കണ്ണൂർ പാനൂരില്‍ ഇതര സംസ്ഥാന തൊഴിലാളികളുടെ താമസസ്ഥലത്തിന് സമീപത്തു നിന്നും കഞ്ചാവ് ചെടികള്‍ പിടികൂടി.പൊയിലൂര്‍ ഭാഷാപോഷിണി എയ്ഡഡ് എല്‍ പി സ്‌കൂളിന്റെ മുന്‍വശത്ത് അന്യസംസ്ഥാന തൊഴിലാളികള്‍ താമസിക്കുന്ന കെട്ടിടത്തിന് സമീപം പൊതുസ്ഥലത്തു നിന്നും മൂന്ന് ആഴ്ച വളര്‍ച്ചയെത്തിയ രണ്ട് കഞ്ചാവ് ചെടികളാണ് കണ്ടെത്തിയത്.രഹസ്യ വിവരം ലഭിച്ചതിന്റെ അടിസ്ഥാനത്തിൽ കൂത്തുപറമ്പ് എക്സൈസ് റെയ്ഞ്ച് സംഘം നടത്തിയ പരിശോധനയിലാണ് കഞ്ചാവ് ചെടികള്‍ കണ്ടെത്തിയത്.കഞ്ചാവ് ചെടി കണ്ടെത്തിയ സാഹചര്യത്തില്‍ സെന്‍ട്രല്‍ പൊയിലൂര്‍ ഭാഗങ്ങളില്‍ എക്സൈസ് പരിശോധന ശക്തമാക്കിയിട്ടുണ്ട്.പ്രിവന്റീവ് ഓഫീസര്‍മാരായ പി പ്രമോദന്‍, കെ പി ഹംസക്കുട്ടി, സിവില്‍ എക്സൈസ് ഓഫീസര്‍മാരായ അനീഷ്‌കുമാര്‍ പി, അജേഷ്, ഷാജി അളോക്കന്‍ സുനിഷ്, പ്രജീഷ് കോട്ടായി ജലീഷ്, സുബിന്‍, എക്സൈസ് ഡ്രൈവര്‍ ലതീഷ് ചന്ദ്രന്‍ എന്നിവരാണ് എക്സൈസ് സംഘത്തിലുണ്ടായിരുന്നത്.