ഇരിട്ടി : സംസ്ഥാന കശുമാവ് കൃഷി വികസന ഏജന്‍സിയുടെ പ്രോത്സാഹന പദ്ധതി സബ്സിഡി വിതരണം മന്ത്രി ജെ മേഴ്സിക്കുട്ടിയമ്മ ഇരിട്ടി ഫാല്‍ക്കണ്‍ പ്ളാസ ഓഡിറ്റോറിയത്തില്‍ ഉദ്ഘാടനം ചെയ്തു. തൈ ഒന്നിന് 30 രൂപ നിരക്കില്‍ നല്‍കുന്ന ധനസഹായം വരും വര്‍ഷം മുതല്‍ ഇരട്ടിയാക്കും. ഒന്നാം വിള മുതല്‍ മഴക്കാലം വരെയുള്ള കശുവണ്ടി ഒരേ വിലയില്‍ സര്‍ക്കാര്‍ ഏറ്റെടുക്കും. സണ്ണിജോസഫ് എംഎല്‍എ അധ്യക്ഷനായി. ഇരിട്ടി നഗരസഭ, കൊട്ടിയൂര്‍, പായം, മുഴക്കുന്ന് പഞ്ചായത്തുകളിലെ 613 കൃഷിക്കാര്‍ക്ക് 13,73,970 രൂപയാണ് മന്ത്രി നല്‍കിയത്.