കാസർകോഡ്:വിദ്യാർത്ഥിയെ മര്‍ദിച്ചെന്ന പരാതിയില്‍ അധ്യാപകനെതിരേ പോലീസ് കേസെടുത്തു.നെല്ലിക്കുന്ന് അന്‍വാറുല്‍ ഉലൂം എ.എല്‍.പി. സ്കൂളിലെ ആറാംക്ലാസ്സ് വിദ്യാര്‍ഥിക്കാണ് മര്‍ദനമേറ്റത്. സംഭവുമായി ബന്ധപ്പെട്ട് അധ്യാപകന്‍ അഷറഫിനെതിരേയാണ് കാസര്‍കോട് ടൗണ്‍ പോലീസ് കേസെടുത്തത്.കുട്ടി കാസര്‍കോട് ജനറല്‍ ആസ്പത്രിയില്‍ ചികിത്സ തേടി.ഉച്ചയ്ക്ക് വീട്ടില്‍ ഭക്ഷണം കഴിക്കാനെത്തിയ കുട്ടിയുടെ കൈയില്‍ പാട് കണ്ട് അമ്മ അന്വേഷിച്ചപ്പോഴാണ് അധ്യാപകന്റെ മര്‍ദനത്തെക്കുറിച്ച്‌ അറിയുന്നത്.തുടര്‍ന്ന് വീട്ടുകാര്‍ പോലീസില്‍ പരാതി നല്‍കുകയായിരുന്നു.കേസ് രജിസ്റ്റര്‍ ചെയ്ത പോലീസ് കുട്ടിയുടെ മൊഴി രേഖപ്പെടുത്തി.