ന്യൂഡല്‍ഹി: നിങ്ങള്‍ക്ക് ഒട്ടേറെ ജോലികളുണ്ടാകും എന്നാല്‍ അതൊന്നും സഭയില്‍ ഹാജരാകാതിരിക്കാനുള്ള കാരണമല്ല. പാര്‍ലമെന്റില്‍ ഉണ്ടാകുക എന്നതാണ് എംപിമാരുടെ പ്രാഥമിക കടമ. പാര്‍ലമെന്റില്‍ നിശ്ചിത അംഗങ്ങള്‍ ഇല്ലാതിരുന്നതിനെ തുടര്‍ന്നാണ് മോദി ഇക്കാര്യത്തില്‍ തന്റെ അനിഷ്ടം തുറന്നു പറഞ്ഞത്. ഒരു നിശ്ചിത എണ്ണം എംപിമാരില്ലെങ്കില്‍ പാര്‍ലമെന്റില്‍ ക്വാറം ബെല്‍ മുഴക്കുകയും എന്നിട്ടും എംപിമാരെത്തിയില്ലെങ്കില്‍ സഭ നിര്‍ത്തിവെയ്ക്കുകയും ചെയ്യും. പാര്‍ലമെന്റില്‍ സ്ഥിരമായി എത്തെണമെന്ന് എംപിമാരോട് മോദി നേരത്തെ തന്നെ പറഞ്ഞിരുന്നു. എന്നാല്‍ ഇതാദ്യമായാണ് അദ്ദേഹം ഇക്കാര്യം കര്‍ശനമായി ആവശ്യപ്പെടുന്നതെന്ന് ബിജെപി നേതാക്കൾ പറഞ്ഞു.
