മൊഹാലി:മുതിർന്ന മാധ്യമപ്രവർത്തകനെയും അമ്മയെയും കൊല്ലപ്പെട്ടനിലയിൽ കണ്ടത്തി.കെ.ജെ സിങ്ങിനെയും അമ്മ ഗുരുചരൺ കൗറിനെയുമാണ്(92) മൊഹാലിയിലെ താമസ സ്ഥലത്ത് കൊല്ലപ്പെട്ട നിലയിൽ കണ്ടെത്തിയത്.കഴുത്ത് മുറിച്ച നിലയിലായിരുന്നു കെ.ജെ സിംഗിന്റെ മൃതദേഹം.ഗുരുചരൻ കൗറിനെയും കഴുത്ത് ഞെരിച്ച് കൊലപ്പെടുത്തിയതാണെന്ന് സംശയിക്കുന്നു.ഇന്ത്യൻ എക്സ്പ്രസ്,ദി ട്രിബ്യുൻ,ടൈംസ് ഓഫ് ഇന്ത്യ എന്നിവയുടെ ന്യൂസ് എഡിറ്ററായി പ്രവർത്തിച്ചിട്ടുണ്ട് കെ.ജെ സിങ്.ശനിയാഴ്ച ഉച്ചയോടെ വീട്ടിലെത്തിയ ഒരാൾ ഇവരെ വിളിച്ചു നോക്കിയപ്പോൾ കാണാത്തതിനെ തുടർന്ന് അകത്തു കയറി പരിശോധിച്ചപ്പോഴാണ് ഇരുവരെയും മരിച്ച നിലയിൽ കണ്ടത്.വീടിനുള്ളിൽ മോഷണം നടന്നതിന്റെ ലക്ഷണങ്ങൾ ഉള്ളതായും സൂചനയുണ്ട്.സിംഗിന്റെ കാർ കാണാതായതായും പോലീസ് പറഞ്ഞു.പോലീസ് അന്വേഷണം ആരംഭിച്ചിട്ടുണ്ട്.
