കൂത്തുപറമ്പ്:കെഎസ്‌യു പ്രവർത്തകനെ മർദിച്ച സംഭവത്തിൽ 10 എസ്എഫ്ഐ പ്രവർത്തകർക്കെതിരെ കേസെടുത്തു.നിർമ്മലഗിരി കോളേജിലെ മൂന്നാം വർഷ ബിരുദ വിദ്യാർത്ഥിയും കോളേജ് യൂണിയൻ ജനറൽ ക്യാപ്റ്റനുമായ തിരഞ്ഞെടുക്കപ്പെട്ട ജ്യോതിസ് തോമസിനാണ് മർദനമേറ്റത്.തൊക്കിലങ്ങാടിയിലെ ഒരു സുഹൃത്തിന്റെ വീട്ടിലെത്തിയ ജ്യോതിസിനെ പത്തുപേരടങ്ങുന്ന എസ്എഫ്ഐ പ്രവർത്തകർ മർദിക്കുകയായിരുന്നു.ജില്ലാ പോലീസ് മേധാവിക്ക് ലഭിച്ച പരാതിപ്രകാരം കൂത്തുപറമ്പ് പൊലീസാണ് ഇവർക്കെതിരെ കേസെടുത്തിരിക്കുന്നത്. മർദനത്തിൽ തലയ്ക്കും ചെവിക്കും ഗരുതരമായി പരിക്കേറ്റ ജ്യോതിസിനെ തലശ്ശേരി ഇന്ദിരാഗാന്ധി സഹകരണ ആശുപത്രിയിൽ പ്രവേശിപ്പിച്ചിരിക്കുകയാണ്. പെൺകുട്ടികളെ അപമാനിച്ചതിനാണ് തന്നെ മർദിച്ചതെന്ന് പറയാൻ നിർബന്ധിച്ച് മാപ്പുപറയിക്കുന്ന വീഡിയോ ചിത്രീകരിച്ചതായും ജ്യോതിസിന്റെ പരാതിയിൽ പറയുന്നുണ്ട്.