India

ബെംഗളൂരു:ബെംഗളൂരുവിൽ ഒൻപതു വയസ്സുകാരിയെ അമ്മ കെട്ടിടത്തിന് മുകളിൽ നിന്നും താഴേക്കെറിഞ്ഞു കൊന്നു.ബെംഗളൂരു ജെ.പി നഗറിൽ താമസിക്കുന്ന സ്വാതി സർക്കാർ എന്ന യുവതിയാണ് മകളായ അഷിക സർക്കാരിനെ കൊലപ്പെടുത്തിയത്.സംഭവവുമായി ബന്ധപ്പെട്ട് സ്വാതിയെ പോലീസ് കസ്റ്റഡിയിലെടുത്തു.കുട്ടിയെ താഴേക്ക് വലിച്ചെറിഞ്ഞ ഇവർ താഴെയിറങ്ങി രക്തത്തിൽ കുളിച്ചു കിടക്കുന്ന കുട്ടിയെ മുകളിലേക്ക് കൊണ്ടുപോയി വീണ്ടും വലിച്ചെറിയുകയായിരുന്നു.സംഭവത്തിന് ശേഷം രക്ഷപെടാൻ  ശ്രമിച്ച സ്വാതിയെ നാട്ടുകാർ ചേർന്ന് കെട്ടിയിടുകയായിരുന്നു.സംഭവത്തെ കുറിച്ച് ചോദിച്ച പോലീസുകാരുടെ ഇവർ തട്ടിക്കയറി.തന്റെ മകളെ എന്തും ചെയ്യാനുള്ള അവകാശം തനിക്കുണ്ടെന്നും അത് ചോദിയ്ക്കാൻ നിങ്ങൾക്ക് എന്ത് അധികാരമാണുള്ളതെന്നും ഇവർ പോലീസിനോട് ചോദിച്ചു.ഇവർ മുൻപും കുട്ടിയെ കെട്ടിടത്തിന് മുകളിൽ നിന്നും വലിച്ചെറിയാൻ ശ്രമിച്ചിട്ടുണ്ടെന്നു അയൽവാസികൾ പറഞ്ഞു.

കർണാടക:നഗരത്തില്‍ കെട്ടി കിടന്ന രാസമാലിന്യം കലര്‍ന്ന വെള്ളം കുടിച്ച് 34 ആടുകള്‍ ചത്തു.  കര്‍ണാടകയിലെ നൃപതുംഗ നഗരത്തില്‍ ഞായറാഴ്ച ആയിരുന്നു സംഭവം. പ്രദേശത്ത് കെട്ടിക്കിടന്ന മഴവെള്ളം ചെളിക്കുഴിയില്‍ നിന്ന് ആട്ടിന്‍കൂട്ടം കുടിച്ചതോടെയാണ് സംഭവങ്ങളുടെ തുടക്കം.വെള്ളം കുടിച്ചതിനു പിന്നാലെ ആട്ടിന്‍ കൂട്ടം വിറയ്ക്കുകയും നിലത്തു വീഴുകയുമായിരുന്നു. മൃഗസംരക്ഷണ വിഭാഗം നടത്തിയ പരിശോധനയില്‍ കെട്ടിക്കിടന്ന മഴവെള്ളത്തില്‍ നിന്ന് രാസ വിഷമാലിന്യം കലര്‍ന്നിട്ടുണ്ടെന്ന് വ്യക്തമായി. സംഭവത്തെക്കുറിച്ചുള്ള അന്വേഷണം പുരോഗമിക്കുകയാണെന്നും ആട്ടിന്‍കൂട്ടത്തിന്റെ രക്തം ഫോറന്‍സിക് പരിശോധനയ്ക്ക് അയച്ചിട്ടുണ്ടെന്നും മൃഗ സംരക്ഷണ വിഭാഗ ഡെപ്യൂട്ടി ഡയറക്ടര്‍ നാംദേവ് റാത്തോഡ് അറിയിച്ചു.

ചണ്ഡീഗഢ്:ബലാൽസംഗ കേസിൽ അറസ്റ്റിലായ ഗുർമീത് സിംഗിന്റെ വിധി അൽപ സമയത്തിനകം പ്രഖ്യാപിക്കും.ഇതിനിടെ കോടതിയിൽ വാദത്തിനിടെ ഗുർമീത് സിംഗ് മാപ്പപേക്ഷിക്കുകയും പൊട്ടിക്കരയുകയും ചെയ്തു.കനത്ത സുരക്ഷയിൽ സൈന്യത്തിന്റെയും പോലീസിന്റെയും സുരക്ഷാ വലയത്തിൽ റോഹ്ത്തക്കിലെ സുനാരിയ ജയിലിനകത്ത് തീർത്ത താൽക്കാലിക കോടതിയിലാണ് വാദം നടക്കുന്നത്.ഗുർമീതിന് പരമാവധി ശിക്ഷ നൽകണമെന്ന് സിബിഐ കോടതിയിൽ ആവശ്യപ്പെട്ടു.എന്നാൽ ഗുർമീത് സാമൂഹ്യപ്രവർത്തകനാണെന്നും ശിക്ഷയിൽ ഇളവ് നല്കണമെന്നുമായിരുന്നു ഗുർമീതിന്റെ അഭിഭാഷകന്റെ വാദം.

ശ്രീനഗർ:ജമ്മുകശ്മീരിൽ ഭീകരാക്രമണത്തിൽ മൂന്ന് സുരക്ഷാ ജീവനക്കാർ കൊല്ലപ്പെട്ടു.കശ്മീരിലെ പുൽവാമ ജില്ലയിലാണ് ആക്രമണമുണ്ടായത്.ഒരു പോലീസ് ഉദ്യോഗസ്ഥനും രണ്ട് സിആർപിഎഫ് ജവാന്മാരുമാണ് മരിച്ചത്.അഞ്ചു സുരക്ഷാ ഉദ്യോഗസ്ഥർക്ക് പരിക്കേറ്റിട്ടുണ്ട്.ഇന്ന് പുലർച്ചെ മാരകായുധങ്ങളുമായി എത്തിയ മൂന്നു തീവ്രവാദികൾ പോലീസ് ,സിആർപിഎഫ് ജീവനക്കാരുടെ കോംപ്ലക്സിലേക്ക് വെടിയുതിർക്കുകയായിരുന്നു.ഭീകരർ കെട്ടിടത്തിനുള്ളിലേക്ക് കയറിയിട്ടുണ്ടെന്ന സംശയത്തെ തുടർന്ന് സമീപവാസികളെയും മറ്റും മാറ്റി താമസിപ്പിച്ചിട്ടുണ്ട്. ഭീകരരെ കണ്ടെത്താനുള്ള ഓപ്പറേഷൻ തുടരുകയാണെന്നാണ് റിപ്പോർട്ടുകൾ.