ന്യൂ ഡൽഹി : മുൻ സി ഐ ജി .വിനോദ് റായിയെ ബിസിസിയുടെ ഇടക്കാല അധ്യക്ഷനായി സുപ്രീം കോടതി നിയമിച്ചു .എഴുത്തുകാരനും ചരിത്രകാരനുമായ രാമചന്ദ്ര ഗുഹ , ഐ ഡി എഫ് സി ബാങ്ക് എം ഡി വിക്രം ലിമയെ ,വനിതാ ക്രിക്കറ്റ് ടീം മുൻ ക്യാപ്റ്റൻ ഡയാന ഈദുൽജി എന്നിവരാണ് ഭരണ സമിതിയിലെ മറ്റു അംഗങ്ങൾ .
ഇടക്കാല ഭരണ സമിതിയിലേക്ക് പേരുകൾ നിർദേശിക്കാൻ സുപ്രീം കോടതി അമിക്കസ് ക്യുറിയെ നിയമിച്ചിരുന്നു. അമിക്കസ് ക്യുറി നിർദേശിച്ച പേരുകളിൽ പലതും 70 വയസ്സിനു മുകളിൽ ഉള്ളവരും ലോധ കമ്മിറ്റിയുടെ നിർദേശങ്ങൾക്ക് പുറത്തുള്ളവരുമായിരുന്നു . ഇതിൽ അതൃപ്തി രേഖപ്പെടുത്തിയ കോടതി ബി സി സി ഐ യോടും കേന്ദ്ര സർക്കാരിനോടും പേരുകൾ നിർദേശിക്കാൻ ആവശ്യപ്പെടുകയായിരുന്നു
തിരുവനന്തപുരം: നാളെയും ഏപ്രിൽ രണ്ടിനുമായി രാജ്യമൊട്ടാകെയുള്ള കുട്ടികൾക്ക് തുള്ളിമരുന്ന് നൽകും. അഞ്ച് വയസ്സിന് തായേ ഉള്ള കുട്ടികൾക്കാണ് പോളിയോ മരുന്ന് നല്കുന്നത്. ആരോഗ്യ കേന്ദ്രങ്ങളിലും മറ്റും തുള്ളി മരുന്ന് നൽകാൻ ഏർപ്പാടാക്കിയിട്ടുണ്ട്.
ഏതാനും വർഷങ്ങൾക്ക് മുൻപ് വരെ ഇന്ത്യയടക്കമുള്ള പല രാജ്യങ്ങളിലും പോളിയോ ബാധിച്ചിരുന്നു. 125 രാജ്യങ്ങളിൽ ബാധിച്ച പകർച്ച വ്യാധി നമ്മുടെ രാജ്യത്തെയും ഭീതിയിലാക്കിയിരുന്നു. എന്നാൽ 2011ന് ശേഷം ഇന്ത്യയിൽ ഒരൊറ്റ പോളിയോ രോഗം പോലും റിപ്പോർട്ട് ചെയ്തില്ല.
പോളിയോ രോഗം ഉണ്ടാക്കുന്ന വന്യ വൈറസ് (വൈൽഡ്‌ വൈറസ്) വസിക്കുന്നത്‌ കുട്ടികളുടെ കുടലിൽ ആണ്. എല്ലാ കുട്ടികൾക്കും ഒരേദിവസം പോളിയോ തുള്ളിമരുന്ന് ലഭിക്കുമ്പോൾ കുട്ടികളുടെ കുടലിൽ വാക്സിൻ വൈറസ് പെരുകുകയും അവ കുടലിലുള്ള വന്യവൈറസുകളെ അന്തരീക്ഷത്തിലേയ്ക്ക്‌ പുറന്തള്ളുകയും തുടർന്ന്‌ വാക്സിൻ വൈറസുകൾ അവയെ നശിപ്പിക്കുകയും ചെയ്യും.
രോഗ പ്രതിരോധ ചികിത്സപട്ടിക പ്രകാരം പോളിയോ വാക്സിൻ വ്യക്തിഗത സംരക്ഷണമാണ്‌ നൽകുന്നതെങ്കിൽ പൾസ്‌ പോളിയോ തുള്ളിമരുന്ന് രോഗാണു സംക്രമണം തടഞ്ഞ്‌ സമൂഹത്തിൽ ഒന്നാകെയുള്ള കുട്ടികളുടെ സംരക്ഷണം ഉറപ്പ്‌ വരുത്തി പോളിയോ രോഗ നിർമാർജ്ജനം സാധ്യമാക്കും.
കേരളത്തിൽ രണ്ടായിരത്തിന്‌ ശേഷം പോളിയോ രോഗം റിപ്പോർട്ട് ചെയ്തിട്ടില്ല. 2011 ൽ പശ്ചിമ ബംഗാളിലെ ഹൗറയിലാണ്‌ ഇന്ത്യയിൽ നിന്നും അവസാനമായി പോളിയോ റിപ്പോർട്ട് ചെയ്തത്‌. എന്നാൽ ഇന്ത്യയുടെ അയൽരാജ്യങ്ങളായ പാകിസ്ഥാൻ അഫ്ഗാനിസ്ഥാൻ, നൈജീരിയ തുടങ്ങിയ രാജ്യങ്ങളിൽ നിന്നും പോളിയോ രോഗം ഇപ്പോഴും റിപ്പോർട്ട് ചെയ്യുന്നുണ്ട്‌. ഈ സാഹചര്യത്തിൽ രോഗവ്യാപനം കണക്കിലെടുത്ത്‌ പൾസ്‌ പോളിയോ പരിപാടി ഇന്ത്യയിൽ ഇത്തവണയും തുടരുകയാണ്‌. പോളിയോ രോഗത്തിന്റെ നിർമാർജനം എന്ന ലക്ഷ്യം കൈവരിച്ച ഭാരതം ആ രോഗത്തിന്റെ പുനപ്രവേശനം തടയാനുള്ള പ്രവർത്തനങ്ങൾ ശക്തമായി നടപ്പിലാക്കേണ്ടതാണ്‌.
ദേശിയ പോളിയോ പൾസ്‌ ഇമ്മ്യൂണസേഷൻ ദിനത്തിൽ ജനിച്ച കുഞ്ഞുങ്ങൾ ഉൾപ്പെടെയുള്ള എല്ലാ നവജാത ശിശുക്കൾക്കും നാളെ പൾസ്‌ പോളിയോ വാക്സിൻ നൽകും.
ഒരു നിരക്കിൽ രണ്ട് ടിക്കറ്റ്: പുതിയ പദ്ധതിയുമായി ജെറ്റ് എയർവേസ്.
ബാംഗ്ളൂർ: ബിസിനസ് ക്ലാസിലെ ഒരു ടിക്കറ്റ് നിരക്കിന് രണ്ട് ടിക്കറ്റ് നൽകാനുള്ള പദ്ധതിയുമായി ജെറ്റ് എയർവേസ്.ഒരേ ഫ്‌ളൈറ്റിൽ ഒന്നിച്ച് യാത്ര ചെയ്യുന്നവർക്കാണ് ഈ ആനുകൂല്യം ലഭിക്കുക.
ഗൾഫിൽ നിന്നും ഇന്ത്യയിലേക്കും സാർക്ക്, ആസിയാൻ രാജ്യങ്ങളിലേക്കും യാത്ര ചെയ്യുന്നവർക്ക് ശനിയാഴ്ച്ച വരെ ഈ ആനുകൂല്യം ലഭ്യമാകും. ഇന്ത്യയിലെ 46 നഗരങ്ങളിലേക്കുള്ള തുടർ യാത്രക്കും ഈ ഇളവ് ലഭ്യമാകും.
ഒരു ഭാഗത്തേക്കുള യാത്രക്കും റിട്ടേൺ യാത്രക്കും ഈ ടിക്കറ്റ് ഉപയോഗിക്കാം. ഒരു വർഷത്തിനുള്ളിൽ ടിക്കറ്റ് ഉപയോഗിച്ചാൽ മതിയെന്നും ജെറ്റ് എയർവേസ് ഗൾഫ് മിഡിൽ ഈസ്റ്റ് ആഫ്രിക്ക വൈസ് പ്രസിഡന്റ് ശകീർ കന്താവാല അറിയിച്ചു.
ഇന്ത്യ ഇംഗ്ലണ്ട് ഏകദിനം ഇന്ന് ആരംഭിക്കും: വിരാട് കോഹ്ലി നായക സ്ഥാനം ഏറ്റെടുത്തതിനു ശേഷമുള്ള ആദ്യ ക്രിക്കറ്റ്.
പൂനെ: ഇന്ത്യയും ഇംഗ്ലണ്ടും തമ്മിലുള്ള ഏകദിന ക്രിക്കറ്റ് പരമ്പരയ്ക്ക് ഇന്ന് തുടക്കം. ധോണി ക്യാപ്റ്റൻ സ്ഥാനം ഒഴിഞ്ഞ് വിരാട് കോഹ്ലി നായക സ്ഥാനം ഏറ്റെടുത്തതിന് ശേഷം നടക്കുന്ന ആദ്യ രാജ്യാന്തര ക്രിക്കറ്റ് മത്സരം എന്ന പ്രതേകത കൂടി ഈ പരമ്പരയ്ക്കുണ്ട്.
കോഹ്ലി നായകനായതിനോടൊപ്പം യുവരാജ് സിംഗ് ആദ്യ ഇലവനിൽ തന്നെയുണ്ടാകും എന്നതും ഇന്ത്യൻ പടയുടെ പ്രതേകതയാണ്. പൂനെയിലെ മഹാരാഷ്ട്ര ക്രിക്കറ്റ് അസോസിയേഷൻ സ്റ്റേഡിയത്തിൽ ഉച്ചയ്ക്ക് 1.30 ന് കളിയാരംഭിക്കും.
അവസാന ഏകദിനത്തിൽ 5 വിക്കറ്റ് നേടിയ അമിത് മിശ്ര ടീമിലുണ്ടാകുമോ എന്നത് സംശയമാണ്. അശ്വിനും ജഡേജയും ടീമിലുണ്ടാകും. ഇംഗ്ലണ്ടിനെതിരായ മൂന്ന് ഏകദിനങ്ങളുടെ പരമ്പര ഇന്ന് ആരംഭിക്കുമ്പോൾ നായക സ്ഥാനം ഏറ്റെടുത്ത കോഹ്ലി യാതൊരു പ്രതിസന്ധികളും ഇല്ലാത്ത ധോണി ടീമിൽ തിരിച്ചെത്തിയ യുവരാജ് എന്നിവരിലേക്കാണ് ഇന്ത്യ ഉറ്റു നോക്കുന്നത്.
മലയാളികളുടെ വാനമ്പാടി വൈക്കം വിജയ ലക്ഷ്മിക്ക് കാഴ്ച്ച തിരിച്ച് കിട്ടി.
കൊല്ലം: കാഴ്ചകളുടെ സൗന്ദര്യം ആസ്വദിക്കാൻ മലയാളികളുടെ പ്രിയ ഗായിക വൈക്കം വിജയലക്ഷ്മിക്കും കഴിയുമിനി. വിജയലക്ഷ്മിയെ ചികില്സിക്കുന്ന ഹോമിയോ ഡോക്ടർ ദമ്പതിമാരായ ശ്രീകുമാറും ശ്രീവിദ്യയും പറയുന്നു ഇപ്പോൾ വിജയലക്ഷ്മിക്ക് അടുത്തുള്ള വസ്തുക്കളുടെ നിഴലുകൾ കാണാൻ പറ്റുന്നു എന്നാണ്.
സ്വയം ഉണ്ടാക്കിയെടുത്ത ചികിത്സ വിദ്യയാണ് ഡോക്ടർ ദമ്പതിമാർ വിജയ ലക്ഷ്മിയുടെ കാഴ്ച്ച തിരിച്ച് കിട്ടാൻ ഉപയോഗിക്കുന്നത്. 10 മാസമായി വിജയ ലക്ഷ്മി ഇവരുടെ ചികിത്സയിലാണ്.
സെല്ലുലോയിഡിലെ “കാറ്റേ കാറ്റേ” എന്ന ഗാനത്തിലൂടെ ഗായിക ലോകത്തെത്തിത്തിയ വിജയ ലക്ഷ്മി തന്റെ ശബ്ദ മാധുര്യം കൊണ്ട് പ്രേക്ഷകരെ ഒന്നടങ്കം കൈയിലൊതുക്കി.
ജന്മനാ കാഴ്ച്ച നഷ്ടപ്പെട്ട വിജയലക്ഷ്മി കാഴ്ച്ച തിരിച്ച് കിട്ടുന്ന ദിവസത്തിനായി കാത്തിരിക്കുകയാണ്. ഇപ്പോൾ പ്രകാശം കാണാൻ പറ്റുന്നുണ്ടെന്നും വിജയ ലക്ഷ്മി പറഞ്ഞു. കാഴ്ച്ച തിരിച്ച് കിട്ടിയാൽ തനിക്കാദ്യം തന്റെ എല്ലാമെല്ലാമായി തന്റെ കണ്ണുകളായി കൂടെ നിന്ന അച്ഛനെയും അമ്മയെയും തന്റെ ഭർത്താവാകാൻ പോകുന്ന ആളെയും കാണണമെന്ന് വിജയലക്ഷ്മി പറയുന്നു.
കാറ്റേ കാറ്റേ എന്ന പാട്ടിലൂടെ സംസഥാന ചലച്ചിത്ര പുരസ്കാരത്തിന് ആദരവ് നേടിയ വിജയ ലക്ഷ്മി ഒറ്റയ്ക്ക് പാടുന്ന പൂങ്കുയിലേ എന്ന ഗാനത്തിലൂടെ മികച്ച ഗായികയായി.
ഗായത്രി വീണയെന്ന സംഗീതോപകരണം വാഴിക്കുന്നതിനുള്ള പ്രാഗൽഭ്യവും സ്വന്തമായി ഈണം നൽകി പാടാനുള്ള കഴിവും വിജയ ലക്ഷ്മിയെ സംഗീത പ്രേമികൾക്ക് പ്രിയങ്കരിയാക്കി.
അപമാനം ഭയന്ന് എയ്ഡ്സ് രോഗികൾ ഒമാനിലെ തെരുവുകളിൽ ഒളിച്ച് താമസിക്കുന്നു.
മസ്കറ്റ്: എയ്ഡ്സ് രോഗികൾ ജനങ്ങളുടെ മുഖം നോക്കുന്നതിനുള്ള അപമാനം ഭയന്ന് തെരുവുകളിൽ ഒളിച്ച് താമസിക്കുന്നത് വർധിക്കുന്നു എന്ന് സർവ്വേ റിപ്പോർട്ട്. 33 വയസ്സുള്ള ഒരു ചെറുപ്പക്കാരൻ രണ്ട് വർഷം മുൻപ് നടത്തിയ ടെസ്റ്റിൽ താനൊരു എയ്ഡ്സ് രോഗിയാണെന്ന് തെളിഞ്ഞപ്പോൾ പിന്നെ ആരുടേയും മുൻപിൽ നിൽക്കാതെ തുടർ ചികിത്സ പോലും തേടാതെ അപമാനം കൊണ്ട് ഒമാനിലെ തെരുവുകളിൽ താമസിച്ച് വരുന്നു എന്ന് ഗൾഫ് മാധ്യമങ്ങൾ റിപ്പോർട്ട് ചെയ്യുന്നു.
2014- ൽ താനൊരു എയ്ഡ്സ് രോഗിയാണെന്നറിഞ്ഞപ്പോൾ തകർന്ന് പോയി, അസുഖ വിവരം മറ്റുള്ളവർ അറിഞ്ഞാലുണ്ടാകുന്ന നാണക്കേടും വിവേചനവും ഭയന്ന് വീട്ടുകാരോട് മാത്രം വിവരം പറഞ്ഞ് ഒളിച്ച് താമസിക്കുകയായിരുന്നു. 2014-ൽ ഒരു ലൈംഗിക തൊഴിലായുമായുള്ള ശാരീരിക ബന്ധമാണ് ഇയാളെ ഒരു എയ്ഡ്സ് രോഗിയാക്കിയത്. ആ ദിവസമെനിക്ക് ഒരു കറുത്ത ദിവസമായിരുന്നു എന്ന് ഇയാൾ പറയുന്നു. ഒരുപാട് തവണ ഇയാൾ ആത്മത്യക്കും ശ്രമിച്ചു.
ഇയാൾ മാത്രമല്ല കുറെ വേറെ സുഹൃത്തുക്കളും ഉണ്ടായിരുന്നു എയ്ഡ്സ് ബാധിതരായി എന്ത് ചെയ്യണമെന്നറിയാതെ ഒളിവിൽ താമസിക്കുന്നതായി. ഇന്നിയാൽ സന്തോഷത്തോടെ കൂട്ടുകാരോടൊപ്പം ഫുട്ബാൾ കളിച്ച് നടക്കുകയാണ്. എന്നാൽ തന്റെ രോഗ വിവരം അറിഞ്ഞാൽ ഇവരും തന്നെ പുറത്താക്കുമെന്ന് ഇയാൾ പറയുന്നു.
ആരോഗ്യ മന്ത്രാലയത്തിന്റെ കണക്കനുസരിച്ച് 1679 പേരുണ്ട് ഒമാനിൽ എയ്ഡ്സ് ബാധിതരായി. സമൂഹത്തിൽ ഇത്തരക്കാരോടുള്ള മനോഭാവം മാറ്റേണ്ടതുണ്ട്. എന്നാൽ മാത്രമേ ഇവർക്ക് സമൂഹത്തിൽ ജീവിക്കാനാകു.
വർഷങ്ങളായി പഠിച്ചു കൊണ്ടിരുന്നത് മനുഷ്യ ശരീരത്തിൽ ജീവൻ നില നിർത്തുന്ന 78 അവയവങ്ങൾ ഉണ്ടെന്നാണ്. എന്നാൽ പുതിയ ഒരു അവയവം കൂടി കണ്ടെത്തിയിരിക്കുകയാണ് ലിമെറിക് യൂണിവേഴ്സിറ്റിയിലെ സർജറി പ്രൊഫസർ ജെ.കാൽവിൻ കോഫിയുടെ നേതൃത്വത്തിലുള്ള സംഘം.
കുടലിനെയും മറ്റും ഉദരഭിത്തിയോടും (പെരിട്ടോണിയം) ചേർത്ത് നിർത്തുന്ന സ്തരങ്ങളുടെ മടക്കായ മെസെന്ററി അവയവമാണെന്നാണ് ഗവേഷകർ കണ്ടുപിടിച്ചിരിക്കുന്നത്. ഇതോടെ മനുഷ്യ ശരീരത്തിൽ 79 അവയവങ്ങളായി.
പെരിറ്റോണിയത്തിലെ ഇരട്ട മടക്കിലുള്ള ഇത് പല കഷ്ണങ്ങളെല്ലെന്നും ഇതൊരു അവയവമാണെന്നും ഗവേഷകർ കണ്ടെത്തി. ലിയനാർഡോ ഡാവിഞ്ചിയുടെ കാലം മുതൽ ശരീര പഠനങ്ങളിൽ ഇതേ പറ്റി പറഞ്ഞിട്ടുണ്ടെങ്കിലും അത്യാവശ്യമായ എന്തെങ്കിലും ചെയ്യുന്നതായി ഇതിനെ കണ്ടിരുന്നില്ല.
മെസെന്ററി ഒരു അവയവമാണെന്നു കണ്ടെത്തിയതോടെ പല ഉദര രോഗങ്ങൾക്കുമുള്ള ചികിത്സ എളുപ്പമാകും. ഇനി ഈ അവയവത്തിന്റെ ഉപയോഗം എന്താണെന്ന് മാത്രമാണ് കണ്ടെത്തേണ്ടിയിരിക്കുന്നത് മെസെന്ററിയെ പറ്റി കൂടുതൽ പഠനങ്ങൾ നടത്തുന്നതോടെ ഉദര രോഗങ്ങൾക്ക് ശസ്ത്രക്രിയ ചെയ്യുന്നതും കുറഞ്ഞേക്കാം.
ഏകദിന ട്വന്റി 20 ക്യാപ്റ്റൻ സ്ഥാനത്തിൽ നിന്നും ധോണി ഒഴിഞ്ഞു, ടീമിൽ തുടരും.
ന്യൂഡൽഹി: ഇന്ത്യൻ ഏകദിന ട്വന്റി 20 ക്യാപ്റ്റൻ മഹേന്ദ്ര സിങ് ധോണി ഒഴിഞ്ഞു. ഈ അപ്രതീക്ഷിത തീരുമാനം വെള്ളിയാഴ്ച പ്രഖ്യാപിക്കാനിരിക്കുന്ന ഇംഗ്ലണ്ടിനെതിരെയുള്ള ഏകദിന ക്രിക്കറ്റ് ടീമിനെ ബാധിക്കും.
2014 ഡിസംബറിൽ ഓസ്‌ട്രെലിയക്കെതിരെ നടന്ന മെൽബൺ ടെസ്റ്റിനിടയിൽ ക്യാപ്റ്റൻ സ്ഥാനം ഒഴിഞ്ഞ് ആരാധകരെ സങ്കടപ്പെടുത്തിയിരുന്നു.
ഇന്ത്യക്ക് ഏകദിന ട്വന്റി 20 ക്രിക്കറ്റിൽ ലോക കപ്പ് നേടിത്തന്ന താരമാണ് ധോണി. ടെസ്റ്റ് ക്രിക്കറ്റിലും ഏകദിനത്തിലും ട്വന്റി 20 യിലും ഇന്ത്യയെ ഒന്നാം സ്ഥാനത്തു എത്തിച്ച ഇന്ത്യൻടി ക്രിക്കറ്റ് താരം കൂടിയാണ് മഹേന്ദ്ര സിങ് ധോണി.
എന്നാൽ ക്യാപ്റ്റൻ സ്ഥാനം ഒഴിഞ്ഞു എങ്കിലും ധോണി ടീമിൽ തുടരുമെന്നും പുതിയ നായകനെ ഉടനെ തിരഞ്ഞെടുക്കുമെന്നും ബിസിസിഐ അറിയിച്ചു.
അഭിനയമില്ലാത്ത ലോകത്ത് ഞാൻ തികച്ചും സന്തോഷവാനായിരിക്കും.
പുലിമുരുകനും ജനതാഗാരേജു 100 കോടി ക്ലബ് കടന്നപ്പോൾ ഇനി അധിക കാലം താൻ സിനിമയിലില്ലെന്ന് മലയാളത്തിന്റെ പ്രിയ താരം മോഹൻലാൽ.
സിനിമയ്ക്കപ്പുറത്തു യാത്ര ചെയ്യാനും പുസ്തകങ്ങൾ വാഴിക്കാനുമൊക്കെ അതീവ താല്പര്യവുമുള്ളയാളാണ് താൻ, ഒരു ദേശീയ മാധ്യമത്തിനോട് സംസാരിക്കുകയായിരുന്നു ലാൽ പറഞ്ഞു.
സിനിമയുടെ ഷെഡ്യൂളുകൾ കാരണം എനിക്ക് പലപ്പോഴും എന്റെ അവധിക്കാലം ആഘോഷിക്കാൻ പറ്റാറില്ല.ഇപ്പോൾ അതിന് വേണ്ടിയാണ് ഞാൻ ശ്രമിച്ചു കൊണ്ടിരിക്കുന്നത്.ഒപ്പവും പുലിമുരുകനുമൊക്കെ പ്രേക്ഷകർ ഇരു കൈയും നീട്ടി സ്വീകരിച്ചു. ജനങ്ങൾക്കറിയാം ഞാൻ അന്ധനോ അമാനുഷികനോ അല്ലെന്നു എന്നിട്ടും അവരതു സ്വീകരിച്ചു.എന്നോടുള്ള വിശ്വാസത്തിൽ,ആർത്തന വിരസത സംഭവിക്കാതിരിക്കാൻ ഞാൻ ശ്രമിക്കാറുണ്ട് എന്നും അദ്ദേഹം പറഞ്ഞു.
14 വർഷങ്ങൾക്ക് ശേഷം ഗൗതമി സിനിമയിലേക്ക് തിരിച്ച് വരുന്നു.
നടന്‍ കമല്‍ഹാസനുമായുള്ള വേര്‍പിരിയലിനു ശേഷം വീണ്ടും സിനിമയില്‍ സജീവമാവാനുള്ള ഒരുക്കത്തിലാണ് നടി ഗൗതമി. നീണ്ട ഇടവേളയ്ക്കു ശേഷം നടി ഗൗതമി മലയാളത്തിലേക്കു തിരിച്ചുവരവിനൊരുങ്ങുകയാണ്.
2003ല്‍ ‘വരും വരുന്നു വന്നു’ എന്ന ചിത്രത്തിലാണ് ഗൗതമി അവസാനമായി മലയാളത്തിൽ അഭിനയിച്ചത്. വിശ്വരൂപം മന്‍സൂര്‍ എന്ന ചിത്രത്തില്‍ വളരെ ശക്തമായ കഥാപാത്രത്തെയാണ് താരം അവതരിപ്പിക്കുന്നത്. പിറ്റി കുഞ്ഞു മുഹമ്മദ് സംവിധാനം ചെയ്യുന്ന ചിത്രത്തില്‍ പ്രയാഗ മാര്‍ട്ടിനും റോഷന്‍ മാത്യുവുമാണ് താരങ്ങള്‍.
ഫാത്തിമ ബീവി എന്ന കഥാപാത്രത്തെയാണ് ഗൗതമി അവതരിപ്പിക്കുന്നത്. റോഷന്‍ മാത്യൂ അവതരിപ്പിക്കുന്ന കഥാപാത്രത്തിന്റെ അമ്മയാണ്. അമ്മയുടെയും മകന്റെയും ജീവിതത്തിലേയ്ക്ക് മറ്റൊരു കുടുംബം എത്തുമ്പോഴുള്ള മാറ്റങ്ങളാണ് ചിത്രം പറയുന്നത്.
ഫെബ്രുവരിയില്‍ ചിത്രത്തിന്റെ ഷൂട്ടിങ് ആരംഭിക്കും. തലശ്ശേരിയും മുംബൈയുമാണ് ചിത്രത്തിന്റെ ലൊക്കേഷന്‍. ശ്വേത മേനോന്‍, രഞ്ജി പണിക്കര്‍, ലിയോണ ഷേണായി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. രമേഷ് നാരായണ്‍ ആണ് ചിത്രത്തിനായി ഗാനങ്ങള്‍ ഒരുക്കുന്നത്.
മോഹന്‍ലാലിനൊപ്പം തെലുങ്ക് ചിത്രമായ വിസ്മയത്തിലാണ് ഗൗതമി ഒടുവില്‍ അഭിനയിച്ചത്. കമല്‍ ഹാസനുമായുള്ള വേര്‍പിരിയലിന് ശേഷം സിനിമയില്‍ സജീവമാകുകയാണ് താരം.
