ഭുവനേശ്വർ: അയോധ്യയിൽ രാമക്ഷേത്രം നിർമിക്കുന്നതിന് അനുകൂലമായ നിരവധി രേഖകൾ ഉണ്ടെന്നു കേന്ദ്ര നിയമ മന്ത്രി രവിശങ്കർ പ്രസാദ്. ഇത് സംബന്ധിച്ച സുപ്രീം കോടതിയുടെ വിധി കാത്തിരിക്കുകയാണെന്നും അദ്ദേഹം വ്യക്തമാക്കി. രാമ ജന്മ ഭൂമിയിൽ ക്ഷേത്രം പണിയുന്നതിന് നിയമപരമായ നിരവധി തെളിവുകൾ ഉണ്ട്.. നിയമ വിദഗ്ധൻ എന്ന നിലയിൽ തനിക്ക് ഈ കാര്യം വ്യക്തമായി പറയാൻ സാധിക്കുമെന്ന് അദ്ദേഹം പറഞ്ഞു. ബി ജെ പി യുടെ ദീർഘ കാലമായുള്ള അജണ്ടയാണ് അയോധ്യയിൽ രാമ ക്ഷേത്രം നിർമിക്കുക എന്നുള്ളത്.
ചെന്നൈ : അണ്ണാ ഡി എം കെ ‘അമ്മ ജെനെറൽ സെക്രട്ടറി ശശികല നടരാജന്റെ അടുത്ത ബന്ധു ടി വി മഹാദേവൻ (47) കുഭകോണത്ത് ക്ഷേത്ര ദര്ശനത്തിനിടെ കുഴഞ്ഞു വീണു മരിച്ചു. ക്ഷേത്ര ദര്ശനത്തിനിടെ നെഞ്ച് വേദന അനുഭവപ്പെട്ടു കുഴഞ്ഞു വീഴുകയായിരുന്നു ഹൃദയാഘാതമാണ് മരണ കാരണം.ശശികലയുടെ മൂത്ത സഹോദരൻ പരേതനായ ഡോ. വിനോദകന്റെ മകനാണ്. ഇന്ന് നടക്കുന്ന സംസ്കാര ചടങ്ങുകൾക്ക് ജയിലിൽ കഴിയുന്ന ശശികല പരോളിന്‌ ശ്രമിക്കുന്നതായുള്ള സ്ഥിരീകരിക്കാത്ത വാർത്ത ഉണ്ട്. എന്നാൽ ശശികല പരോളിന്‌ ശ്രെമിക്കുന്നില്ലെന്നു പാർട്ടി കർണാടക അധ്യക്ഷൻ പുകഴേന്തി അറിയിച്ചു.
ശ്രീനഗര്‍: താന്‍ ഒരിക്കല്‍ പോലും സൈനികര്‍ക്കുനേരെ കല്ലുകളെറിഞ്ഞിട്ടില്ലെന്നും തന്നെ ഒരു കാരണവും കൂടാതെയാണ് സൈന്യം പിടികൂടിയതെന്ന് കശ്മീരില്‍ കല്ലേറു പ്രതിരോധിക്കാന്‍ വാഹനത്തിന് മുന്‍പില്‍ സൈന്യം കെട്ടിയിട്ട യുവാവ്. ഫാറുഖ് അഹ്മദ് ദാര്‍ എന്ന 26കാരനെയാണ് യുവാക്കളുടെ കല്ലേറു ഭയന്ന് ഇന്ത്യന്‍ സൈന്യം ജീപ്പിനു മുന്‍പില്‍ കെട്ടിയിട്ടത്. തയ്യല്‍ക്കാരനായ ഫറൂഖ് താന്‍ ജീവിതത്തില്‍ ഇന്നേവരെ ആരെയും കല്ലുകളെറിഞ്ഞിട്ടില്ലെന്നും ചെറിയ തയ്യല്‍ ജോലിയും, മരപ്പണികളുമെടുത്താണ് ഉപജീവനം നടത്തുന്നതെന്നും മാധ്യമങ്ങളോട് പറഞ്ഞു.
ജീപ്പിനു മുന്നില്‍ കെട്ടിയിട്ട ഫറൂഖിനെ സൈന്യം നാല് മണിക്കൂറോളം സോനപ്പാ, നജന്‍, ചകപോറാ, റാവല്‍പോറാ, അരിസല്‍ എന്നീ കശ്മീര്‍ പ്രദേശങ്ങളിലൂടെ വാഹനത്തില്‍ പരേഡ് നടത്തുകയായിരുന്നു. ഏപ്രില്‍ ഒമ്പതിന് നടന്ന സംഭവത്തിനെതിരെ താന്‍ ഇതുവരെ പരാതി നല്‍കിയിട്ടില്ലെന്നും, അതിന് മുതിരാന്‍ തനിക്ക് പേടിയാണെന്നും ഫറൂഖ് പറഞ്ഞു. “തങ്ങള്‍ പാവപ്പെട്ടവരാണ്, പരാതിപ്പെട്ടിട്ട് പരാതിപ്പെട്ടിട്ട് കാര്യമുണ്ടെന്ന് കരുതുന്നില്ല”, ആസ്തമ രോഗബാധിതയായ തന്റെ മാതാവിന് താങ്ങായി മറ്റാരും ഇല്ലെന്നും ഫറൂഖ് പറഞ്ഞു.
ലക്നൗ: അംബേദ്കര്‍ ജന്മദിനത്തില്‍ പൊതുഅവധി സംബന്ധിച്ച് പുത്തന്‍ തീരുമാനം കൈകൊണ്ട് യോഗി ആദിത്യനാഥ് സര്‍ക്കാര്‍. മഹദ് വ്യക്തികളുടെ ജന്മ, ചരമ വാര്‍ഷികങ്ങള്‍ക്ക് സ്‌കൂളുകള്‍ക്ക് നല്‍കാറുള്ള അവധികള്‍ എടുത്ത് മാറ്റിയാണ് ആദിത്യനാഥ് സര്‍ക്കാര്‍ തീരുമാനം നടപ്പിലാക്കിയിരിക്കുന്നത്. ഇത്തരം പ്രത്യേക ദിവസങ്ങളില്‍ സ്‌കൂളുകള്‍ക്ക് അവധി നല്‍കുന്ന പ്രവണത അവസാനിപ്പിക്കണമെന്ന് ആദിത്യനാഥ് പറഞ്ഞു.
ലക്‌നൗവിലെ അംബേദ്ക്കര്‍ മഹാസഭ ക്യാംപസിനെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. സര്‍ക്കാരിന്റെ ഈ പുതിയ തീരുമാനത്തോട് പലര്‍ക്കും എതിര്‍പ്പുകളുണ്ടാകുമെന്ന് അറിയാമെന്ന് പറഞ്ഞ മുഖ്യമന്ത്രി, മഹദ് വ്യക്തികളുടെ ഓര്‍മ്മദിവസങ്ങളില്‍ സ്‌കൂളുകള്‍ക്ക് അവധി നല്‍കുന്നത് വിദ്യാര്‍ത്ഥികളില്‍ അവരെക്കുറിച്ച് അവബോധം സൃഷ്ടിക്കാന്‍ സഹായിക്കില്ലെന്നും, ഞായറാഴ്ച്ച പോലെ ഒരു അവധി ദിവസമായി മാത്രമേ അവര്‍ അതിനെ കാണുകയുള്ളൂ എന്നും വ്യക്തമാക്കി..ഇതിനു പകരമായി കുറഞ്ഞത് രണ്ട് മണിക്കൂര്‍ നീളുന്ന കലാപരിപാടികള്‍ അടക്കമുള്ള വ്യത്യസ്ത പരിപാടികള്‍ അവതരിപ്പിക്കണമെന്നും അദ്ദേഹം പറഞ്ഞു.
ദില്ലി: മതിയായ വരള്‍ച്ചാ ദുരിതാശ്വാസത്തുക ആവശ്യപ്പെട്ട് ജന്തര്‍ മന്തറില്‍ സമരം ചെയ്യുന്ന തമിഴ്‌നാട്ടിലെ കര്‍ഷകര്‍ സാരിയുടുത്തു പ്രതിഷേധിച്ചു. പ്രധാനമന്ത്രിയുടെ ശ്രദ്ധയാകര്‍ഷിക്കാനാണ് പുതിയ പ്രതിഷേധ വഴികള്‍ തേടുന്നത്. ജന്തര്‍ മന്തറില്‍ തെരുവുനാടകം കളിച്ചു. സാരിയുടുത്തവര്‍, നരേന്ദ്രമോദിയായി കസേരയിലിരിക്കുന്ന കര്‍ഷകന് പരാതി കൊണ്ടുചെന്ന് കൊടുത്തു. പൊട്ടും നെറ്റിയില്‍ സിന്ദൂരവും അണിഞ്ഞ് സ്വന്തം ഭാര്യമാരുടെ അവതാരമായാണ് എത്തിയത് എന്ന് അവരില്‍ ചിലര്‍ പറഞ്ഞു.
കര്‍ഷകരുടെ കാര്യത്തില്‍ എന്ത് തീരുമാനമെടുത്തുവെന്ന് അറിയിക്കണമെന്ന് സുപ്രിം കോടതി തമിഴ്‌നാട് സര്‍ക്കാരിനോട് ആവശ്യപ്പെട്ടു.രണ്ടാഴ്ചയ്ക്കകം മറുപടി സമര്‍പ്പിക്കണം. സഹകരണ ബാങ്കുകളില്‍ നിന്നെടുത്ത കടങ്ങളെല്ലാം എഴുതിത്തള്ളണമെന്ന് സുപ്രിം കോടതി മദ്രാസ് ഹൈക്കോടതിയോട് ആവശ്യപ്പെട്ടിരുന്നു.സമരം തുടങ്ങിയിട്ട് ഇത്ര ദിവസമായിട്ടും ഇതുവരെ പ്രധാനമന്ത്രി ഇവരെ കാണാന്‍ കൂട്ടാക്കിയില്ല.ഒരു കൂടിക്കാഴ്ച തീരുമാനിച്ചുറപ്പിച്ചെങ്കിലും അത് നടക്കില്ലെന്ന് പ്രധാനമന്ത്രിയുടെ ഓഫീസ് അറിയിക്കുകയായിരുന്നു. അതില്‍ പ്രതിഷേധിച്ചാണ് കര്‍ഷകര്‍ പ്രധാനമന്ത്രിയുടെ ഓഫീസിനടുത്ത് നഗ്നരായി ഓടിയത്.
ഇന്ന് അംബേദ്കര്‍ ജയന്തി. Educate, Agitate, Organize (പഠിക്കുക, പോരാടുക, സംഘടിക്കുക) എന്നീ മുദ്രാവാക്യങ്ങളാണ് അംബേദ്കര്‍ ലോകത്തിന് നല്‍കിയത്. ഹിന്ദുത്വത്തിനും ബ്രാഹ്മണ്യത്തിനുമെതിരെ സംസാരിക്കുമ്പോള്‍ അംബേദ്കര്‍ ഭീഷണികളെ ഭയന്നിരുന്നില്ല. അപഹസിക്കപ്പെട്ടുകൊണ്ട് ഹിന്ദുമതത്തില്‍ തുടരുക ബുദ്ധിമുട്ടാണെന്ന് തിരിച്ചറിഞ്ഞു. ഹിന്ദുമതത്തിലാണ് ജനിച്ചതെങ്കിലും ഹിന്ദുമതത്തില്‍ തുടരാന്‍ തയ്യാറല്ലെന്നും അറിയിച്ചുകൊണ്ട് ബുദ്ധമതം സ്വീകരിച്ചതോടെ, ബുദ്ധമതം അധസ്ഥിതരെ ഉള്‍ക്കൊള്ളുന്ന മതമാണെന്ന തിരിച്ചറിവോടെ ‘പ്രബുദ്ധരാകുക’ എന്ന ആശയവും നടപ്പിലാക്കാന്‍ അംബേദ്കറിന് കഴിഞ്ഞു.
ഹിന്ദു ദേശീയതയെ നേരിടാന്‍ ശക്തമായ പ്രത്യയശാസ്ത്രമാണ് അംബേദ്കര്‍ മുന്നോട്ടുവെച്ചത്. ജീവന് യാതൊരുറപ്പുമില്ലാതെ ദലിതര്‍ ഭയത്തില്‍ ജീവിക്കുന്ന ഇന്ത്യയില്‍ ആത്മഹത്യ ചെയ്യേണ്ടിവന്ന രോഹിത് വെമുല സ്വപ്‌നം കണ്ടത് അംബേദ്കര്‍ വിഭാവനം ചെയ്ത ലോകമാണ്. രോഹിത് തുടങ്ങിവെച്ച മുന്നേറ്റം ഇപ്പോഴും അധസ്ഥിതവിഭാഗങ്ങളെ സ്വാഭിമാനത്തെപ്പറ്റി ഓര്‍മിപ്പിച്ചുകൊണ്ട് മുന്നേറുകയാണ്.
ന്യൂഡല്‍ഹി: പണ്ഡിറ്റ് ജവഹര്‍ലാല്‍ നെഹ്രു തുടങ്ങിവച്ച പഞ്ചവത്സര പദ്ധതി അവസാനിക്കുന്നു. ആസൂത്രണ കമ്മീഷന് പകരം സര്‍ക്കാര്‍ കൊണ്ടുവന്ന നീതി ആയോഗിന്റെ ഗവേണിങ് കൗണ്‍സില്‍ യോഗം ത്രിവത്സര പദ്ധതിക്ക്(2017-2020) വൈകാതെ അംഗീകാരം നല്‍കും.പന്ത്രണ്ടാം പഞ്ചവത്സര പദ്ധതിയുടെ കാലാവധി ഈ മാര്‍ച്ച് 31 ന് അവസാനിക്കും.
ന്യൂഡല്‍ഹി: കോണ്‍ഗ്രസ് സംഘടനാ തിരഞ്ഞെടുപ്പ് തിയതി പ്രഖ്യാപിച്ചു. മെയ് 15നകം അംഗ്വത വിതരണവും പൂര്‍ത്തിയാക്കും. ഒക്ടോബറിനകം കോണ്‍ഗ്രസ് സംഘടന തിരഞ്ഞെടുപ്പ് നടത്താന്‍ ആണ് തീരുമാനം. സുദര്‍ശന്‍ നാച്ചിയപ്പനാണ് കേരളത്തിന്റെ തിരഞ്ഞെടുപ്പ് ചുമതല. ബൂത്ത് മുതല്‍ എഐസിസി അധ്യക്ഷപദവി വരെയുള്ള സ്ഥാനങ്ങളില്‍ തിരഞ്ഞെടുപ്പ് നടത്താനാണ് കോൺഗ്രസിന്റെ തീരുമാനം. തിരഞ്ഞെടുപ്പ് പൂര്‍ത്തിയാകുന്നതോടെ രാഹുല്‍ ഗാന്ധി അധ്യക്ഷ സ്ഥാനം ഏറ്റെടുക്കും.
ചെന്നൈ: സൗന്ദര്യമില്ലെന്നാരോപിച്ച് നവവധു ഭര്‍ത്താവിനെ അമ്മിക്കല്ലുകൊണ്ട് തലയ്ക്കടിച്ചുകൊന്നു. തമിഴ്‌നാട്ടിലെ കടലൂര്‍ ജില്ലയിലാണ് സംഭവം. ഒരാഴ്ച മുൻമ്പാണ് ഇവരുടെ വിവാഹം നടന്നത്. കൊല നടത്തിയശേഷം പോലീസ് സ്റ്റേഷനിലെത്തിയ യുവതി തന്റെ ഭര്‍ത്താവിനെ ആരോ കൊന്നുവെന്നും അന്വേഷണം നടത്തണമെന്നും ആവശ്യപ്പെട്ടു. എന്നാല്‍, അന്വേഷണത്തില്‍ ഭാര്യതന്നെയാണ് കൊല നടത്തിയതെന്ന് വ്യക്തമാവുകയും യുവതിയെ അറസ്റുചെയുകയും ചെയ്തു. ഭര്‍ത്താവ് കാണാന്‍ സുന്ദരനല്ലെന്നും തനിക്കുയോജിച്ചതല്ലെന്നും ബന്ധുക്കളും സുഹൃത്തുക്കളും പരിഹസിച്ചതിനെത്തുടര്‍ന്നാണ് യുവതി കൊലപാതകം നടത്തിയതെന്ന് പോലീസ് പറഞ്ഞു.
ദില്ലി: ചാരനെന്ന് ആരോപിച്ച് ഇന്ത്യന്‍ നാവികസേന മുന്‍ ഉദ്യോഗസ്ഥന്‍ കുല്‍ഭൂഷണ്‍ യാദവിന് വധശിക്ഷ വിധിച്ച പാകിസ്താന്‍ നടപടിക്കെതിരെ പ്രസ്താവന തയ്യാറാക്കുന്നതിന് കോണ്‍ഗ്രസ് നേതാവ് ശശി തരൂരിന്റെ സഹായം തേടി വിദേശകാര്യ മന്ത്രി സുഷ്മ സ്വരാജ്. ഇന്ത്യയിലെ മുഴുവന്‍ പേരെയും ബാധിക്കുന്ന വിഷയമാണിതെന്ന് ശശി തരൂര്‍ പ്രതികരിച്ചു.
ഇന്ത്യയിലെ എല്ലാ പാര്‍ട്ടികളും ഒന്നിച്ചുനില്‍ക്കണമെന്നും വിഷയം ഐക്യരാഷ്ട്രസഭയില്‍ ഉന്നയിക്കണമെന്നും ബിജെഡി എം പി ജെ പാണ്ഡെ ആവശ്യപ്പെട്ടു. കുല്‍ഭൂഷണ്‍ യാദവിനെ രക്ഷിക്കേണ്ടത് നമ്മുടെ കൂട്ടായ ഉത്തരവാദിത്തമാണെന്നാണ് ഹൈദരാബാദില്‍ നിന്നുള്ള എം പിയായ അസദുദ്ദീന്‍ ഒവൈസി പറഞ്ഞു. പാകിസ്താന്‍ നടപടിയില്‍ എംപിമാര്‍ ഒന്നടങ്കം പാര്‍ലമെന്റില്‍ പ്രതിഷേധമറിയിച്ചു.
കഴിഞ്ഞ വര്‍ഷം മാര്‍ച്ചിലാണ് 46 കാരനായ മുന്‍ നാവികസേന ഉദ്യോഗസ്ഥാന്‍ കുല്‍ഭൂഷണ്‍ യാദവ് ചാരപ്രവര്‍ത്തി ആരോപിക്കപ്പെട്ട് പാകിസ്താനില്‍ പിടിയിലായത്. ഇന്ത്യന്‍ രഹസ്യാന്വേഷണ ഏജന്‍സിയായ റോയുടെ ഉദ്യോഗസ്ഥനാണ് കുല്‍ഭൂഷണ്‍ എന്നാണ് പാകിസ്താന്‍ ആരോപണം