Lifestyle

News, Sports

ഐഎസ്എൽ;കൊച്ചിയിൽ ഇന്ന് കേരള-ഡൽഹി ഡൈനാമോസ് മത്സരം

keralanews i s l kerala delhi dynamos competition in kochi today (2)

കൊച്ചി:കൊച്ചിയിൽ ഇന്ന് നടക്കുന്ന ഐഎസ്എൽ പതിമൂന്നാം മത്സരത്തിൽ കേരളാ ബ്ലാസ്റ്റേഴ്‌സ് ഇന്ന് ഡൽഹി ഡൈനാമോസിനെ നേരിടും.കലൂര്‍ ജവഹര്‍ലാല്‍ നെഹ്റു സ്റ്റേഡിയത്തില്‍ വൈകിട്ട് ഏഴരയ്ക്കാണ് മത്സരം.പോയിന്‍റ് പട്ടികയില്‍ ബ്ലാസ്റ്റേഴ്സ് നാലാംസ്ഥാനത്തും ഡല്‍ഹി എട്ടാം സ്ഥാനത്തുമാണ് ഉള്ളത്.ഡല്‍ഹി ഡൈനാമോസ് കളിച്ച രണ്ട് മത്സരങ്ങളില്‍ ഒരു മത്സരം ജയിക്കുകയും മറ്റൊന്ന് തോല്‍ക്കുകയും ചെയ്തിട്ടുണ്ട്.ക്യാപ്റ്റന്‍ സന്ദേശ് ജിങ്കന്റെ നേതൃത്വത്തിലുള്ള പ്രതിരോധവും ഒത്തിണക്കം ഉള്ള ടീം വര്‍ക്കും ബ്ലാസ്റ്റേഴ്സിനെ വിജയത്തിലെത്തിക്കും എന്നാണ് കോച്ച്‌ ഡേവിഡ് ജെയിംസിന്റെ പ്രതീക്ഷ.എന്നാല്‍ മുംബൈയ്ക്ക് എതിരായ മത്സരത്തില്‍ പ്രതിരോധത്തില്‍ അവസാന മിനിറ്റുകളില്‍ വന്ന വീഴ്ച ഇക്കുറിയും ആവര്‍ത്തിച്ചാല്‍ വിജയമെന്ന ബ്ലാസ്റ്റേഴ്സിന്റെ സ്വപ്നം തകരും. ഹോംഗ്രൗണ്ടില്‍ സ്വന്തം കാണികള്‍ക്കു മുന്നില്‍ വരുന്ന മഞ്ഞപ്പടയ്ക്ക് വിജയത്തില്‍ കുറഞ്ഞതൊന്നും സ്വീകരിക്കാനാവില്ല. കൊച്ചിയില്‍ ഇന്നലെ അവസാനവട്ട പരിശീലനവും കഴിഞ്ഞാണ് ഇരുടീമുകളും ഇന്ന് പോരാട്ടത്തിന് ഇറങ്ങുന്നത്.

0
Food, News

അംഗൻവാടിയിൽ ഫുഡ് സേഫ്റ്റി വിഭാഗം നടത്തിയ റെയ്‌ഡിൽ കാലാവധി കഴിഞ്ഞ പോഷകാഹാര പാക്കറ്റുകള്‍ പിടിച്ചെടുത്തു

keralanews expired nutritional packets seized by food and safety raid in anganvadi

കാസർഗോഡ്:അംഗൻവാടിയിൽ ഫുഡ് സേഫ്റ്റി വിഭാഗം നടത്തിയ റെയ്‌ഡിൽ കാലാവധി കഴിഞ്ഞ പോഷകാഹാര പാക്കറ്റുകള്‍ പിടിച്ചെടുത്തു.ബദിയടുക്ക ചെടേക്കാലില്‍ പ്രവര്‍ത്തിക്കുന്ന അംഗണ്‍വാടിയിലാണ് ഫുഡ് ആന്‍ഡ് സേഫ്റ്റി വിഭാഗം പരിശോധന നടത്തിയത്.കുട്ടികള്‍ക്കും ഗര്‍ഭിണികള്‍ക്കും നല്‍കേണ്ടിയിരുന്ന പഴകിയ അമൃതം പോഷകാഹാര പാക്കറ്റുകളാണ് കണ്ടെത്തിയത്. ഇതുസംബന്ധിച്ച്‌ സാമൂഹ്യ ക്ഷേമ വകുപ്പ് അധികൃതര്‍ റിപോര്‍ട്ട് ആവശ്യപ്പെട്ടിട്ടുണ്ട്.

0
Food, News

വെളിച്ചെണ്ണയിൽ ഇതര ഭക്ഷ്യഎണ്ണകൾ ചേർക്കാനുള്ള ബ്ലെൻഡിങ് ലൈസൻസിന്റെ മറവിൽ വൻ തട്ടിപ്പ് നടക്കുന്നതായി പരാതി

keralanews complaint that selling coconut oil mixed with other edible oil using blending lisance

കണ്ണൂർ:വെളിച്ചെണ്ണയിൽ ഇതര ഭക്ഷ്യഎണ്ണകൾ ചേർക്കാനുള്ള അനുമതിയായ ബ്ലെൻഡിങ് ലൈസൻസിന്റെ മറവിൽ വൻ തട്ടിപ്പ് നടക്കുന്നതായി കണ്ടെത്തൽ.വെളിച്ചെണ്ണയിൽ മറ്റ് ഭക്ഷ്യഎണ്ണകൾ ചേർത്ത ശേഷം വെളിച്ചെണ്ണയാണെന്ന് തെറ്റിദ്ധരിപ്പിച്ച്  വില്പന നടത്തിയാണ് ഇവർ തട്ടിപ്പ് നടത്തുന്നത്.കേന്ദ്ര സർക്കാരിൽ നിന്നും നേടുന്ന ബ്ലെൻഡിങ് ലൈസൻസിന്റെ മറവിലാണ് ഈ തട്ടിപ്പ് നടത്തുന്നത്.വെളിച്ചെണ്ണയിൽ മറ്റ് ഭക്ഷ്യ എണ്ണകൾ ചേർത്താൽ പിന്നെ വെളിച്ചെണ്ണ എന്ന പേര് നൽകരുത്.ഇതിനു സസ്യഎണ്ണ എന്ന് പേരുനൽകണമെന്നാണ് നിയമം.എന്നാൽ കവറിനു പുറത്ത് നാളികേരത്തിന്റെ ചിത്രവും ഒറ്റനോട്ടത്തിൽ വെളിച്ചെണ്ണ എന്ന് തോന്നിക്കുന്ന ബ്രാൻഡ് നെയിമും നൽകിയാണ് കമ്പനികൾ ഈ എണ്ണകൾ വിപണിയിലെത്തിക്കുന്നത്.സംസ്ഥാനത്ത് വെളിച്ചെണ്ണ വില വൻ തോതിൽ ഉയർന്നപ്പോഴാണ് മായം ചേർക്കൽ വ്യാപകമായത്.ഇതിനെതിരെ ഭക്ഷ്യ സുരക്ഷാ വകുപ്പ് കർശന നടപടി സ്വീകരിച്ചതോടെ മായം ചേർത്തുള്ള കച്ചവടം കുറഞ്ഞു.പിന്നീടാണ് നിയമം മറികടക്കാൻ വെളിച്ചെണ്ണയിൽ ഇതര ഭക്ഷ്യ എണ്ണ ചേർത്ത് വിൽക്കാൻ അനുമതി നൽകുന്ന ബ്ലെൻഡിങ് ലൈസൻസുകൾക്കായി കമ്പനികൾ ശ്രമം തുടങ്ങിയത്.സംസ്ഥാനത്ത് വെളിച്ചെണ്ണ വില വൻ തോതിൽ ഉയർന്നപ്പോഴാണ് മായം ചേർക്കൽ വ്യാപകമായത്. ഇതിനെതിരെ ഭക്ഷ്യ സുരക്ഷാ വകുപ്പ് കർശന നടപടി സ്വീകരിച്ചതോടെ മായം ചേർത്തുള്ള കച്ചവടം കുറഞ്ഞു.പിന്നീടാണ് നിയമം മറികടക്കാൻ വെളിച്ചെണ്ണയിൽ ഇതര ഭക്ഷ്യ എണ്ണ ചേർത്ത് വിൽക്കാൻ അനുമതി നൽകുന്ന ബ്ലെൻഡിങ് ലൈസൻസുകൾക്കായി കമ്പനികൾ ശ്രമം തുടങ്ങിയത്.നിയമപരമായ ലൈസൻസുള്ളതിനാൽ ഭക്ഷ്യസുരക്ഷാ വിഭാഗത്തിന് ഇതിനെതിരെ നടപടിയെടുക്കാനുമാകില്ല. കേരളത്തിലെ വെളിച്ചെണ്ണ വ്യാപാരത്തിനും നാളികേര കർഷകർക്കും തിരിച്ചടിയാണെന്നും ഈ വിഷയത്തിൽ സർക്കാർ ഇടപെടണമെന്നും കേരള ഓയിൽ മെർച്ചന്റ്സ് അസോസിയേഷൻ പ്രസിഡന്റ് തലത്ത് മുഹമ്മദ് ആവശ്യപ്പെട്ടു.

 

0
India, Sports

ഏഷ്യാകപ്പ് ക്രിക്കറ്റ്;ബംഗ്ലാദേശിനെ മൂന്നു വിക്കറ്റിന് തകർത്ത് ഇന്ത്യയ്ക്ക് ഏഴാം കിരീടം

keralanews india beat bengladesh for three vickets and won asia cup cricket

ദുബായ്:ഏഷ്യാകപ്പ് ക്രിക്കറ്റിൽ ബംഗ്ലാദേശിനെ മൂന്നു വിക്കറ്റിന് തകർത്ത് ഇന്ത്യയ്ക്ക് ഏഴാം കിരീടം.ബംഗ്ലാദേശ് ഉയര്‍ത്തിയ 223 റണ്‍സ് വിജയലക്ഷ്യം ഇന്ത്യ അവസാന പന്തിലാണ് നേടിയത്. ഭേദപ്പെട്ട തുടക്കം ലഭിച്ച ഇന്ത്യയെ മധ്യനിരയുടെ പ്രതിരോധവും വാലറ്റക്കാരുടെ മികവുമാണ് വിജയതീരത്തെത്തിച്ചത്. 48 റണ്‍സെടുത്ത നായകന്‍ രോഹിത് ശര്‍മ്മയാണ് ഇന്ത്യയുടെ ടോപ് സ്‌കോറര്‍. ആദ്യം ബാറ്റ് ചെയ്ത ബംഗ്ലാദേശ് ഓപ്പണര്‍ ലിറ്റണ്‍ ദാസിന്റെ സെഞ്ചുറിക്കരുത്തില്‍ 48.3 ഓവറില്‍ 222 റണ്‍സെടുത്തു. ആദ്യ ഏകദിന സെഞ്ചുറി നേടിയ ലിറ്റണ്‍ 117 പന്തില്‍ 121 റണ്‍സെടുത്തു. ഒന്നാം വിക്കറ്റില്‍ 120 റണ്‍സ് കൂട്ടിച്ചേര്‍ത്ത് ഒരു ഘട്ടത്തില്‍ ഇന്ത്യയ്ക്ക് വലിയ വെല്ലുവിളി ഉയര്‍ത്തിയിരുന്നു ബംഗ്ലാദേശ്. എന്നാല്‍ വമ്ബന്‍ തിരിച്ചുവരവിലൂടെ കടുവകളെ കൂറ്റന്‍ സ്‌കോറില്‍ നിന്ന് ഇന്ത്യന്‍ ബൗളര്‍മാര്‍ തടുത്തിട്ടു. ഇന്ത്യക്കായി കുല്‍ദീപ് മൂന്നും കേദാര്‍ രണ്ടും വിക്കറ്റ് വീഴ്ത്തി.ഇന്ത്യയുടെ മറുപടി ബാറ്റിംഗില്‍ ഓപ്പണിംഗ് വിക്കറ്റില്‍ ധവാന്‍- രോഹിത് സഖ്യം 35 റണ്‍സ് കൂട്ടിച്ചേര്‍ത്തു. 15 റണ്‍സെടുത്ത ധവാനെ നസ്മുള്‍ ഇസ്ലാമിന്റെ പന്തില്‍ സൗമ്യ സര്‍ക്കാര്‍ പിടികൂടി. തൊട്ടുപിന്നാലെ മികച്ച ഫോമിലുളള അംബാട്ടി റായിഡുവിനെ മടക്കി മഷ്‌റഫി മൊര്‍ത്താസ ഇന്ത്യയെ ഞെട്ടിച്ചു. നാലാമനായി ക്രീസിലെത്തിയ ദിനേശ് കാര്‍ത്തിക്കിനെ കൂട്ടുപിടിച്ച്‌ രോഹിത്ത് മുന്നേറുന്നതിനിടെയാണ് റൂബല്‍ ഹൊസൈന്‍ ഇന്ത്യയെ ഞെട്ടിച്ചത്. റൂബലിന്റെ ഷോട്ട് ബോളില്‍ നേരത്തെ സിക്‌സറടിച്ച രോഹിത്തിനെ മറ്റൊരു ഷോട്ട് ബോളില്‍ റൂബല്‍ വീഴ്ത്തി. 55 പന്തില്‍ മൂന്ന് സിക്‌സറും മൂന്ന് ബൗണ്ടറിയും പറത്തി രോഹിത് 48 റണ്‍സെടുത്തു. ധോണിയും കാര്‍ത്തിക്കും ചേര്‍ന്ന കൂട്ടുകെട്ട് ഇന്ത്യയെ തകര്‍ച്ചയില്‍ നിന്ന് കരകയറ്റി. സ്‌കോര്‍ 137ല്‍ നില്‍ക്കെ കാര്‍ത്തിക്കും വീണു. മെഹ്മദുള്ളക്കായിരുന്നു വിക്കറ്റ്. ഇഴഞ്ഞുനീങ്ങിയ ധോണി 67 പന്തില്‍ 36 റണ്‍സുമായി മുസ്താഫിസറിന് കീഴടങ്ങിയതോടെ ഇന്ത്യ പ്രതിരോധത്തിലായി. പരിക്കേറ്റ കേദാര്‍ ജാദവ് പിന്നാലെ 19ല്‍ നില്‍ക്കേ ഇന്നിംഗ്‌സ് പൂര്‍ത്തിയാക്കാതെ മടങ്ങി. ഭുവിയെ കൂട്ടുപിടിച്ച്‌ ജഡേജ രക്ഷാദൗത്യം ഏറ്റെടുത്തപ്പോള്‍ ഇന്ത്യ പ്രതീക്ഷ തിരിച്ചുപിടിച്ചു. എന്നാല്‍ 48 ആം ഓവറിലെ ആദ്യ പന്തില്‍ ജഡേജയെ(23) റൂബേല്‍ മടക്കി. കേദാര്‍ തിരിച്ചെത്തിയെങ്കിലും അടുത്ത ഓവറില്‍ ഭുവിയെ(21) മുസ്താഫിസര്‍ പറഞ്ഞയച്ചത് വീണ്ടും തിരിച്ചടിയായി. എന്നാല്‍ അവസാന ഓവറില്‍ ആറ് റണ്‍സ് വേണ്ടിയിരുന്ന ഇന്ത്യയെ അവസാന പന്തില്‍ കേദാര്‍ വിജയിപ്പിച്ചു.

0
Food, Kerala, News

സംസ്ഥാനത്തുടനീളം കൺസ്യൂമർഫെഡ് ഗോഡൗണുകളിൽ നടത്തിയ വിജിലൻസ് പരിശോധനയിൽ ഗുണനിലവാരമില്ലാത്ത ധാന്യ ശേഖരം പിടികൂടി

keralanews seized less quality cereals in the inspection conducted in consumerfed godowns across the state

തിരുവനന്തപുരം:കൺസ്യൂമർഫെഡ് വഴി പൊതുജനങ്ങൾക്ക് വിതരണം ചെയ്യുന്ന ഉൽപ്പന്നങ്ങളുടെ ഗുണനിലവാരം കുറവാണെന്ന പരാതിയെ തുടർന്ന് സംസ്ഥാനത്തുടനീളമുള്ള കൺസ്യൂമർഫെഡ് ഗോഡൗണുകളിൽ വിജിലൻസ് മിന്നൽ പരിശോധന നടത്തി.വിജിലൻസ് ഡയറക്റ്റർ ബി.എസ് മുഹമ്മദ് യാസിന്റെ നിർദേശപ്രകാരം തിങ്കളാഴ്ച രാവിലെ 11 മണിമുതൽ കൺസ്യൂമർ ഫെഡിന്റെ 36 ഗോഡൗണുകളിലും തിരഞ്ഞെടുത്ത ഔട്‍ലെറ്റുകളിലും ഒരേസമയത്തായിരുന്നു പരിശോധന.ഇതിൽ പലയിടങ്ങളിൽ നിന്നും നിലവാരം കുറഞ്ഞ ധാന്യങ്ങൾ പിടിച്ചെടുത്തു.ഓണത്തിന് ഉപഭോക്താക്കൾക്ക് സബ്സിഡിയിനത്തിൽ സാധനങ്ങൾ നൽകിയതിൽ വ്യപകമായ ക്രമക്കേട് നടന്നതായി നേരത്തെ തന്നെ ആക്ഷേപമുയർന്നിരുന്നു. വെളിച്ചെണ്ണ,പരിപ്പ്,പയർ,മുളകുപൊടി എന്നിവയിലാണ് പ്രധാനമായും പരാതിയുള്ളത്.കുറഞ്ഞ നിരക്ക് ക്വാട്ട് ചെയ്ത സ്ഥാപനത്തെ ഒഴിവാക്കി കോഴിക്കോട്ടെ ഒരു കമ്പനി വഴിയാണ് പയറും മുളകുമെല്ലാം വാങ്ങിയത്.ഗുണനിലവാരമില്ലാത്തതിന്റെ പേരിൽ ഒഴിവാക്കിയ ഏജൻസി അംഗങ്ങൾ അടങ്ങുന്നതാണ് ഈ കമ്പനിയെന്നാണ് വിജിലൻസിന് ലഭിച്ച വിവരം.പാലക്കാട് ജില്ലയിലെ നൂറണി,കോഴിക്കോട് ജില്ലയിലെ തടമ്പാട്ടുതാഴം,മീനങ്ങാടി,വടകര,കോഴിക്കോട് സിറ്റി,കാസർഗോഡ് മതിയാനി, കോട്ടയത്തെ പുത്തനങ്ങാടി,മലപ്പുറത്തെ പെരിന്തൽമണ്ണ എന്നീ ഗോഡൗണുകളിൽ നിന്നും ഗുണനിലവാരമില്ലാത്ത സാധനങ്ങൾ വിതരണം ചെയ്തതായി പരിശോധനയിൽ കണ്ടെത്തിയിട്ടുണ്ട്.ചിലയിടങ്ങളിൽ നിന്നും കണക്കിൽപ്പെടാത്ത ഉൽപ്പന്നങ്ങളും കണ്ടെത്തി.ഒട്ടുമിക്ക ഗോഡൗണുകളിലും ഔട്‍ലെറ്റുകളിലും സ്റ്റോക്ക് രജിസ്റ്റർ കൃത്യമായി സൂക്ഷിക്കുന്നില്ലെന്നും കണ്ടെത്തിയിട്ടുണ്ട്.

0
India, Sports

മലയാളി താരം ജിൻസൺ ജോൺസന് അർജുന അവാർഡ് ശുപാർശ

keralanews arjuna award reccomendation for jinson johnson

ന്യൂഡല്‍ഹി: ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോഹ്‌ലിക്കും ഭാരോദ്വഹന താരം മീരാഭായ് ചാനുവിനും രാജീവ് ഗാന്ധി ഖേല്‍ രത്നയ്ക്കും മലയാളി അത്‌ലറ്റ് ജിന്‍സന്‍ ജോണ്‍സണ്‍ ഉള്‍പ്പടെ 20 കായിക താരങ്ങള്‍ക്കു അര്‍ജുന അവാര്‍ഡിനും ശുപാർശ.ജക്കാര്‍ത്തയില്‍ നടന്ന ഏഷ്യന്‍ ഗെയിംസില്‍ 1500 മീറ്ററില്‍ സ്വര്‍ണവും 800 മീറ്റര്‍ വെള്ളിയും നേടിയ ജിന്‍സന്‍റെ മികവ് കണക്കിലെടുത്താണ് പുരസ്കാരത്തിനായി ശിപാര്‍ശ ചെയ്തത്. കോഴിക്കോട് ചക്കിട്ടപ്പാറ സ്വദേശിയാണ് ജിൻസൺ.ഭാരോദ്വഹന താരം മീരാഭായ് ചാനുവിന്‍റെ പരിശീലകന്‍ വിജയ് ശര്‍മ, ക്രിക്കറ്റ് പരിശീലകന്‍ തരക് സിന്‍ഹ എന്നിവരുള്‍പ്പടെ ഏഴു പേരെ ദ്രോണാചാര്യ പുരസ്കാരത്തിനും ശിപാര്‍ശ ചെയ്തിട്ടുണ്ട്.കേന്ദ്ര കായിക മന്ത്രാലയത്തിന്‍റെ അംഗീകാരം ലഭിച്ചാല്‍ ബാഡ്മിന്‍റണ്‍ താരം കെ. ശ്രീകാന്തിനെ കൂടി ഖേല്‍ രത്ന പുരസ്കാരത്തിന് പരിഗണിക്കുമെന്നാണ് വിവരം. 7.5 ലക്ഷം രൂപയാണ് രാജീവ് ഗാന്ധി ഖേല്‍ രത്ന പുരസ്‌ക്കാര തുക. മലയാളിയായ ബോബി അലോഷ്യസ്, ഭരത് ഛേത്രി (ഹോക്കി), സത്യ ദേവ പ്രസാദ് (ആര്‍ച്ചറി), ദാദു ചൗഗുലേ (ഗുസ്തി) എന്നിവരെ ധ്യാന്‍ചന്ദ് പുരസ്കാരത്തിനും ശിപാര്‍ശ ചെയ്തിട്ടുണ്ട്. റിട്ടയേര്‍ഡ് ജസ്റ്റീസ് മുകുള്‍ മുദ്ഗല്‍ അധ്യക്ഷനായ സമിതിയാണ് ശിപാര്‍ശ പട്ടിക തയാറാക്കിയത്.

0
India, Sports

സച്ചിൻ ബ്ലാസ്‌റ്റേഴ്‌സിനെ കയ്യൊഴിയുന്നു; ഐഎസ്എൽ ഓഹരികൾ വിറ്റത് സ്ഥിതീകരിച്ച് സച്ചിൻ

keralanews sachin confirmed selling his stake in i s l

കൊച്ചി: ഇന്ത്യന്‍ സൂപ്പര്‍ ലീഗ് ടീമായ കേരള ബ്ലാസ്റ്റേഴ്സിലെ തന്‍റെ ഓഹരികള്‍ കൈമാറിയതു സ്ഥിരീകരിച്ച്‌ മുന്‍ ക്രിക്കറ്റ് താരം സച്ചിന്‍ തെണ്ടുല്‍ക്കര്‍. ബ്ലാസ്റ്റേഴ്സ് ടീം ഇപ്പോള്‍ സുദൃഡമായ നിലയിലാണെന്നും ടീം ഇനിയും മുന്നേറുമെന്നും സച്ചിന്‍ പറഞ്ഞു. തന്‍റെ ഹൃദയം എന്നും ബ്ലാസ്റ്റേഴ്സിനൊപ്പമുണ്ടാകുമെന്നും സച്ചിന്‍ കൂട്ടിച്ചേര്‍ത്തു. 20 ശതമാനം ഓഹരികളാണു സച്ചിന്‍റെ കൈവശമുണ്ടായിരുന്നത്.വ്യവസായിയും ലുലു ഗ്രൂപ്പ് ചെയര്‍മാനുമായ യൂസഫ് അലി കേരള ബ്ലാസ്റ്റേഴ്സ് ഫുട്ബോള്‍ ക്ലബ്ബ് ഉടമകളായ ബ്ലാസ്റ്റേഴ്സ് സ്പോര്‍ട് പ്രൈവറ്റ് ലിമിറ്ററിനെ ഏറ്റെടുത്തതായാണു റിപ്പോര്‍ട്ട്. ഗോള്‍ ഡോട്ട്കോമാണ് ഇതു സംബന്ധിച്ച വാര്‍ത്ത റിപ്പോര്‍ട്ട് ചെയ്യുന്നത്. നിലവില്‍ ഹൈദരാബാദ് ആസ്ഥാനമായ പ്രസാദ് ഗ്രൂപ്പാണ് ഫ്രാഞ്ചൈസിയുടെ 80 ശതമാനം ഓഹരികള്‍ കൈവശം വയ്ക്കുന്നത്. ലുലു ഗ്രൂപ്പ് ടീമിനെ ഏറ്റെടുക്കുന്നതുമായ ബന്ധപ്പെട്ട ചോദ്യങ്ങളോട് പ്രതികരിക്കാന്‍ കഴിയില്ലെന്ന് ബ്ലാസ്റ്റേഴ്സ് സിഇഒ വരുണ്‍ ത്രിപുരനേനി പറഞ്ഞു.ബ്ലാസ്റ്റേഴ്‌സ് ക്ലബ് ആരംഭിച്ച സമയത്ത് സമയത്ത് സച്ചിന് 40 ശതമാനം ഓഹരിയാണുണ്ടായിരുന്നത്. ബാക്കി അറുപത് ശതമാനം ആദ്യ കാലത്ത് PVP എന്ന ഗ്രൂപ്പിനായിരുന്നു. പിന്നിട് സച്ചിന്റെ കൈയില്‍ നിന്ന് 20 ശതമാനവും, പിവിപി ഗ്രൂപ്പിന്റെ 60 ശതമാനം ഓഹരിയും പ്രസാദ് ഗ്രൂപ്പ് വാങ്ങുകയായിരുന്നു. എന്നാല്‍ ഈ ഇടപാടില്‍ വിദേശ വിനിമയ ചട്ടം ലംഘിച്ചതിന് സെബി ബ്ലാസ്റ്റേഴ്‌സ് ഉടമകള്‍ക്ക് 30 കോടി പിഴ ചുമത്തിയിരുന്നു. ഇതിനെ തുടര്‍ന്ന് ക്ലബ് സാമ്ബത്തിക പ്രതിസന്ധിയിലായിരുന്നു. മികച്ച താരങ്ങളെ ടീമിലെടുക്കാന്‍ മാനേജ്‌മെന്റിന് കഴിയാതെ വന്നു.കഴിഞ്ഞ സീസണില്‍ തന്നെ സച്ചിന്‍ ഈ വിഷയത്തില്‍ അതൃപ്തി അറയിച്ചിരുന്നു. ഇതിനെ തുടര്‍ന്നാണ് ഇപ്പോള്‍ സച്ചിന്‍ ഉടമസ്ഥാവകാശം ഒഴിയുന്നതെന്നാണ് സൂചനകള്‍.

0
Health

പാരസെറ്റമോൾ സംയുക്തം ഉൾപ്പെടെ ആരോഗ്യത്തിന് ഹാനികരമായ 328 മരുന്ന് സംയുക്തങ്ങൾ കേന്ദ്രം നിരോധിച്ചു

keralanews the center has banned 328 drugs that are harmful to health including paracetamol compounds

ന്യൂഡൽഹി:പാരസെറ്റമോൾ സംയുക്തം ഉൾപ്പെടെ ആരോഗ്യത്തിന് ഹാനികരമായ 328 മരുന്നുകൾ കേന്ദ്രം നിരോധിച്ചു.ഈ ബ്രാന്‍ഡുകള്‍ ഉള്‍പ്പടേ പതിനായിരത്തോളം ബ്രാന്‍ഡഡ് മരുന്നുകള്‍ ഇനി നിര്‍മിക്കാനോ വിപണയിലെത്തിക്കാനോ സാധിക്കില്ല.ഇത്തരം മരുന്നുകള്‍ ആരോഗ്യത്തിന് ദോഷം ചെയ്യുന്നുവെന്ന റിപ്പോര്‍ട്ടിന്റെ അടിസ്ഥാനത്തില്‍ കേന്ദ്രം നിയോഗിച്ച വിദഗ്ധ സമിതിയുടെ ശുപാര്‍ശയനുസരിച്ചാണ് കേന്ദ്രസര്‍ക്കാര്‍ നടപടി സ്വീകരിച്ചിരിക്കുന്നത്. പ്രമുഖ മരുന്ന് ബ്രാന്‍ഡുകളായ സറിഡോന്‍(പിറമോള്‍), ടാക്‌സിം എം ഇസഡ് (അല്‍ക്കം ലബോറട്ടറീസ്, പാന്‍ഡേം പ്ലസ് ക്രീം (മക്ലിയോസ് ഫാര്‍മ) എന്നിവയുടേത് ഉള്‍പ്പടേ 328 മരുന്ന് സംയുക്തങ്ങളാണ് നിരോധിച്ചിരിക്കുന്നത്.പാരസെറ്റമേള്‍+ പ്രോക്ലോപെറാസിന്‍, ബെന്‍സോക്‌സോണിയം ക്ലോറൈഡ്+ ലൈഡോകെയ്ന്‍, ഗൈബെന്‍ക്ലാമെഡ്+ മെറ്റ്‌ഫോര്‍മിന്‍(എസ്.ആര്‍)+ പയോഗ്ലിറ്റസോണ്‍, ഗ്ലിമെപിറൈഡ്+ പയോഗ്ലിറ്റസോണ്‍+മെറ്റ്‌ഫോര്‍മിന്‍, അമലോക്‌സിലിന്‍250 എംജി+ പൊട്ടാസ്യം ക്ലാവുലനേറ്റ് ഡൈലേറ്റഡ് 62.5 എംജി എന്നിവയാണ് നിയന്ത്രണമേര്‍പ്പെടുത്തിയ മരുന്നുസംയുക്തങ്ങള്‍.പ്രൊഫ്. ചന്ദ്രകാന്ത് കോകാടെ സമിതിയുടെ പഠനറിപ്പോര്‍ട്ടിനെ തുടര്‍ന്നാണ് കേന്ദ്രം 2016 ല്‍ 349 മരുന്നുസംയുക്തങ്ങല്‍ നിരോധിച്ചിരുന്നു. ഇവയില്‍ 1988 നു മുന്‍പ് അംഗികാരം ലഭിച്ച 15 മരുന്ന് സംയുക്തങ്ങളും നിയന്ത്രമേര്‍പ്പെടുത്തിയ ആറു മരുന്നുസംയുക്തങ്ങളും ഒഴികെ എല്ലാ മരുന്നുകള്‍ക്കും നിരോധനം ബാധകമാണ്. പ്രമേഹരോഗികള്‍ക്ക് നല്‍കുന്ന ഗ്ലൂക്കോനോ-പിജി, ബഹുരാഷ്ട്ര മുരുന്ന് കമ്പനിയായ അബോട്ടിന്റെ ട്രൈബെറ്റ്, ലുപിന്റെ ടൈപ്രൈഡ് തുടങ്ങിയ ആറ് മരുന്ന് സംയുക്തങ്ങളുടെ നിര്‍മാണത്തിനും വില്‍പ്പനയ്ക്കും നിയന്ത്രണം ഏര്‍പ്പെടുത്തിയാല്‍ മതിയെന്നാണ് കേന്ദ്രത്തിന്റെ നിലപാട്.ചുമ, പനി എന്നിവയ്ക്ക് വ്യാപകമായി ഉപയോഗിക്കുന്ന ഫെന്‍സെഡില്‍, ഡി-കോള്‍ഡ് ടോട്ടല്‍, ഗ്രിലിന്‍ക്റ്റസ്, തുടങ്ങിയവയ്‌ക്കെതിരെ റിപ്പോര്‍ട്ട് ഉണ്ടായിരുന്നെങ്കിലും ഇവയെ നിരോധിച്ചിട്ടില്ല.

0
Food, News

ഉൾനാടൻ ജലാശയങ്ങളിലെ മീനുകളിൽ ഫങ്കസ് ബാധ പടരുന്നതായി റിപ്പോർട്ട്

keralanews fungus infection reported in fish in inland waterways

പനങ്ങാട് :പ്രളയക്കെടുതിക്കു പിന്നാലെ ഉൾനാടൻ ജലാശങ്ങളിലെ  മീനുകളില്‍ ഫംഗസ് ബാധ പടരുന്നു. കണമ്ബ്, മാലാല്‍, തിരുത, കരിമീന്‍ എന്നിവയിലാണ് ഫംഗസ് രോഗബാധ കണ്ടെത്തിയിരിക്കുന്നത്. മീനുകളുടെ ശരീരം അഴുകി വ്രണമാകുന്ന എപ്പിസൂട്ടിക് അള്‍സറേറ്റീവ് സിന്‍ഡ്രം (ഇയുഎസ്) എന്ന ഫംഗസ് രോഗമാണ് പടരുന്നതെന്നു കേരള ഫിഷറീസ് സമുദ്ര പഠന സര്‍വകലാശാലയിലെ (കുഫോസ്) അനിമല്‍ ഹെല്‍ത്ത് ലബോറട്ടറിയില്‍ നടത്തിയ പരിശോധനയിലാണു കണ്ടെത്തിയത്.രോഗബാധ റിപ്പോര്‍ട്ട് ചെയ്തതിനെ തുടര്‍ന്നു സംസ്ഥാനത്തിന്റെ പല ഭാഗങ്ങളില്‍ നിന്നു സാംപിളുകള്‍ ശേഖരിച്ച്‌ പരിശോധിച്ചതില്‍ രോഗം കനത്ത നാശം വിതച്ചിട്ടുള്ളത് മണ്‍റോ തുരുത്തിലും പരിസരങ്ങളിലും ആണെന്നു കണ്ടെത്തിയിട്ടുണ്ട്. പ്രളയജലം ഉയര്‍ന്ന തോതില്‍ കലര്‍ന്നതോടെ ഉള്‍നാടന്‍ ജലാശയങ്ങളുടെ താപനിലയിലും ലവണാംശത്തിലും മാറ്റമുണ്ടായതാണ് ഫംഗസ് രോഗം പടരാന്‍ കാരണം.രോഗം പടരുന്നത് തടയാന്‍ ആദ്യപടിയായി കര്‍ഷകര്‍ കുളങ്ങളില്‍ കുമ്മായം ഇട്ട് പിഎച്ച്‌ ലെവല്‍ ഉയര്‍ത്തണമെന്ന് കുഫോസിലെ ആനിമല്‍ ഹെല്‍ത്ത് വിഭാഗം അറിയിച്ചു. തുടര്‍ന്ന് അഗ്രിലൈമോ ഡോളമെറ്റോ ഒരേക്കറിന് 10 കിലോ എന്ന തോതില്‍ 250 ഗ്രാം പൊട്ടാസ്യം പെര്‍മാംഗനേറ്റും ചേര്‍ത്ത് 10 ദിവസത്തില്‍ ഒരിക്കല്‍ പ്രയോഗിക്കണം. കൂടുതല്‍ വിവരങ്ങള്‍ക്ക് 9446111033 നമ്ബറില്‍ വിളിക്കാം.

0
Sports

ഏഷ്യൻ ഗെയിംസ്;മലയാളിതാരം ജിൻസൺ ജോൺസണിലൂടെ ഇന്ത്യക്ക് പതിമൂന്നാം സ്വർണ്ണം

keralanews india got 13 gold medal in asian games malayalee athlet jinson johnson got gold medal

ജക്കാര്‍ത്ത:ഏഷ്യന്‍ ഗെയിംസ് പുരുഷവിഭാഗം 1500 മീറ്ററില്‍ മലയാളിതാരം ജിന്‍സണ്‍ ജോണ്‍സണ് സ്വര്‍ണ്ണം.3:44.72 മിനിറ്റ് സമയം കൊണ്ടാണ് ജിണ്‍സണ്‍ 1500 മീറ്റര്‍ ഓടിയെത്തിയത്. നേരത്തെ 800 മീറ്ററില്‍ ജിന്‍സണ്‍ വെള്ളി നേടിയിരുന്നു. വനിതകളുടെ 4*400 മീറ്ററിലും ഇന്ത്യ സ്വര്‍ണം കരസ്ഥമാക്കി.അതേസമയം വനിതാ വിഭാഗം 1500 മീറ്ററില്‍ പി യു ചിത്ര വെങ്കലം നേടി. 4:12.56 സമയം കൊണ്ടാണ് താരം ഫിനിഷ് ചെയ്തത്.വനിതകളുടെ ഡിസ്‌ക് ത്രോയില്‍ സീമ പൂനിയ ഇന്ത്യയ്ക്കായി വെങ്കലം നേടിയിട്ടുണ്ട്.നിലവില്‍ ഇന്ത്യയുടെ സ്വര്‍ണനേട്ടം 13 ആണ്. അത്‌ലറ്റിക്‌സില്‍ മാത്രം ഏഴ് സ്വര്‍ണം നേടിയിട്ടുണ്ട്. 21 വെള്ളിയും 25 വെങ്കലവുമടക്കം 59 മെഡലുകളുമായി എട്ടാം സ്ഥാനത്താണ് ഇന്ത്യ.

0