India

ന്യൂഡൽഹി:ഇന്ത്യൻ ക്രിക്കറ്റ് താരം മുഹമ്മദ് ഷമിക്കെതിരെ ഭാര്യയുടെ പരാതിയിന്മേൽ ഗാർഹിക പീഡനത്തിന് കേസെടുത്തു.ഗാർഹിക പീഡനത്തിന് പുറമെ ഒത്തുകളിയും സെക്സ് റാക്കറ്റുമായിട്ടുള്ള ബന്ധം വരെയും ഷമിക്കെതിരെ ഭാര്യ ഹാസിൻ ജഹാൻ ആരോപിച്ചിരുന്നു. ഈ പരാതിയിൽ ഷമിക്ക് പുറമെ നാല് കുടുംബാംഗങ്ങൾക്കെതിരെയും കേസ് എടുത്തിട്ടുണ്ട്. ഷമിക്കെതിരെ വ്യാഴാഴ്ചയാണ് ഭാര്യ കൊൽക്കത്ത പോലീസിൽ പരാതി നൽകിയത്.ഷമിക്ക് മറ്റുസ്ത്രീകളുമായുള്ള ബന്ധത്തിന്റെ തെളിവായി ചാറ്റ് സന്ദേശങ്ങളുടെ സ്ക്രീൻ ഷോട്ടുകളും ഹാസിൻ പുറത്തുവിട്ടിരുന്നു. ഷമിക്ക് ഒരു പാക്കിസ്ഥാൻകാരി അടക്കം നിരവധി സ്ത്രീകളുമായി ബന്ധമുണ്ടെന്ന് ആരോപിച്ചാണ് ഹാസിൻ രംഗത്തുവന്നത്.ഷമി സെക്സ് റാക്കറ്റിന്റെ ഭാഗമാണെന്നും സെക്സ് റാക്കറ്റിനു വേണ്ടി ക്രിക്കറ്റിൽ ഒത്തുകളി നടത്താറുണ്ടെന്നും ഭാര്യ ആരോപിച്ചിരുന്നു.ഷമിക്ക് സ്ത്രീകളെ എത്തിച്ചുകൊടുക്കുന്ന രണ്ടുപേരുണ്ട്. കുല്‍ദീപ്, മമൂദ് ഭായി എന്നിവരാണ് അവര്‍. ഇവര്‍ അന്താരാഷ്ട്ര സെക്‌സ് റാക്കറ്റുമായി ബന്ധമുള്ളവരാണ്. ഇതുവഴി ഷമിയും സെക്‌സ് റാക്കറ്റുമായി ബന്ധപ്പെടാറുണ്ടെന്ന് ഹസിന്‍ ജഹാന്റെ അഭിഭാഷകനായ സാക്കിര്‍ ഹുസൈൻ പറഞ്ഞു.പാകിസ്താന്‍ യുവതിയുമായി ഷമിക്ക് കുറച്ചു കാലമായി അടുപ്പമുണ്ട്. ഇരുവരും പ്രണയത്തിലാണ്. ഇവരെ വിവാഹം കഴിക്കാന്‍ ഷമി ആഗ്രഹിച്ചിരുന്നു. ഇത് ഹസിന്‍ ജഹാന്‍ അറിഞ്ഞിരുന്നുവെന്നും അതാണ് ഇപ്പോള്‍ എല്ലാ കാര്യങ്ങളും പുറത്തുവരാന്‍ ഇടയാക്കിയതെന്നും സാക്കിര്‍ വ്യക്തമാക്കി.

ബെംഗളൂരു:കർണാടകയിൽ ലോകായുക്ത ജഡ്ജിക്ക് കുത്തേറ്റു.ഇന്ന് ബംഗളൂരുവിലെ ഓഫീസിൽവച്ചാണ് ലോകയുക്ത ജഡ്ജി വിശ്വനാഥ് ഷെട്ടിക്കു നേരെ ആക്രമണമുണ്ടായത്. തേജസ് ശർമയെന്ന ആൾ ഓഫീസിൽ അതിക്രമിച്ചു കയറി ഷെട്ടിയെ കുത്തി പരിക്കേൽപ്പിക്കുകയായിരുന്നു.ആക്രമണത്തിൽ ഗുരുതരമായി പരിക്കേറ്റ ഷെട്ടിയെ മല്യ ആശുപത്രിയിൽ പ്രവേശിപ്പിച്ചിരിക്കുകയാണ്.ജഡ്ജിയുടെ ആരോഗ്യനിലയിൽ ആശങ്കപ്പെടാനില്ലെന്ന് ആഭ്യന്തരമന്ത്രി രാമലിംഗ റെഡ്ഡി അറിയിച്ചു.തേജസ് ശർമയെ പിടികൂടിയെന്നും ഇയാൾക്കെതിരേ നിരവധി കേസുകൾ നിലവിലുണ്ടെന്നും പോലീസ് അറിയിച്ചു. ലോകായുക്ത കൈകാര്യം ചെയ്യുന്ന ഒരു കേസിൽ ഇയാൾ പ്രതിയാണെന്നും പോലീസ് അറിയിച്ചു.അതേസമയം സംഭവത്തിൽ സർക്കാരിനെതിരേ രൂക്ഷ വിമർശനവുമായി പ്രതിപക്ഷം രംഗത്തെത്തി.വലിയ സുരക്ഷ വീഴ്ചയാണ് ഉണ്ടായിരിക്കുന്നതെന്നും ലോകായുക്ത പോലെയുള്ള സ്ഥാപനങ്ങളെ ഇല്ലാതാക്കാനാണ് കോണ്‍ഗ്രസ് സർക്കാർ ശ്രമിക്കുന്നതെന്ന് ജെഡിഎസ് നേതാവ് എച്ച്.ഡി. ദേവഗൗഡ ആരോപിച്ചു.

ന്യൂഡൽഹി:സർക്കാരിന്റെ വിവിധ സേവനങ്ങളുമായി ആധാർ ബന്ധിപ്പിക്കേണ്ടതിന്റെ അവസാന തീയതി നീട്ടാൻ സാധ്യത.കേന്ദ്രസർക്കാർ സുപ്രീം കോടതിയിലാണ് ഇത് സംബന്ധിച്ച് സൂചന നൽകിയത്. ആധാർ ബന്ധിപ്പിക്കേണ്ട അവസാന തീയതി നീട്ടാൻ സന്നദ്ധമാണെന്ന് സർക്കാർ സുപ്രീംകോടതിയിൽ അറിയിച്ചു. മാർച്ച് 31 ആണ് ആധാർ ബന്ധിപ്പിക്കാനുള്ള അവസാന തീയതി.എന്നാൽ, അതിനുമുമ്പ് കേസിൽ വിധി വരാൻ സാധ്യതയില്ലാത്തതിനാൽ തീയതി നീട്ടിനൽകാൻ തയാറാണെന്ന് ആധാർ നിയമത്തിനെതിരായ ഹർജിയിൽ വാദം കേൾക്കുന്ന ചീഫ് ജസ്റ്റീസ് ദീപക് മിശ്ര അധ്യക്ഷനായ ഭരണഘടന ബെഞ്ചുമുമ്പാകെ അറ്റോണി ജനറൽ കെ.കെ വേണുഗോപാൽ അറിയിച്ചു.സമയപരിധി മാർച്ച് 31ആയതിനാൽ ഹർജി ഉടൻ പരിഗണിക്കണമെന്ന് ഹരജിക്കാർക്കുവേണ്ടി ഹാജരായ ശ്യാം ദിവാൻ ആവശ്യപ്പെട്ടിരുന്നു. എന്നാൽ, അറ്റോണി ജനറലിന്‍റെറ സാന്നിധ്യത്തിൽ ഈ അപേക്ഷ പരിഗണിക്കാമെന്നു കോടതി അറിയിക്കുകയായിരുന്നു. ഹർജിക്കാരുടെ മൂന്ന് അഭിഭാഷകരുടെ വാദം മാത്രമാണ് പൂർത്തിയായത്. അഞ്ചുപേർ കൂടി വാദം അവതരിപ്പിക്കാനുണ്ട്. അതിനുശേഷം കേന്ദ്ര സർക്കാറും മഹാരാഷ്ട്ര, ഗുജറാത്ത് സർക്കാറുകളും ആധാർ ഏജൻസിയും മറുപടി നൽകണം. ഇത് മാർച്ച് 31നകം പൂർത്തിയാകില്ലെന്നാണ് സൂചന.