ മുകേഷ് അംബാനി പറഞ്ഞു. രാജ്യത്തെ മാറ്റ് ഏത് സേവന ദാതാക്കളെക്കാളും 4 ജി ബേസ് സ്റ്റേഷനുകൾ ഉള്ളത് ജിയോ യ്ക്കാണെന്നും അംബാനി പറഞ്ഞു.
ന്യൂഡൽഹി :1000 രൂപ നോട്ടുകൾ വീണ്ടും സർക്കാർ പുറത്തിറക്കുമെന്നുള്ള അഭ്യുഹങ്ങൾക്കു വിരാമം. ഇങ്ങനൊരു പദ്ധതി സർക്കാരിനില്ലെന്നു സാമ്പത്തിക കാര്യ സെക്രട്ടറി ശക്തികാന്ത ദാസ്. 500 നും അതിനു താഴെ മൂല്യമുള്ള നോട്ടുകളും ഇറക്കാനാണ് സർക്കാർ പദ്ധതി ഇടുന്നത്. 2016 നവംബർ 8 നാണു 1000 , 500 രൂപ നോട്ടുകൾ പിൻവലിക്കുന്ന കാര്യം കേന്ദ്ര സർക്കാർ പ്രഖ്യാപിക്കുന്നത്.
ചെന്നൈ : അനധികൃത സ്വത്തു സമ്പാദന കേസിൽ 4 വർഷത്തെ തടവിന് സുപ്രീം കോടതി ശിക്ഷിച്ച ശശികലയ്ക് ജയിലിൽ കൂട്ട് കൊടും കുറ്റവാളികൾ. മോഷണത്തിന് വേണ്ടി ആറു സ്ത്രീകളെ സയനേഡ് നൽകി കൊലപ്പെടുത്തിയ സയനേഡ് മല്ലികയായിരുന്നു ശശികലയുടെ തൊട്ടടുത്ത സെല്ലിൽ ഉണ്ടായിരുന്നത്. ജീവപര്യന്തം തടവിന് ശിക്ഷിക്കപ്പെട്ട മല്ലികയെ ശശികലയുടെ സുരക്ഷ കണക്കിലെടുത്തു ജയിൽ മാറ്റി.
തന്നെ ഇപ്പോൾ പാർപ്പിച്ചിരിക്കുന്ന പരപ്പന അഗ്രഹാര ജയിലിൽ സൗകര്യം പോരെന്നു ശശികല നേരത്തെ തന്നെ പരാതി ഉന്നയിച്ചിരുന്നു. ചെന്നൈയിലുള്ള ജയിലിലേക്ക് തന്നെ മാറ്റണമെന്ന് ആവശ്യപ്പെട്ട് ജയിൽ മേധാവികൾക്ക് കത്തെഴുതിയതിനു പിന്നാലെയാണ് സയനേഡ് മല്ലികയെ ജയിൽ മാറ്റിയത്. എങ്കിലും ശശികലയുടെ ആവശ്യം കർണാടക സർക്കാരിന്റെ പരിഗണനയിലാണ്.
ന്യൂഡൽഹി: ആയിരം രൂപയുടെ പുതിയ നോട്ട് ഉടന്‍ പുറത്തിറക്കുമെന്ന് ആര്‍.ബി.ഐ. 1000 രൂപ നോട്ടിന്റെ നിര്‍മാണം നേരത്തെ തന്നെ ആരംഭിച്ചിരുന്നു. ജനുവരിയില്‍ ഇത് പുറത്തിറക്കാനായിരുന്നു ആദ്യം ഉദ്ദേശിച്ചത്. എന്നാൽ പുതിയ നോട്ട് എന്ന് പുറത്തിറക്കുമെന്ന് സ്ഥിരീകരിച്ചിട്ടില്ല. നോട്ട് നിരോധനത്തെ തുടര്‍ന്ന് പിന്‍വലിച്ച 15.44 ലക്ഷം കോടിക്ക് പകരമായാണ് 1000 രൂപയുടെ പുതിയ നോട്ടുകള്‍ കേന്ദ്ര സര്‍ക്കാര്‍ ഇറക്കുന്നത്.
പുതിയ 500ന്റെയും ആയിരത്തിന്റെയും നോട്ടുകള്‍ക്ക് മികച്ച സുരക്ഷ ക്രമീകരണങ്ങളും ഒരു വശത്ത് മംഗള്‍യാന്റെ ചിത്രവും ഉണ്ടായിരുന്നു. അതേസമയം ഫെബ്രുവരി 20 മുതല്‍ സേവിംഗ്‌സ് ബാങ്ക് അക്കൗണ്ടില്‍ നിന്നും ഒരാഴ്ച പിന്‍വലിക്കാവുന്ന പരമാവധി തുക 24000 രൂപയില്‍ നിന്നും 50000 രൂപയാക്കി ആര്‍.ബി.െഎ വര്‍ധിപ്പിച്ചു. മാര്‍ച്ച് 30 ഓടെ തുക പിന്‍വലിക്കുന്നതിനുള്ള എല്ലാ പരിധിയും നീക്കുമെന്നും ആര്‍.ബി.ഐ വൃത്തങ്ങള്‍ അറിയിച്ചു.
കൊച്ചി: യുവനടിയെ തട്ടിക്കൊണ്ടുപോയി പീഡിപ്പിക്കാന്‍ ശ്രമിച്ച കേസില്‍ നിന്ന് നടി പിന്മാറുമെന്ന അഭ്യൂഹങ്ങള്‍ക്ക് വിരാമമിട്ട് ഉറ്റ ബന്ധുവിന്റെ ഫേസ്ബുക് പോസ്റ്റ്. നടിയുടെ മാതാവിന്റെ സഹോദരീ പുത്രനാണ് ഫേസ്ബുക്കിലൂടെ കാര്യം വ്യക്തമാക്കിയത്. പിന്മാറാന്‍ ഉദ്ദേശ്യമുണ്ടായിരുന്നെങ്കില്‍ മുന്നോട്ട് വരില്ലായിരുന്നുവെന്നും പോസ്റ്റില്‍ പറയുന്നു. സാമൂഹമാധ്യമങ്ങളും ചില മാധ്യമങ്ങളും നിറംപിടിപ്പിച്ച കഥകളാണ് എഴുതുന്നത്. നടിയോ മാതാവോ സിനിമാരംഗത്തുള്ളവരുടെ പേരുപറഞ്ഞു എന്ന വാര്‍ത്തകളും ശരിയല്ല. തെറ്റായ വാര്‍ത്തകള്‍ നല്‍കാതിരിക്കേണ്ട ബാധ്യത മാധ്യമങ്ങള്‍ക്കുണ്ടെന്നും പോസ്റ്റ് സൂചിപ്പിക്കുന്നു.
കൊച്ചി: നടിയെ തട്ടിക്കൊണ്ടുപോയി പീഡിപ്പിക്കാന്‍ ശ്രമിച്ച കേസില്‍ മുഖ്യപ്രതി പള്‍സര്‍ സുനിയുടെ മുന്‍കൂര്‍ ജാമ്യാപേക്ഷ പരിഗണിക്കുന്നത് ഹൈക്കോടതി മാര്‍ച്ച് മൂന്നിലേക്ക് മാറ്റിവെച്ചു. നിരപരാധിയായ തങ്ങളെ അനാവശ്യമായി കേസില്‍പെടുത്തിയതാണെന്നും സംഭവത്തില്‍ പങ്കില്ലെന്നും ചൂണ്ടിക്കാട്ടിയാണ് സുനി അടക്കമുള്ള പ്രതികള്‍ ഹരജി നല്‍കിയിരുന്നത്. സര്‍ക്കാര്‍ നിലപാടറിയാനാണ് അപേക്ഷ പരിഗണിക്കുന്നത് മാറ്റിവെച്ചത്