വാതുവെപ്പ് വിവാദത്തിൽ ഉൾപ്പെട്ട ശ്രീശാന്ത് ഇനി ഇന്ത്യയിലും വിദേശത്തും ഒരിക്കലും കളിക്കേണ്ട എന്ന് ബി സി സി ഐ തീർപ്പ് കല്പിച്ചിരിക്കുന്നു തന്റെ വിലക്കിനെതിരെ ശ്രീശാന്ത് കൊടുത്ത ഹർജിയിൻ മേൽ ചോദ്യമുന്നയിച്ച കോടതിക്ക് മുൻപാകെ ബി സി സി ഐ നൽകിയ മറുപടിയിലാണ് ശ്രീയുടെ വിലക്ക് നീക്കാൻ ഒരു ഉദ്ദേശവും തങ്ങൾക്ക് ഇല്ല എന്ന് ഇന്ത്യൻ ക്രിക്കറ്റിന്റെ ഉന്നതാധികാര സമിതി നിലപാട് വെളിപ്പെടുത്തിയത്.
കണ്ണൂർ: ജില്ലയിൽ ഡെങ്കിപ്പനി റിപ്പോർട്ട് ചെയ്യപ്പെട്ട സാഹചര്യത്തിൽ പ്രതിരോധ നടപടികൾ കൈക്കൊള്ളണമെന്ന് ജില്ലാ മെഡിക്കൽ ഓഫീസർ അറിയിച്ചു. ഈഡിസ് കൊതുകുകൾ സാധാരണയായി മുട്ടയിട്ടു വളരുന്ന സ്ഥലങ്ങളായ ചിരട്ട, ടയർ,കുപ്പി, ഉപയോഗ ശൂന്യമായ പാത്രങ്ങൾ വെള്ളം കെട്ടി നിൽക്കാവുന്ന മറ്റു സാധനങ്ങൾ തുടങ്ങിയവ ശരിയായ രീതിയിൽ സംസ്കരിക്കുകയോ വെള്ളം വീഴാത്ത സ്ഥലങ്ങളിൽ സൂക്ഷിക്കുകയോ ചെയ്യുക.
ഫ്രിഡ്ജിന്റെ പുറകിലെ ട്രേ,ചെടിച്ചട്ടിയ്ക്കടിയിൽ വെക്കുന്ന പാത്രം, പൂക്കൾ/ചെടികൾ എന്നിവ ഇട്ടു വെക്കുന്ന പാത്രം, ടെറസ്, ടാങ്ക് മുതലായവയിൽ നിന്നും ആഴ്ചയിലൊരിക്കൽ വെള്ളം ഊറ്റിക്കളയുക. ജലം സംഭരിച്ചു വെക്കുന്ന ടാങ്കുകളും പാത്രങ്ങളും സിമന്റ് തൊട്ടികളും മറ്റും കൊതുകു കടക്കാത്തവിധം മുടിവെക്കുക. തുടങ്ങിയ കാര്യങ്ങൾ ശ്രദ്ധിക്കേണ്ടതാണ് .
ഈഡിസ് കൊതുകിന്റെ കടി ഏൽക്കാതിരിക്കാൻ പകൽ സമയത്ത് ഉറങ്ങുന്നവർ കൊതുകുവല ഉപയോഗിക്കുക. കീടനാശിനിയിൽ മുക്കിയ കൊതുകുവല ഉപയോഗിക്കുന്നത് ഏറെ ഉത്തമം. കൊതുകിനെ അകറ്റാൻ കഴിവുള്ള ലേപനങ്ങൾ ദേഹത്ത് പുരട്ടുക. ശരീരം നന്നായി മൂടിയിരിക്കുന്ന വസ്ത്രങ്ങൾ ധരിക്കുക, ജനൽ, വാതിൽ വെന്റിലേറ്റർ മുതലായവയിൽ കൊതുകു കടക്കാത്ത വല ഘടിപ്പിക്കുക.
മട്ടന്നൂർ: മട്ടന്നൂരിൽ ഡെങ്കി പനി പടരുന്നു. ഈ സാഹചര്യത്തിൽ മട്ടന്നൂർ നഗരത്തിലെ മഹാദേവ ക്ഷേത്ര റോഡിലും പരിസരങ്ങളിലും ആരോഗ്യവകുപ്പധികൃതർ പരിശോധന നടത്തി. കൂടുതൽ പേരിലേക്ക് പനി പടരുന്നതിനാൽ ഗൗരവകരമായ സ്ഥിതിയാണ് ഇവിടെ ഉള്ളതെന്ന് ആരോഗ്യ വകുപ്പ് വിലയിരുത്തി. പത്തു പേർക്കാണ് നഗരസഭയിൽ ഡെങ്കിപ്പനി സ്ഥിരീകരിച്ചത്. നാൽപതു വീടുകൾ സന്ദർശിച്ചതിന് പതിമൂന്നു പേർക്ക് പനി ബാധിച്ചതായി കണ്ടെത്തി. അടിയന്തിരമായി മേഖലയിൽ പ്രതിരോധപ്രവർത്തനങ്ങളും ശുചീകരണവും തുടങ്ങും. പനി ബാധിക്കുന്നവർ സർക്കാർ ആശുപത്രികളിൽ തന്നെ ചികിത്സ തേടണമെന്നും ആരോഗ്യവകുപ്പധികൃതർ പറഞ്ഞു.
താൻ സിനിമ വിടുന്നു എന്ന വാർത്ത വ്യാജമാണെന്നും അങ്ങനെ ഒരു പ്രസ്താവന ഒരു മാധ്യമത്തിനും താൻ നൽകിയിട്ടില്ലെന്നും നടി പാർവതി വ്യക്തമാക്കി. സത്യാവസ്ഥ അന്വേഷിക്കണമെന്നും താൻ മാധ്യമങ്ങളെ ഏറെ ഇഷ്ട്ടപ്പെടുന്ന ആളാണെന്നും അവർ പറഞ്ഞു. ഉത്തരവാദിത്തമില്ലാത്ത പത്ര പ്രവർത്തനം മൂലം ഒരു വെബ്സൈറ്റിൽ ഒരു വാർത്ത വന്നാലുടൻ പബ്ലിസിറ്റി കൂട്ടാനായി അതിന്റെ സത്യാവസ്ഥ പോലും അന്വേഷിക്കാതെ വാർത്ത നല്കുകയാണോ ചെയ്യേണ്ടത്? എന്തിനാണ് ഇത്രരം വ്യാജപ്രവർത്തനം നടത്തുന്നതെന്ന് മനസ്സിലാകുന്നില്ലെന്നും അവർ പറഞ്ഞു.
തീയറ്ററുകളെ ചുവപ്പിക്കാന്‍ സഖാവ് കൃഷ്ണന്‍കുട്ടി നാളെയെത്തും. സിദ്ധാര്‍ത്ഥ് ശിവയുടെ സംവിധാനത്തില്‍ നിവിന്‍ പോളി നായകനാവുന്ന സഖാവ് നാളെ നൂറിലധികം തിയറ്ററുകളിലാണ് റിലീസ് ചെയ്യുന്നത്. 2017ലെ നിവിന്റെ ആദ്യ ചിത്രം കൂടിയാണ് സഖാവ്. നിവിന്റെ കരിയറിലെ തന്നെ ഏറ്റവും വലിയ റീലീസാവും സഖാവ്.കേരളക്കരയെ ഇളക്കി മറിച്ച പ്രചരങ്ങള്‍ക്കൊടുവിലാണ് സഖാവ് തീയറ്ററുകളിലെത്തുന്നത്. ചിത്രത്തിന്റെ പ്രചരണത്തിന്റെ ഭാഗമായി നടത്തിയ റോഡ് ഷോയ്ക്ക് കേരളമെങ്ങും വന്‍ വരവേല്‍പ്പാണ് ലഭിച്ചത്.
കുത്തുപറമ്പ്: കൂത്തുപറമ്പിൽ യുനാനി ഗവേഷണ കേന്ദ്രം തുടങ്ങുന്നു. കേന്ദ്ര ആയുഷ് മന്ത്രി ശ്രീപദ് നയിക്കുമായി മന്ത്രി കെ കെ ശൈലജ ന്യൂ ഡൽഹിയിൽ നടത്തിയ ചർച്ചയിലാണ് യുനാനി ഗവേഷണ കേന്ദ്രം സ്ഥാപിക്കാൻ തീരുമാനമുണ്ടായത്, ഇതോടനുബന്ധിച്ചുള്ള താൽക്കാലിക ഇൻസ്റ്റിറ്റ്യൂട്ട് രണ്ടു മാസത്തിനകം നിര്മലഗിരിയിൽ പ്രവർത്തനം തുടങ്ങും. അന്തർദേശീയ നിലവാരമുള്ള യുനാനി ഇന്സ്ടിട്യൂട്ടാണ് കൂത്തുപറമ്പിൽ സ്ഥാപിക്കാൻ ഉദ്ദേശിക്കുന്നത്.
കണ്ണൂര്‍: ചലച്ചിത്രകാരന്‍ ശ്രീനിവാസന്റെയും വിമലാ ശ്രീനിവാസന്റെയും മകന്‍ ധ്യാനും കോട്ടയംപാലയിലെ സെബാസ്റ്റ്യന്റെയും പരേതയായ എലിസബത്ത് സെബാസ്റ്റ്യന്റെയും മകള്‍ അര്‍പ്പിതയും വിവാഹിതരായി. കണ്ണൂര്‍ കടലോരത്ത് വാസവ ക്ലിഫ് അങ്കണത്തില്‍ നടന്ന വിവാഹ ചടങ്ങില്‍ ചലച്ചിത്ര-സാഹിത്യ-രാഷ്ട്രീയ മേഖലകളിലെ നിരവധി പ്രമുഖര്‍ സംബന്ധിച്ചു.
രാജ്‌കോട്ട്: ഐപിഎല്ലിന്റെ പത്താമുദയത്തിലെ ആദ്യ പത്തുവിക്കറ്റ് വിജയം കൊല്‍ക്കത്ത നൈറ്റ് റൈഡേഴ്‌സ് സ്വന്തമാക്കി. ഗുജറാത്ത് ലയണ്‍സസിനെതിരെയാണ് കൊല്‍ക്കത്ത തകര്‍പ്പന്‍ വിജയം സ്വന്തമാക്കിയത്. ഗുജറാത്ത് ഉയര്‍ത്തിയ 184 റണ്‍സ് വിജയലക്ഷ്യം 14.3 ഓവറില്‍ വിക്കറ്റ് നഷ്ടം കൂടാതെ കൊല്‍ക്കത്ത മറികടന്നു. അര്‍ദ്ധ സെഞ്ച്വറികളോടെ വെടിക്കെട്ട് തീര്‍ത്ത ക്യാപ്റ്റന്‍ ഗംഭീറും ക്രിസ് ലയോണുമാണ് കൊല്‍ക്കത്തയുടെ വിജയം അനായാസമാക്കിയത്.
ദേശീയ ചലച്ചിത്ര പുരസ്‌കാര പ്രഖ്യാപനത്തില്‍ തിളങ്ങി മലയാള സിനിമലോകവും. മികച്ച നടിക്കുള്ള പുരസ്‌കാരം അടക്കം ഏഴ് പുരസ്‌കാരങ്ങളാണ് മലയാളത്തിന് ലഭിച്ചത്. മികച്ച നടിക്കുള്ള പുരസ്‌കാരം സുരഭി, മികച്ച മലയാള ചിത്രം മഹേഷിന്റെ പ്രതികാരം, മികച്ച തിരക്കഥ ശ്യാം പുഷ്‌കരന്‍, മികച്ച ശബ്ദസംവിധാനം- ജയദേവന്‍, കാട് പൂക്കുന്ന നേരം, മികച്ച സംഘട്ടന സംവിധാനം പീറ്റര്‍ ഹെയ്ന്‍ (പുലിമുരുകന്‍), മികച്ച ബാലതാരം ആദില്‍ ബാലകൃഷ്ണന്‍( കുഞ്ഞുദൈവം) പുലിമുരുകന്‍, മുന്തിരിവള്ളികള്‍ തളിര്‍ക്കുമ്പോള്‍ , ജനതാ ഗാരേജ് എന്നി ചിത്രങ്ങളിലെ അഭിനയത്തിന് മോഹന്‍ലാലിന് പ്രത്യേക ജൂറി പരാമര്‍ശവും ലഭിച്ചു.
മറ്റ് പുരസ്കാരങ്ങള്‍
മികച്ച നടന്‍- അക്ഷയ് കുമാര്‍, മികച്ച നടി-സുരഭി, മികച്ച മലയാള ചിത്രം- മഹേഷിന്റെ പ്രതികാരം, മോഹന്‍ലാലിന് പ്രത്യേക ജൂറി പരാമര്‍ശം, മികച്ച തിരക്കഥ- ശ്യാം പുഷ്കര്‍( മഹേഷിന്റെ പ്രതികാരം), മികച്ച ബാലതാരം-ആദില്‍ ബാലകൃഷ്ണന്‍( കുഞ്ഞുദൈവം), സാജ് (ബംഗാൾ), മനോഹര കെ (കന്നഡ), മികച്ച ചിത്രം കാസവ് (മറാഠി), മികച്ച ഹിന്ദി ചിത്രം- നീരജ തമിഴ് ചിത്രം- ജോക്കര്‍ മികച്ച ഗുജറാത്തി ചിത്രം- റോങ് സൈഡ് രാജു മികച്ച മറാത്തി ചിത്രം-ദശക്രിയ മികച്ച ബംഗാളി ചിത്രം-ബിസര്‍ജന്‍ മികച്ച കന്നഡ ചിത്രം- റിസര്‍വ്വേഷന്‍ മികച്ച സാമൂഹ്യ പ്രതിബദ്ധതയുള്ള ചിത്രം- പിങ്ക് മികച്ച സഹനടി- സൈറ വസീം സഹനടൻ: മനോജ് ജോഷി മികച്ച ഗാനരചയിതാവ്: വൈരമുത്തു മികച്ച ശബ്ദസംവിധാനം- ജയദേവന്‍ (കാട് പൂക്കുന്നനേരം), മികച്ച ഡോക്യുമെന്ററി ചിത്രം- ചെമ്പൈ മികച്ച ഹ്രസ്വ ചിത്രം- അബ മികച്ച വിദ്യാഭ്യാസ സിനിമ- ദി വാട്ടര്‍ഫാള്‍സ് മികച്ച ഛായാഗ്രാഹണം-24 ദ മൂവി, മികച്ച കുട്ടികളുടെ സിനിമ-ധനക് ചലച്ചിത്ര സംബന്ധിയായ മികച്ച കൃതി-ലതാ സുര്‍ഗാഥ മികച്ച സിനിമാ നിരൂപണം- ജി ധനഞ്ജയന്‍, സംഘട്ടനം- പീറ്റര്‍ ഹെയ്ന്‍ നൃത്തസംവിധാനം: രാജു സുന്ദരം (ജനത ഗ്യാരേജ്).
ഹൈദരാബാദ് : ഐപിഎല്‍ ക്രിക്കറ്റിന്റെ 10-ാം പതിപ്പിന് ഇന്ന് തുടക്കം. രാത്രി എട്ടിന് ഹൈദരാബാദ് രാജീവ് ഗാന്ധി സ്റ്റേഡിയത്തിലാണ് മത്സരം. നിലവിലെ ചാമ്പ്യന്‍മാരായ സണ്‍റൈസേഴ്സ് ഹൈദരാബാദും ബാംഗ്ളൂര്‍ റോയല്‍ ചലഞ്ചേഴ്സും തമ്മിലാണ് ആദ്യ കളി. ആകെ എട്ട് ടീമുകളാണ് ഇക്കുറി. 10 വേദികള്‍. 47 ദിവസങ്ങളിലായി ആകെ 60 മത്സരങ്ങള്‍. മേയ് 21നാണ് ഫൈനല്‍. ഹൈദരാബാദില്‍തന്നെയാണ് കിരീടപോരാട്ടം.